2 Koranar 13:10 - mzwDBL

¹⁰ Kooro Joas aa di kora Juda harɛ ta bene fifraatoro dɛ anuanɛ taa Kooro Jehoahas bibaa Kooro Jehoas di kora Israel harɛ ta. O soɡe Samaria di kora bene fi dɛ anumɛl.

2 Koranar 13:10 ပူးပေါင်းရင်းမြစ်များ

2 Koranar 13:9

Kooro Jehoahas baa sewɛ, asɛ ba huɡo bela baa huɡe o naawa bwɛjen Samaria. Asɛ o bibaa Jehoas chiɡ o naa ta dɛ di kora.

2 Koranar 13:11

Kooro Jehoas ɡe ɛ wechɔɡa, dɛ jo Korowii nɛ, dɛ teŋɛ wechɔɡa Kooro Jɛroboam waa ɛ Nɛbat bibaa waa waa ɛa, dɛ ɡel Israel tena ɡe ɛ wechɔɡa la ta.

2 Koranar 14:1

Kooro Jehoahas bibaa Jehoas aa di kora Israel harɛ bennɛɛte taa Kooro Joas bibaa Amasea di kora Juda harɛ ta.

2 Koranar 10:30

A habɔɔ Korowii ŋɔ Kooro Jehu be ŋɔ, “He ɛ ɡɛ maa ŋɔa he chɔɡ Kooro Ahab naanar bwa, anomanta, mɛɛ ɡeloo he naanar ɛ koranar ka tel naanar bele banaarɛ baa ka ba nɛ, dɛɛ di kora Israel harɛ ta.”

2 Koranar 12:1

Kooro Jehu aa di kora Israel harɛ bene anuanɛ taa Kooro Joas di kora Juda harɛ ta. O soɡe Jerusalam di kora bene fifraanaarɛ. O nya sɔne Sebea, dɛ le bwɛjen Beɛseeba.

2 Koranar 13:1

Kooro Ahasia bibaa Joas aa di kora Juda harɛ ta bene fifraanɛ dɛ atoro taa Kooro Jehu bibaa Kooro Jehoahas di kora Israel harɛ ta. Dɛ bwɛjen Samariaa o so, dɛ di kora bene fi dɛ anuanɛ.

2 Koranar 14:17

Juda Kooro Joas bibaa Kooro Amasea di bene fi dɛ anue, Israel Kooro Jehoahas bibaa Kooro Jehoas seo habɔɔ.

2 Koranar 15:12

Anee Korowii baɡɛ Kooro Jehu nyoa dɛ teŋɛ a ta la. Korowii ŋɔ, “He naanar ɛɛ ɛ koranaree ka tel naanar bele banaarɛ baa ka ba nɛ, dɛɛ di kora Israel harɛ ta.”