2 Koranar 12:4 - mzwDBL

⁴ Awola bɛl, Kooro Joas ŋɔ sɔfore la be ŋɔ, “Hé lɛ suuɡare baa dɛ ba a ne baa ɛ sarahare Korowii Dea la bwa. Anɔ la baa dɛ ba a ne tɔpere bɛlbwa, ne deŋnesɔɔhna kwaa ne an la aa le bambile bini ba kpɔ dɛɛ ba bwa.

2 Koranar 12:4 ပူးပေါင်းရင်းမြစ်များ

2 Koranar 22:4

“La Sɔfonomoa Hilkia be, ásɛ o lɛ suuɡa nɛra aa dɛ ba a ne Korowii Dea la le nɛra baa dɛ nyiŋi doonyoone ta la be cheɡ.

Kaala 35:5

Komɛlbwa haa dɔa la, hé kpɔ a bini ane ba ɛ saraha tɛ Korowii. Gɛ aa le bɛlbwa bambile bini la ó kpɔ ba tɛ Korowii. Koŋkwaa kɛŋɔ suuɡaswɛm ne suuɡapoŋ dɛ ayaawa,

Kaala 35:29

Israel tena haahna ne baala bwaa le ba bambile ta dɛ kpɔ saraha kwaa ba cha Korowii toma ɡɛ waa cheɡɛ Mosis nɛɛ dɛ bol ba be la.

Kaala 35:22

Baala ne haahna bwa le ba bambile ta kpɔ suuɡaswɛm kwaa kɛŋɔ deŋna kwa, noniseɡa ne jɔɡrɔre bwa soo siwi ba. Ba bwa ɡɔɔra nyundua dɛ viiɡa men Korowii sie.

Amanesoma Luk Aa Chwera Tɔn 21:4

dɛkalkɛŋɔ o dea suuɡa bwaa o kpɔ ba do daka nɔ bini la. Kɛ dɔɔhna nɔ te suuɡa bini tama baa naa kɛŋɔ a waa aa ba nɛɛ we la, anee ba kpɔ ba do la.”

Ɛsra 7:16

Berɛ kpɔ suuɡapoŋa ne suuɡaswɛm haa dɔa le Babelɔn harɛ ta, ne deŋnesɔɔhna sarahare Israel tena ne ba sɔfore aa kpɔa tɛ Korowii Israel tena aa dɛ tomɔ Dea waa lɔ Jerusalam la bwa.

Ɛsra 2:69

Gɛ bɛlbwa aa wona laanee o tɛ ba kpɔ ɛ toma la. Suuɡaswɛm a tɔɡre aa ɛ kilore lafraanue, ne suuɡapoŋa a tɔɡre aa ɛ kilore kaɡboŋa anɛ lafraanuatoro, dɛ sɔfore batakaani lafa.

Ɛsra 1:6

Ba bala la bwa cha ba, dɛ tɛɛ ba suuɡaswɛm ne suuɡapoŋa koŋkwaa, ne laala baa kpɔ ɛ toma ne kondɛɛra, ne koŋkɛɛla a yoɡ aa kpeɡa, dɛ kpɔ ja saraha kwaa bwa aa le ba bambile ta.

2 Webena 35:2

O kpɔ tomare sɔfore la aa ɛ do ba nɔn ta, dɛ do ba ɡbemba ŋɔ bɛlbwa ɛ o toma kɛrɛdɛ Korowii Dea bela.

2 Webena 31:12

Asɛ ba pa koŋkɛɛla la ne kwaa baa bɔne a bini fi, dɛ kpɔ bɔrbeŋkpoŋa ba, dɛ kwaa baa lea cheɡ tɛ Korowii la cheɡ bela. Ba kpɔ Lewi dea te bɛl baa dɛ yerɔ Konania ɛ nomoa ŋɔ wɛ́ɛ nyiŋi a ta, asɛ o nime Simee ja o nɛ.

2 Webena 15:18

O kpɔ suuɡapoŋa ne suuɡaswɛm, ne kwaa bwa o ne o mɛɛ aa dɔa, dɛ kpɔ do Korowii nɔn ta la ba Korowii Dea.

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

2 Koranar 12:18

Asɛ Kooro Joas kpɔ kondɛɛɡa aa do ɡoroŋ o ne o naawa koranar Jehosafat, ne Jehoram dɛ o mɛɛ Kooro Ahasia aa kpɔa do Korowii nɔn ta, dɛ kpɔ o kwaa ja dɛ suuɡaswɛm aa lɔ deene baa dɛ cheɡ laala a yoɡ aa kpeɡa a bini Korowii Dea ne koodem bwa, ka kɛ Kooro Hasael, asɛ o ɡel Jerusalam tena ba yoi.

1 Koranar 7:1

Kooro Solomɔn do o ɡbaɡba koodem, kɛ a di bene fi dɛ atoro mɔɔ o won do tonɛ.

Lewi Dea Tena 27:31

Dɛ nomɛl dɛ nyin kɛŋɔ ó berɛ yawɛ a bini bɛlbwa naa, a chɛ kɛ ó bɔ yoɡ baa teŋa bil la, ásɛ dɛ bɔne yoɡ la bini bɔre anue, dɛ́ bɔ bɔrbeŋkpoŋ ja a ta.

Kaala 36:3

Anee Mosis kpɔ saraha kwaa Israel tena aa kpɔa ba ŋɔ bá kpɔ ɛ Korowii Dea la toma tɛɛ ba. Nɛra ta tea dɛ teŋɛ kpɔ kwaa baa tɛ chɔɔ bɛlbwa bambile bwa ne.

1 Webena 18:11

Kooro Devid kpɔ a ɡɛ kwaa nɔ dɛ lea cheɡ tɛ Korowii toma, ɡɛ o fa aa ɛ suuɡapoŋa ne suuɡaswɛm waa paa le harɛre waa kaa yo, dɛ pɔ a nɛra nɛɛ la. A ɡɛ harɛre laanee, Edom ne Moab, ne Amɔn ne Filisti, dɛ Amalɛk.

2 Koranar 12:5

Sɔ́fo bɛlbwa lɛ suuɡare la le nɛra baa dɛ cheɡ suuɡare la be, dɛ́ ɡel bá kpɔ kwaa Korowii Dea la bela waa chɔɡa bwa.”

1 Koranar 3:2

Baa wola Korowii Dea mae mɔɔ la, dɛ deŋɡarere taa baa ɛ sarahare.

1 Koranar 3:3

Kooro Solomɔn teŋɛ waa o mɛɛ Kooro Devid aa ŋɔa la ta, dɛ baɡle nyina waa dɛ nyin Korowii, kɛ dɛ deŋɡarere baa dɛ tomɛ voɡa doree o ɡe ɛɛ fuh konsɔɔhsoma dɛɛ ɛ sarahare.

2 Koranar 14:4

O ta ɡelɛ ba chɔɡ bɔra baa dɛ tomɛ voɡa la, asɛ ba ta kpoo kwaa dɛɛ ɛ sarahare, dɛɛ fuh daawiile bela.

2 Koranar 15:4

O ta bɔra voɡtoroma aa dɛ ɛ sarahare la chɔɡɛ. Dɛ nɛra la teŋɔ kpo kwaa dɛɛ ɛ sarahare dɛɛ fuh daawiile a sɔɔh aa soma bela.

2 Koranar 16:4

Kooro Ahas kpoo kwaa dɛ ɛ saraha, dɛ fuh daawiile tɛ voɡare bela voɡtoroma aa dɛ tomɛ, ne deŋɡarere dor, dɛ dajen bɛlbwa mun.

2 Koranar 17:11

Ba dɛ fuh daawiile kon baa dɛ ɛ sarahare a ta ne deŋɡare bɛlbwa ta, kɛŋɔ ɡɛ nɛra Korowii aa doŋ ba le ba harɛre ta tɛɛ ba fa aa dɛ ɛ la. Israel tena ɛ wedoŋa tenten a di Korowii baah taeh.