2 Koranar 11:4 - mzwDBL

⁴ Joas lawa ka sɔh bene anuanɛ habɔɔ la, sɔfo Jehoiada ɡelɔ ba yerɛ laa sitɔɔla baa dɛ nyiŋi laa tena baa dɛ daah kooro, ne laa tena baa dɛ daah koodem. Asɛ o ɡel ba ba bane o be Korowii Dea, o ne ba fɔwɛ fɔo ba ŋwɛɛ ntam Korowii Dea bela. O kpɔ Kooro Ahasia bibaa Joas baɡ ba.

2 Koranar 11:4 ပူးပေါင်းရင်းမြစ်များ

Mumpar 50:25

Asɛ Josef berɛ ŋɔ ba be ŋɔ, “Hé ŋwɛɛ baɡ mɛ kɛŋɔ Korowii tɔ he sie dɛ kaa he ne harɛ la ta naa, hɛɛ kpɔ n lalee kaa.”

2 Samoɛl 20:23

Dɛ Joab, onee chɔ Israel laa tena bwa nyoa, asɛ Jehoiada bibaa Bɛnaya chɔ Pɛlet ne Kɛrɛt tena baa dɛ daah kooro la nyoa,

2 Samoɛl 8:18

Jehoiada bibaa Bɛnaya ɡe ɛ Kɛrɛt ne Pɛlet tena baa dɛ daah kooro la nomoa, asɛ Kooro Devid bibaala ɛɛ ja kooro o waa ta.

1 Koranar 14:27

Anomanta, Kooro Rɛhoboam kpɔ ayaawa dɛ ɛ ane chiɡ suuɡaswɛm kwaa la naa ta, dɛ kpɔ do nɛra baa dɛ so koodem la doonyoa dɛɛ daah bela la nomonome nɔn ta ŋɔ báa nyiŋi a ta.

1 Koranar 18:10

N ŋwɛɛ Korowii haa dɛ tomɔ o do le nɔ kɛŋɔ, kooro ɡelɔ ba ka ɡaaɡe he bɔr harɛre bwa ta. Bobɛlbwa toole baa wola he bɔr ɡaaɡɛ. Bobɛlbwa nomoa ŋɔ o ta hen nae o harɛ ta naa, Kooro Ahab yon ɡel o ŋwɛɛ ntam kɛŋɔ o ta hen nae.

2 Koranar 11:17

Sɔfo Jehoiada ne Kooro Joas fɔwɛ fɔo, o chɔ Korowii ne kooro ne harɛ la ta nɛra baah ta, kɛŋɔ nɛra la ɛ Korowii nɛra. Sɔfo Jehoiada bɔɔ Kooro Joas ne o nɛra ŋɔ bá baɡɛ nyoa ŋɔ ba wa ɛɛ dɔ kasinteŋii tɛ dɔŋa ne Korowii.

2 Koranar 11:19

Sɔfo Jehoiada ɡelɔ laa sitɔɔla baa dɛ nyiŋi laa tena baa dɛ daah kooro, ne laa tena baa dɛ daah koodem, ne harɛ la ta nɛra bwa kpɔ kooro la le Korowii Dea bela, dɛ kpɔɔ kpɔ ŋwɛnɛ nɛra baa dɛ daah la aa dɛ kpɔ o ta, dɛ ba o ne koodem o ba so kookara ta.

2 Koranar 11:3

Jehoseba kpɔ Joas sɔh Korowii Dea bela bene anumɛl, ɡɛ saŋ haŋkooro Atalia aa dɛ nyiŋi harɛ la ta la.

2 Koranar 11:9

Laa sitɔɔla la ɛ ɡɛ sɔfo Jehoiada aa do ba la bwa. Ba bini bɛlbwa kpɔ o nɛra baa dɛ ba toma ta Ona Tɔpere ta, ne banɔ la baa wola toma ta ba Ona Tɔpere ta la bwa ba sɔfo Jehoiada be.

2 Koranar 12:7

Anomanta, o yerɛ sɔfo Jehoiada ne sɔfore baa jaa la dɛ bɔɔ ba ŋɔ, “Ɛrɛɛ haa wola Korowii Dea la kwaa nɔɔ? Le fini dɛɛ kaa, he bɛ suuɡare dɛɛ lɛ nɛra baa dɛ cheɡ suuɡa la be kpa, he ba a ne bá kpɔ kwaa Korowii Dea la.”

2 Koranar 23:3

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne, ɡɛ tɔn la bini fɔo waa la aa dɛ baɡle la. Asɛ nɛra la bwa baɡɛ nyoa kɛŋɔ baa dɛɛ teŋɛ fɔo la taa.

1 Webena 9:13

Dɛ sɔfore baa ɛ nomonnyuune la bwa lɔ nɛra kaɡboŋ lafraanuanɛ fifraanumɛl, dɛ dɔ wejema dɛɛ ɛ toma Korowii Dea.

2 Webena 15:12

Juda tena la baɡɛ nyoa ŋɔ, baa tomɛ Korowii ba naawa fa aa tomɔ la ba bambile ne ba liire bwa nee.

2 Webena 29:10

Anomanta, men Kooro Hɛsɛkea kpɔ liire kɛŋɔ n ne Korowii Israel tena aa dɛ tomɔ la fɔwɛ fɔo, ásɛ o baah bɛ ya nɛɛ di kohona.

Nehemia 10:29

Ba bwa kpɔ ba te ja ba sitɔɔla nɛɛ dɛ ŋwɛɛ ntam kɛŋɔ, baa teŋɛ Korowii Mmara waa cheɡɛ o bonɔɔ Mosis nɛɛ dɛ kpɔ tɛ la taa, dɛ́ nyiŋi kɛrɛdɛ dɛɛ teŋɛ o waa waa do ba a ta ne o webaɡla bwa ta. Ba ŋɔ, dɛ ba ta a ta teŋaa, Kórowii taah ba.

Nehemia 5:12

Ate, nomonome la chaŋe ŋɔ, “Yaa berɛ ba kwaa tɛɛ ba, ɡɛ haa bola la, yaa komɛlbwaa lɛ le ba be kpa.” Asɛ n yerɛ sɔfore la cheme, dɛ ɡel sitɔɔla ne nomonome la ŋwɛɛ ntam ba sie kɛŋɔ, baa teŋɛ nyoa baa baɡa la taa.

Nehemia 9:38

Anɔ bwa aa chiɡa nomanta, ya Israel tena dɛ baɡɛ nyoa dɛ́ chwera, ásɛ ya nomonome ne Lewi dea tena dɛ sɔfore kpɔ ba nonibala ɛɡre fɔo nɔ lɔɡa.”

We-ɛɛla 5:24

Sɔfonomonome la ne nomoa waa chɔ nɛra baa dɛ nyiŋi Korowii Dea doonyoo nyoa la aa no a ɡɛ waa nɔ la, a ɛɛ ba anebɛlbwa. Ba ta wone jemɛ waa la mun.

We-ɛɛla 5:26

Asɛ nomoa waa chɔ nɛra baa dɛ nyiŋi Korowii Dea doonyoo nyoa la ne o nɛra la dɛ ka lawɛ Yeesu toroma la ba. Dɛ ba dɛ ɔmɛ kɛŋɔ dɛ ba kpɔ kpeɡri laɡ ba aa, ba bwɛɛ tena la baah ɛɛ diu bá ta bwea foɡ ba. Anomanta, ba laɡ ba kaa jeiih ken.

Josua 24:25

Awola tɔpere la, Josua ne Israel tena la fɔwɛ fɔo Sɛkem bela baa chema la, asɛ o berɛ kpɔ mmarare ane báa dɛɛ teŋɛ a ta tɛɛ ba.

1 Samoɛl 18:3

Jonatan ne Devid vɔwɛ darame fɔo, dɛkalkɛŋɔ dɛ o dɛ nyin o waa kɛ o ɡbaɡba.

1 Samoɛl 23:18

Belaa ba nɛra banɛ la fɔwɛ fɔo Korowii sie, Jonatan berɛ kaa dem, asɛ Devid te so Hɔrɛs bela.