2 Koranar 12:5 - mzwDBL

⁵ Sɔ́fo bɛlbwa lɛ suuɡare la le nɛra baa dɛ cheɡ suuɡare la be, dɛ́ ɡel bá kpɔ kwaa Korowii Dea la bela waa chɔɡa bwa.”

2 Koranar 12:5 ပူးပေါင်းရင်းမြစ်များ

Aesaya 58:12

Ásɛ he nɛra won berɛ kwaa vɔrɔwe saŋ la bwɛɛre aa paɡra, dɛ berɛ dimɡbeeni la cheɡ a buɡ ta. Baa yerɛ heyaa nɛra haa won danjwɛɛre aa kuuɡa kwaaraa, ne nɛra haa won deene aa choɡla mae.”

2 Webena 24:5

Asɛ o yerɛ sɔfore ne Lewi dea tena cheme, dɛ ŋɔ ba be ŋɔ, “Hé ɡaaɡe Juda harɛ bwɛjena ta, dɛ́ lɛ toɔ aa chɛ kɛ bɛlbwa bɔ benanyoa la ba, ásɛ n kpɔ kwaa Korowii Dea la. Hé ɛa warane.” Kɛ Lewi dea tena la ta mun pae warane.

2 Koranar 12:12

ne nɛra baa dɛ peɡri bwea, ne anɔ la baa kpɔ yawɛ daa, ne bwea baa sɛah dɛ́ kpɔ kwaa Korowii Dea la, dɛ ane bɛlbwa ɡe aa jaa.

1 Koranar 11:27

Gɛ aa ɛa o ɛ Kooro Solomɔn deŋnekpeɡ laanee nɔ. Gɛ saŋ Kooro Solomɔn ɡelɔ ba che bwea su Jerusalam wee leebɔr pera waa ɛ bɔɔ dɛ ma o danjwɛɛre o mɛɛ Kooro Devid aa maa la.

2 Webena 24:7

Dɛ Haŋkooro Atalia nyubinikpeɡ te la habɔteŋra ku Korowii Dea la, dɛ pa kwaa aa do ɡoroŋ la bini ane kaa tomɛ voɡ Baalre.

2 Koranar 12:4

Awola bɛl, Kooro Joas ŋɔ sɔfore la be ŋɔ, “Hé lɛ suuɡare baa dɛ ba a ne baa ɛ sarahare Korowii Dea la bwa. Anɔ la baa dɛ ba a ne tɔpere bɛlbwa, ne deŋnesɔɔhna kwaa ne an la aa le bambile bini ba kpɔ dɛɛ ba bwa.

2 Koranar 12:6

Kɛ Kooro Joas aa di kora bene fifraanɛ dɛ atoro la, dɛ sɔfore la ta Korowii Dea la bobɛlbwa kwaarɛ mɔɔ.

Kaala 30:13

Bɛlbwa waa ɡale ka ja banɔ la baa kur ba nɛɛ la chɛ kɛ ó bɔ suuɡapoŋ fah ɡɛ baa maɡa bil Korowii Dea a ɛ suuɡa bwejeɡre fifraanɛ. A ɡɛ suuɡapoŋ fah nɔ ɛ saraha dɛ tɛ men Korowii.

Lewi Dea Tena 27:2

“Kpɔ waa maa dɛ ba bola nɔ tɛ Israel tena. Dɛ nomɛl kpɔ nɛn tɛ Korowii dɛ́ kpɔ pur nyobaɡa aa, suuɡa aa chɛ kɛŋɔ bá bɔ o nyu ta ó dɔ o te laanee

Nɛra Kura 18:15

Israel tena bibanloɡla ne ba konaatena biloɡla ambala baa kpɔ ba tɛ mɛ la ɛ he kwa. Kɛ bibanloɡla ne konaatena baa kia biloɡla ambala te, a chɛ kɛ hé ɡel ba charɛ a nyuune.

2 Koranar 22:4

“La Sɔfonomoa Hilkia be, ásɛ o lɛ suuɡa nɛra aa dɛ ba a ne Korowii Dea la le nɛra baa dɛ nyiŋi doonyoone ta la be cheɡ.

1 Webena 29:6

Belaa nomonnyuune ne Israel deene nomonome ne laa sitɔɔla baa chɔ laa tena kaɡboŋa ne lafare nyoo, dɛ kooro nomonome baa chɔ o tomare nyoo bwa, le ba bambile ta, dɛ kpɔ kwaa kɛ bá kpɔ ɛ Korowii Dea la toma.

1 Webena 29:9

Nɛra la bwa sie lɛ ɡɛ ba nomonome la aa le ba bambile ta dɛ tɛ kwaa la, Kooro Devid ɡe sie lɛo kɛrɛdɛ.