2 Koranar 12:3 - mzwDBL

³ Kɛ Kooro Joas ta ɡelɛ ba chɔɡ bɔra voɡtoroma aa dɛ tomɛ ba voɡa, asɛ ba ta teŋɛ ɛ sarahare dɛɛ fuh daawiile a sɔɔh aa soma bela.

2 Koranar 12:3 ပူးပေါင်းရင်းမြစ်များ

1 Koranar 15:11

Kooro Asa ɛ waa aa wera Korowii be, ɡɛ o nabaa Kooro Devid aa ɛa la.

1 Koranar 15:14

A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

1 Koranar 22:43

Kooro Jehosafat ɛ ɡɛ o mɛɛ Kooro Asa aa ɛa wobɛlbwa ta, o ta an ɡelɛ. O ɛ waa aa toɡra Korowii be. Deŋɡarere voɡtoroma aa dɛ kpoo kwaa a ta la te, o ta an chɔɡɛ, ba ta teŋɛ kpoo kwaa dɛɛ fuh daawiile a sɔɔh aa soma bela.

2 Koranar 12:2

Kooro Joas ɛ waa aa dɛ too Korowii tea, dɛkalkɛ sɔfo Jehoiada baɡlo wa.

2 Koranar 14:4

O ta ɡelɛ ba chɔɡ bɔra baa dɛ tomɛ voɡa la, asɛ ba ta kpoo kwaa dɛɛ ɛ sarahare, dɛɛ fuh daawiile bela.

2 Koranar 15:3

Kooro Ussia ɛ waa a too Korowii tea ɡɛ o mɛɛ Kooro Amasea fa aa ɛa la.

2 Koranar 15:35

O ta voɡa baa kpoo kwaa a ta dɛ ɛ sarahare dɛɛ fuh daawiile a ta la chɔɡɛ. Nɛra teŋɔ kpoo kwaa ɛ sarahare dɛɛ fuh konsɔɔhsoma a ta. Kooro Jotam berɔ kwaa ma Korowii Dea doonyoa baa dɛ yerɔ Weekaŋle Nyundua Doonyoa la.

2 Koranar 15:4

O ta bɔra voɡtoroma aa dɛ ɛ sarahare la chɔɡɛ. Dɛ nɛra la teŋɔ kpo kwaa dɛɛ ɛ sarahare dɛɛ fuh daawiile a sɔɔh aa soma bela.

2 Koranar 18:3

O ɛ waa aa too Korowii tea kɛŋɔ o nabaa Kooro Devid ken.

2 Koranar 18:4

O chɔɡ bɔra baa dɛ tomɛ voɡare, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. O kuuɡi ayaawa Mosis fa aa kpɔa ɛ harɛkon baa yerɔ Nehustan la. Dɛ ba tel ɡɛ saŋ la, dɛ Israel tena dɛ fuh daawiile dɛɛ tɛ harɛkon la.

2 Koranar 22:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

2 Webena 31:4

Kooro berɔ ŋɔ Jerusalam tena be ŋɔ, bá kpɔ saraha kwaa aa chɛ sɔfore ne Lewi dea tena la dɛɛ tɛɛ ba, ɡɛ aa ɛ, ásɛ ba won kpɔ ba te tɛ kɛrɛdɛ, dɛɛ teŋɛ ɡɛ Korowii Mmara la aa dɛ baɡle.

Jeremia 2:20

Israel tena, saŋ la bwaa he vɛh kɛ hɛɛ yer mɛ he dɔɔree, he vɛh n waa ta teŋa dɛ́ tom mɛ. Kasinteŋ, he ka dɛ tomɛ voɡa deŋɡarere dor ne dajena mune.