2 Koranar 10:10 - mzwDBL

¹⁰ Anɔ dɛ baɡle kɛŋɔ Kooro Ahab dem nɛra waa Korowii aa cheɡɛ o keame Elaeja nɛɛ dɛ bol la bwa ɛ kpela.”

2 Koranar 10:10 ပူးပေါင်းရင်းမြစ်များ

1 Koranar 21:29

“He na ɡɛ Kooro Ahab aa pwɛr o te tɛ mɛ kenɛ? A ɡɛ nomanta, maa ɡɛ wenaale laanee kpɔ ba o nɛɛ o saŋ nɔ ta. Mɛɛ kpɔɔ ba o dem tena nɛɛ o bibaa saŋ ta.”

1 Koranar 21:19

Ŋɔ o be ŋɔ men Korowii ŋɔ, ‘Ahab, he kpo nɛn dɛ berɛ kpɔ o kwaa di aa? Bela nyootena aa kpɛle Nabɔt chal la, bela tentenee aa ba he ɡe chal kpɛla.’ ”

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

2 Koranar 9:36

Ate, ba la dɛ ka ŋɔ Kooro Jehu be. Asɛ o ŋɔ, “A ɛ ɡɛ Korowii aa cheɡɛ o keame Elaeja Tisbe te nɛɛ dɛ bol ŋɔ, ‘Jesreel harɛ taa nyootena ɛɛ ba Jɛsɛbɛl ola dii la ɛ kasinteŋ.

1 Samoɛl 15:29

Korowii Israel tena aa dɛ tomɔ la dɔ jirima, waa nyosone teŋe, waa o liire ɡe charɛ. Nɛwɛnyini laa on ó charɛ o liire.”

1 Samoɛl 3:19

Korowii ja Samoɛl nɛ o ba kpeɡ, dɛ ɡel o wobɛlbwa ɡe waa dɛ bol la ɛ kasinteŋ.

Amanesoma Mak Aa Chwera Tɔn 13:31

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

2 Koranar 10:17

Baa tel Samaria la, Kooro Jehu kpoo Kooro Ahab nɛra baa kaa dɛ do bela la bwa. Beŋkpoŋ kwaraa ta kae, ɡɛ Korowii aa cheɡɛ o keame Elaeja nɛɛ dɛ bol la.

2 Koranar 15:12

Anee Korowii baɡɛ Kooro Jehu nyoa dɛ teŋɛ a ta la. Korowii ŋɔ, “He naanar ɛɛ ɛ koranaree ka tel naanar bele banaarɛ baa ka ba nɛ, dɛɛ di kora Israel harɛ ta.”

Ɛsta 6:10

Kooro do Heeman ŋɔ, “Ɛ warane ka kpɔ koolaala la ne jaaɡɔ la, dɛ́ ka ɛ ɡɛ haa bola nɔ bwa tɛ Mɔdekae, Juu te la. Bɛ a bini bɛlbwa ɡel. Hɛɛ nao kɛ waa soɡe koodem doonyoa bela.”