2 Koranar 10:14 - mzwDBL

¹⁴ Ate, Kooro Jehu do o nɛra baa teŋɛ o nɛɛ ŋɔ, “Hé laɡ ba dɛ bɛ ban kpoo!” Asɛ ba laɡ ba, dɛ ba lɔ nɛra fifraanaarɛ dɛ banɛ. Ba kpoo ba bwa Bɛt Ɛkɛd bela bule bɛl bɔr, bɛlbwa ta kae.

2 Koranar 10:14 ပူးပေါင်းရင်းမြစ်များ

2 Webena 22:10

Kooro Ahasia nya Atalia aa naa kɛ o bibaa Kooro Ahasia sewɔ la, o ŋɔ ba kpoo koobii baa ba di kora Juda harɛ ta bwa.

2 Webena 22:8

Kooro Jehu aa dɛ kpoo ba la, o kaa tel Juda nomonome ne Kooro Ahasia naanar baa ja o nɛɛ la, asɛ dɛ kpoo ba bwa.

2 Koranar 11:1

Kooro Ahasia nya baa dɛ yerɔ Atalia aa naa kɛ o bibaa Kooro Ahasia sewɔ la, o ŋɔ bá kpoo koobii baa ba di kora la bwa.

2 Koranar 10:6

Anee Kooro Jehu berɛ chwerɛ tɔn nɛɛte ja ŋɔ, “Dɛ he ja n nɛɛ dɛɛ no n waa tenaa, hé kpɔ Kooro Ahab bibaala nyuune ba tɛ mɛ Jesreel kere saŋ nɔ bɔr.” Dɛ Kooro Ahab bibaala fifraanuanɛ la lɔ bwɛjen Samaria nomonnyuune la be baa nyiŋi ba nɛ.

2 Koranar 8:18

O teŋɛ waa Israel koranar aa ɛa la ta. Dɛ o mo Kooro Ahab bihaah, anomanta, o ɛ wechɔɡa Kooro Ahab ne o dem tena aa ɛa la dɔŋa, dɛ jo Korowii nɛ.

1 Koranar 20:18

Anee Kooro Bɛn Hadad chaŋe ŋɔ, “Dɛ hɛɛra nee baa ba naa, he bɛ ban kpoo, dɛ yoi ɡe nee baa ba naa, he bɛ ban kpoo dɛ́ laɡ ba ba.”

2 Koranar 10:12

Awola bɛl, Kooro Jehu chiɡ ŋwɛnɛ ta dɛɛ kaa Samaria, dɛ ka tel bobɛl baa dɛ yerɔ Bɛt Ɛkɛd, o munii kɛŋɔ Peteɡra Cheremibɔr.

2 Koranar 10:13

Kooro Jehu cheme Juda Kooro Ahasia lolanar bini bane bela, asɛ dɛ pɛɛ ba ŋɔ, “Heyaa bamewa ɔ?” Ba chaŋe ŋɔ, “Kooro Ahasia lolanaree yan. Ya dɛ la Jesreel ka chɔɔ haŋkooro Jɛsɛbɛl bii ne o lolanar bwa.”

2 Koranar 10:15

Kooro Jehu aa le bela ɡe dɛɛ kaa la, o cheme Rekab bibaa Jɛhɔnadab. Asɛ Kooro Jehu jaamo dɛ pɛɛro ŋɔ, “N ne he liire bwa beŋkpoŋ, hɛɛ ja n nɛɛ kɛɛ?” Jɛhɔnadab chaŋe ŋɔ, “N sɛh ɡɛ.” Kooro Jehu ŋɔ, “Dɛ ɡɛɛ tenaa ɡwaa mɛ.” Asɛ ba ɡwa dɔŋa, Jehu chao dɛ lawɔ o teeh torɔɡo waa soɡe o bini la.

Jeremia 41:5

dɛ baala fifraanuatoro fonɛ ba tampona dɛ kɛɛ ba laala, dɛ kpɔ keri mɔne ba bwara, a baɡle kɛŋɔ ba lɔ lwe ta, dɛ le bwɛɛre Sɛkem ne Silo dɛ Samaria ba. Dɛ ba kpoŋe mea ne daawiile a sɔɔh aa soma, dɛ́ kpɔ ba ɛ sarahare Korowii Dea.