2 Koranar 13:23 - mzwDBL

²³ kɛ Korowii dɔ tedoma ba nɛ dɛ na ba sum, fɔo o ne ba naawa Abraham ne Aesek ne Jekɔb aa fɔwa la wa. Ba le fini, waa nyin kɛŋɔ ó chɔɡ ba, kɛɛ dɛ́ doŋ ba le o sie.

2 Koranar 13:23 ပူးပေါင်းရင်းမြစ်များ

Yela 105:8

Wɛɛ lii o fɔo la waa saŋ bɛlbwaa, o nyoa waa baɡɛ naanar kaɡboŋa baa ka ba la bwa.

2 Koranar 14:27

Korowii aa wola ŋɔe ŋɔ, wɛɛ ɡeloo Israel nɛra tonɛ kwaara le harɛ la ta la, o cheɡɛ Kooro Jehoas bibaa Kooro Jɛroboam waa teŋa nɛɛ la nɛ, dɛ lɛɛ ba.

Yela 86:15

Kɛ hen Korowii te, he dɔ tedoma tɛ nɛra, dɛɛ nyin ba. He baah aa di warawara, he waa dɔ kasinteŋ, hɛɛ nyin nɛn.

2 Koranar 24:20

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

2 Koranar 17:18

Anomanta, Korowii baah di Israel tena nɛɛ taeh, dɛ doŋ ba le o sie. Juda dea tena ɡboo baa ka.

1 Koranar 8:28

Korowii maa dɛ tomɛ, he bonɔɔnee men, no n wesoŋa dɛ́ ɛ waa maa dɛ soŋe nɔ tɛ mɛ fini.

2 Tesalonika 1:9

dɛ́ per ba le o be. Baa o kpeɡri aa ɡela o dɔ jirima laanee na kpa, ásɛ o kpɔ hɔhɔrɔwa aa wola jaɡa dɔe bwa ta ba nɛ.

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Wiile 3:32

A lole kɛŋɔ wɛɛ ba suna dii nee, kɛ wɛɛ berɔ dɔ tedoma, o nyina aa wola jaɡa dɔe kan kohona.

Jeremia 12:15

A habɔɔ, mɛɛ berɔ dɔ tedoma tɛ ɡɛ nɛra nɔ bwa, dɛ́ berɛ ba ba ne ba buɡ ta. Ásɛ bɛlbwa kaa o nɛra bini, ne harɛ waa le o ta.

Yela 51:11

Bɛ men doŋi le he sie, kɛɛ dɛ́ laa he Doma kpɔ n nɛ.

Sitɔɔla 10:16

Anomanta, ba laa ba te kpɔ voɡa aa lɔ bela la ta dɛɛ tomɛ Korowii. Asɛ ba waa domɛ o tea, o sune ba nɛ.

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

Lewi Dea Tena 26:42

belaa mɛɛ ba ń lii n fɔo n ne Jekɔb ne Aesek dɛ Abraham aa fɔwa la wa, ásɛ dɛ kpɔ harɛ maa baɡ ba nyoa la tɛɛ ba.

Kaala 33:19

Korowii ŋɔ, “Mɛɛ ɡeloo he na n wedɛɛɡa ne n jerema bwa, ásɛ n yerɛ n sɔndɛɛɡe maa dɔa la he be kɛŋɔ menee Korowii. Mɛɛ na nɛra maa dɛ nyin kɛ n na ba sum la sumii, dɛ́ dɔ tedoma tɛ banɔ la maa dɛ nyin ɡe.

Mumpar 6:3

Anee Korowii ŋɔ, “Maa ɡel n Doma waa dɛ tɛ mkpa la do nɛwɛnyini bini saŋ bɛlbwa dɛɛ la. Baa wonoo sewɛ. Taraken, nɛn aa biɡra kwaraa la, anee bene lafa fifraanɛ ɡbo, dɛ o sewɔ.”

2 Koranar 13:24

Siiria Kooro Hasael baa sewɛ, asɛ o bibaa Bɛn Hadad chiɡ o naa ta dɛ di kora.

2 Koranar 13:4

Kooro Jehoahas soŋe Korowii a wa, asɛ o no. Dɛ Korowii na fiiɡa Siiria kooro aa dɛ fiiɡi Israel tena kohona.

2 Koranar 14:26

Dɛ Korowii na wahala kohona Israel tena aa lɔ a ta, deheɛre ne yoma bwa, nomɛlbwa aa wola toole dɛ́ lɛɛ ba.

2 Koranar 17:20

Anomanta, Korowii berɛ habɔɔ kpo Israel tena bwa. O tɛr ba deŋne, dɛ kpɔ ba do ba dɔma nyubinikpeɡ tena nɔn ta, ka tel kɛŋɔ waa doŋ ba le o sie.

2 Koranar 17:23

dɛ ka tel kɛŋɔ Korowii aa doŋ ba le o sie, ɡɛ waa cheɡɛ o keamere nɛɛ dɛ bol la. Anomanta, ba lawɛ Israel tena laa ta kaa bojaŋ Asiiria harɛ, ba ta ka bela ba le fini.

Yela 78:38

Kɛ Korowii sune o nɛra nɛ, o kpɔ ba wechɔɡa kɛ ba, o ta ban chɔɡɛ. Keraŋwɛnɛ bwaa o lawɛ bambile, dɛ ɡel o bandia nyoa sɔɔh.

Yela 105:9

Wɛɛ teŋɛ fɔo o ne ya naa Abraham aa fɔwa, ne nyoa waa baɡɛ Aesek la taa.

Yela 106:45

He koh ba waa dɛ lii fɔo he ne baa fɔwa la, dɛ che he nyina waa kana la ta, dɛ charɛ he liire.