2 Koranar 11:17 - mzwDBL

¹⁷ Sɔfo Jehoiada ne Kooro Joas fɔwɛ fɔo, o chɔ Korowii ne kooro ne harɛ la ta nɛra baah ta, kɛŋɔ nɛra la ɛ Korowii nɛra. Sɔfo Jehoiada bɔɔ Kooro Joas ne o nɛra ŋɔ bá baɡɛ nyoa ŋɔ ba wa ɛɛ dɔ kasinteŋii tɛ dɔŋa ne Korowii.

2 Koranar 11:17 ပူးပေါင်းရင်းမြစ်များ

2 Samoɛl 5:3

Anomanta, Israel nomonome la bwa ba Kooro Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ.

2 Webena 34:31

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne.

Josua 24:25

Awola tɔpere la, Josua ne Israel tena la fɔwɛ fɔo Sɛkem bela baa chema la, asɛ o berɛ kpɔ mmarare ane báa dɛɛ teŋɛ a ta tɛɛ ba.

Ɛsra 10:3

Hé ɡel ya ne Korowii yaa dɛ tomɔ fɔwɛ fɔo, ásɛ ya doŋi haahna nɔ ne ba bii bwa kaa. Yaa teŋɛ waa he ne nɛra baa dɛ teŋɛ Korowii waa ta aa bola ŋɔ yá ɛ laanee. Yaa ɛa ɡɛ Korowii Mmara aa dɛ baɡle la.

2 Webena 29:10

Anomanta, men Kooro Hɛsɛkea kpɔ liire kɛŋɔ n ne Korowii Israel tena aa dɛ tomɔ la fɔwɛ fɔo, ásɛ o baah bɛ ya nɛɛ di kohona.

1 Samoɛl 10:25

Samoɛl kure kara mun mmarare baɡle nɛra la. O chwera do tɔn bini dɛ kpɔ ka bil Korowii sie bela. Asɛ Samoɛl ta ba ŋwɛnɛ, bɛlbwa kaa bela waa lea ba.

2 Kɔrent 8:5

Ba ɛ waa dɛ ɡwaa ɡɛ ya te fe aa dɛ lii. Ba tɔ sie kpɔ ba te do N Naa Korowii nɔn ta, mɔɔ dɛ kpɔ ba te do ya ɡe nɔn ta ɡɛ Korowii aa dɛ nyin.

Nehemia 9:38

Anɔ bwa aa chiɡa nomanta, ya Israel tena dɛ baɡɛ nyoa dɛ́ chwera, ásɛ ya nomonome ne Lewi dea tena dɛ sɔfore kpɔ ba nonibala ɛɡre fɔo nɔ lɔɡa.”

2 Webena 23:16

Sɔfo Jehoiada ne Kooro Joas fɔwɛ fɔo o chɔ Korowii ne harɛ la nɛra baah ta kɛŋɔ nɛra la ɛɛ tomɛ Korowii.

1 Webena 11:3

Anomanta, Israel nomonome la bwa ba Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ ta, ɡɛ Korowii aa cheɡɛ Samoɛl nɛɛ dɛ bol la.

2 Koranar 11:4

Joas lawa ka sɔh bene anuanɛ habɔɔ la, sɔfo Jehoiada ɡelɔ ba yerɛ laa sitɔɔla baa dɛ nyiŋi laa tena baa dɛ daah kooro, ne laa tena baa dɛ daah koodem. Asɛ o ɡel ba ba bane o be Korowii Dea, o ne ba fɔwɛ fɔo ba ŋwɛɛ ntam Korowii Dea bela. O kpɔ Kooro Ahasia bibaa Joas baɡ ba.

2 Koranar 23:3

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne, ɡɛ tɔn la bini fɔo waa la aa dɛ baɡle la. Asɛ nɛra la bwa baɡɛ nyoa kɛŋɔ baa dɛɛ teŋɛ fɔo la taa.

Jeremia 34:8

Korowii berɔ bol waa men Jeremia be, ɡɛ saŋ Kooro Sedekia ne Jerusalam tena bwa aa fɔwɛ fɔo, dɛ tɛ yoma bwa ŋwɛnɛ ŋɔ bá di ba nyu,