2 Koranar 12:18 - mzwDBL

¹⁸ Asɛ Kooro Joas kpɔ kondɛɛɡa aa do ɡoroŋ o ne o naawa koranar Jehosafat, ne Jehoram dɛ o mɛɛ Kooro Ahasia aa kpɔa do Korowii nɔn ta, dɛ kpɔ o kwaa ja dɛ suuɡaswɛm aa lɔ deene baa dɛ cheɡ laala a yoɡ aa kpeɡa a bini Korowii Dea ne koodem bwa, ka kɛ Kooro Hasael, asɛ o ɡel Jerusalam tena ba yoi.

2 Koranar 12:18 ပူးပေါင်းရင်းမြစ်များ

1 Koranar 15:18

Kooro Asa kpɔ suuɡapoŋa ne suuɡaswɛm bwa aa kaa, dɛ do deene baa kpɔ kwaa a yoɡ aa kpeɡa dɛɛ cheɡ koodem bela, dɛ Korowii Dea la tomɛ nomonome ba kpɔ ka tɛ Kooro Bɛn Hadad. Dɛ Kooro Hadad mɛɛ sɔne Tabrimɔn, o nabaa ɡe ɛ Aram Kooro Heseɔn dɛɛ di kora Damaskɔs.

2 Webena 16:2

Kooro Asa kpɔ suuɡapoŋa ne suuɡaswɛm cheɡ deene baa kpɔ kwaa a yoɡ aa kpeɡa dɛɛ cheɡ a bini Korowii Dea la, ne anɔ la aa lɔ o koodem bela, dɛ tomɛ ba kpɔ ka tɛ Siiria Kooro Bɛn Hadad, dɛ o soɡe Damaskɔs waa ɛ harɛ la bwɛjen tenten ta dɛɛ di kora.

2 Koranar 16:8

Anee Juda Kooro Ahas kpɔ suuɡapoŋa ne suuɡaswɛm aa lɔ Korowii Dea, ne deene baa dɛ cheɡ laala a yoɡ aa kpeɡa a bini koodem la, dɛ tomɛ ba kpɔ ka kɛ Asiiria koojen la.

2 Koranar 12:4

Awola bɛl, Kooro Joas ŋɔ sɔfore la be ŋɔ, “Hé lɛ suuɡare baa dɛ ba a ne baa ɛ sarahare Korowii Dea la bwa. Anɔ la baa dɛ ba a ne tɔpere bɛlbwa, ne deŋnesɔɔhna kwaa ne an la aa le bambile bini ba kpɔ dɛɛ ba bwa.

1 Koranar 14:26

O pa kwaa aa lɔ deene baa dɛ cheɡ laala a yoɡ aa kpeɡa a bini Korowii Dea, ne anɔ la aa lɔ koodem bwa kaa. Dɛ berɛ pa kwaa baa kpɔa dɛɛ tɔ ba te ɡbemɡbe Kooro Solomɔn aa kpɔ suuɡaswɛm ɛa la.

2 Koranar 12:19

Wobɛlbwa Kooro Joas aa ɛa ɡɛ saŋ waa dɛ di kora Juda harɛ ta la, ba chwera do Juda Koranar Waa Tɔne bini.

2 Koranar 14:14

Kooro Jɛhoas pa suuɡaswɛm ne suuɡapoŋa ne kwaa aa lɔ Korowii Dea, ne koodem bela laala a yoɡ aa do kpeɡri kaa Samaria. O lawɛ nɛra ɡe ja kaa.

Joel 3:5

Hé kpɔ n suuɡapoŋa ne suuɡaswɛm dɛ n kondɛɛɡa kaa ka cheɡ he voɡa deene bini.

2 Koranar 8:12

Anee Hasael ŋɔ, “N dɔɔ, ɛrɛɛ hɛɛ wi nɔɔ?” Elaesa ŋɔ, “N jemɛ wechɔɡa haa dɛ ba Israel tena ɛɛ. Hɛ́ɛ fuh ba bwɛjena baa ma danjwɛkpeɡa bara laanee. Dɛ́ kpoo ba bonɔɔna keri ne, dɛ́ tiɡri ba bechale nɛɛ do harɛ, dɛ́ ya ba tekpoŋra teene keri ne.”

2 Webena 24:17

Kɛ sɔfo Jehoiada aa sewa habɔɔ la, Juda nomonome ba Kooro Joas be, dɛɛ soŋo ŋɔ wɛɛ no ba deŋna wa.