2 Koranar 10:30 - mzwDBL

³⁰ A habɔɔ Korowii ŋɔ Kooro Jehu be ŋɔ, “He ɛ ɡɛ maa ŋɔa he chɔɡ Kooro Ahab naanar bwa, anomanta, mɛɛ ɡeloo he naanar ɛ koranar ka tel naanar bele banaarɛ baa ka ba nɛ, dɛɛ di kora Israel harɛ ta.”

2 Koranar 10:30 ပူးပေါင်းရင်းမြစ်များ

2 Koranar 10:35

Kooro Jehu sewɔ ba huɡo Samaria, asɛ o bibaa Jehoahas chiɡ o naa ta dɛ di kora.

2 Koranar 13:1

Kooro Ahasia bibaa Joas aa di kora Juda harɛ ta bene fifraanɛ dɛ atoro taa Kooro Jehu bibaa Kooro Jehoahas di kora Israel harɛ ta. Dɛ bwɛjen Samariaa o so, dɛ di kora bene fi dɛ anuanɛ.

2 Koranar 14:23

Kooro Amasea aa di kora Juda harɛ bene fi dɛ anue taa Kooro Jɛroboam waa teŋa nɛɛ ba di kora Israel harɛ ta. O soɡe Samaria di kora bene fifraanaarɛ dɛ beŋkpoŋ.

2 Koranar 13:10

Kooro Joas aa di kora Juda harɛ ta bene fifraatoro dɛ anuanɛ taa Kooro Jehoahas bibaa Kooro Jehoas di kora Israel harɛ ta. O soɡe Samaria di kora bene fi dɛ anumɛl.

Hosia 1:4

Belaa Korowii ŋɔ Hosia be ŋɔ, “Kpɔ bwɛjen Jesreel sɔn pa he bie la. Aa biɡri ń ba tɛr Israel kooro deŋne, kpoe o naa Kooro Jehu aa kpoo nɛra Jesreel la wa, dɛ́ teŋe Jehu luɡe tena kora ta, Israel harɛ.

1 Koranar 21:29

“He na ɡɛ Kooro Ahab aa pwɛr o te tɛ mɛ kenɛ? A ɡɛ nomanta, maa ɡɛ wenaale laanee kpɔ ba o nɛɛ o saŋ nɔ ta. Mɛɛ kpɔɔ ba o dem tena nɛɛ o bibaa saŋ ta.”

1 Koranar 21:22

Mɛɛ ɛ he demii ɡɛ maa ɛ Nɛbat bibaa Kooro Jɛroboam ne Ahija bibaa Kooro Baasa dem la. He ɡelɔ n baah di dɛ ɡel Israel tena ɛ wechɔɡa dɛ jo n nɛ.’

1 Koranar 20:42

Belaa Korowii keame la ŋɔ o be ŋɔ, “Waa Korowii aa dɛ bol laanee kɛŋɔ, ‘Haa ɡela baa maa kpɔɔ do he nɔn ta ŋɔ o chɛ kpoe, asɛ he ɡel o dɔ bɔr chwa dɛ dɔ o nyu nomanta, hɛɛ kpɔ he nyuu charɛ o kon, ásɛ he laa tena ɡe kpɔ ba nyuune charɛ o laa tena nyuune.’ ”

Lewi Dea Tena 26:25

Laa mɛɛ ba kpɔe ba ta he nɛ, chɔɡa haa chɔɡ n ne he fɔo la wa. He dɛ nyin he nyuune dɛ chwa kaa bwɛɛre ta kaa sɔh aa, mɛɛ kpɔ weechɔɡaa ba ta he nɛ. Anɔ taa aa ba cheɡa hé kpɔ he te do he dɔma nɔɔra ta, ásɛ dɛɛ tom ba.

2 Koranar 14:29

Kooro Jɛroboam waa teŋa nɛɛ sewɔ ka pu o naawa Israel koranar, asɛ o bibaa Sekaria chiɡ o naa ta, dɛ di kora.