2 Koranar 12:10 - mzwDBL

¹⁰ Ba nao kɛŋɔ suuɡa warɛ o bini naa, koodem karake ne Sɔfonomoa yon ba kure dɛ́ pa do pure bini.

2 Koranar 12:10 ပူးပေါင်းရင်းမြစ်များ

2 Samoɛl 8:17

asɛ Ahitub bibaala Sadɔk ne Abiata bibaala Ahemɛlɛk ɡe ɛ sɔfore, asɛ Seraya ɡe ɛ ba karake waa chwerɛ waa dɛɛ do tɔne bini.

2 Koranar 22:12

Buɡ la ta, Kooro do sɔfo Hilkia ne Safan bibaa Ahikam, ne Mikaya bibaa Akbɔ, ne Safan waa ɛ karake dɛ chwerɛ waa dɛɛ bil, dɛ o bonɔɔ Asaya be ŋɔ,

2 Koranar 19:2

O tomɛ Eliakim waa dɛ nyiŋi koodem waa ta, ne Sɛbna waa ɛ karake, dɛ bela sɔfore nomonome ba ɡe aa tɔ lweyale ŋɔ, bá la Emɔɔs bibaa Korowii keame Aesaya be.

2 Koranar 5:23

Ate, Naaman ŋɔ, “Lɛ suuɡapoŋa a tɔɡre aa ɛ kilore fifraanumɛl dɛ anuatoro,” dɛ kpɔ do pure anɛ bini ja yadɛɛɡa bele anɛ ta dɛ tɛ Gehasi o lɛ. Dɛ ɡel o bonɔɔna banɛ kpɔ che tɔ Gehasi sie.

2 Samoɛl 20:25

Sɛva ɛ kɔɔto karake, asɛ Sadɔk ne Abiata ɛ sɔfore,

2 Koranar 12:11

Ba kuro dɛ jemɛ a nyoa aa, ba yon kpɔ do nɛra baa lee ba baa nyiŋi nɛra baa dɛ ɛ Korowii Dea toma la nɔn ta. Ba yon kpɔ a ne bɔ kapenta tena ne mamaala baa dɛ kwaa Korowii Dea la,

2 Webena 24:11

Tɔpere bɛlbwa, Lewi dea tena la yon kpɔ daka la ba koodem karakere baa dɛ nyiŋi o ta la be. Dɛ o suu waa, karakere la ne Sɔfonomoa nachiɡe yon fuɡa, dɛ berɛ kpɔ daka la ka cheɡ o buɡ ta. Gɛɛ baa ɛ tɔpere bɛlbwa dɛ dɔ suuɡa a warɛ.

2 Koranar 23:4

Kooro Josia ɡelɔ Sɔfonomoa Hilkia ne sɔfore baa ja o nɛ, ne nɛra baa dɛ che Korowii Dea la doonyoa la laa kwaa baa ɛa tɛ voɡ Baal, ne voɡ Asera ne kwaa aa lɔ nyundua a do Korowii Dea la laa pa le. Kooro la fuah bwɛjen la dahare Kedrɔn fɛlembɔjen jwɛh, dɛ pa a tɔɔ la kaa Bɛtel.

1 Webena 9:19

Kore bibaa Salum waa ɛ Ɛbeasaf naa ne o bala baa le Kora dea, dɛ banee dɛɛ daah Korowii Dea la doonyoa ba naawa fa aa toma la.

Ɛsra 3:7

Ate, nɛra la tɛ suuɡa baa kpɔ bɔ tom-ɛɛra baa dɛ peɡri bwea ne kapenta tena, dɛ berɛ kpɔ kondikwaa ne sen dɛ ɔleve noo ŋɔ, bá kpɔ ka tɛ bwɛjena Sidon ne Taaya tena, ásɛ ba kpɔ ka charɛ peleme daa le Lɛbanɔn, ásɛ dɛ taɡa kpɔ mpo sie ba Jopa, ɡɛ Pɛɛsea Koojen Saeros aa bola la.