2 Koranar 14:3 - mzwDBL

³ Kooro Amasea ɛ waa aa too Korowii tea, kɛ dɛ a ta o nabaa Kooro Devid kwaa tele. Wobɛlbwa ta la, dɛ o dɛ teŋɛ waa o mɛɛ Kooro Joas aa ɛa ta.

2 Koranar 14:3 ပူးပေါင်းရင်းမြစ်များ

1 Koranar 11:4

Waa baa hwɛɛh la, haahna la berɛ o liire kaa voɡare toma ta. Dɛ o bambile toole Korowii waa dɛ tomɔ nɛɛ kpa kɛŋɔ o mɛɛ Kooro Devid fa aa ɛa la.

1 Koranar 15:11

Kooro Asa ɛ waa aa wera Korowii be, ɡɛ o nabaa Kooro Devid aa ɛa la.

1 Koranar 15:3

O ɡe ɛ o mɛɛ wechɔɡa la dɔŋa. O ta o bambile bwa kpɔe tɛ Korowii waa dɛ tomɔ kɛŋɔ o nabaa Kooro Devid aa ɛa la.

1 Koranar 3:3

Kooro Solomɔn teŋɛ waa o mɛɛ Kooro Devid aa ŋɔa la ta, dɛ baɡle nyina waa dɛ nyin Korowii, kɛ dɛ deŋɡarere baa dɛ tomɛ voɡa doree o ɡe ɛɛ fuh konsɔɔhsoma dɛɛ ɛ sarahare.

2 Koranar 12:2

Kooro Joas ɛ waa aa dɛ too Korowii tea, dɛkalkɛ sɔfo Jehoiada baɡlo wa.

2 Koranar 14:2

O di bene fifraanɛ dɛ anue mɔɔ, dɛ di kora. O di kora Jerusalam bene fifraanɛ dɛ anuanaarɛ. O nya sɔne Jehoadin dɛ le Jerusalam.

2 Koranar 14:4

O ta ɡelɛ ba chɔɡ bɔra baa dɛ tomɛ voɡa la, asɛ ba ta kpoo kwaa dɛɛ ɛ sarahare, dɛɛ fuh daawiile bela.

2 Koranar 18:3

O ɛ waa aa too Korowii tea kɛŋɔ o nabaa Kooro Devid ken.

2 Koranar 22:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

2 Webena 24:17

Kɛ sɔfo Jehoiada aa sewa habɔɔ la, Juda nomonome ba Kooro Joas be, dɛɛ soŋo ŋɔ wɛɛ no ba deŋna wa.

2 Webena 24:2

Kooro Joas ɛ waa aa too Korowii tea, ɡɛ saŋ sɔfo Jehoiada aa dɛ di sɔfore bwa.

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

1 Pita 1:18

He jemɔ kɛŋɔ Korowii aa lɛ heyaa le he naawa wesale he fa aa lɔ a ta la ta la, harɛ bonɔ kwaa aa dɛ chɔɡ kɛŋɔ suuɡapoŋ kɛɛ suuɡaswɛm ne laa o yawɛ heya.