2 Koranar 1:9 - mzwDBL

⁹ Ate, kooro la tomɛ o laa sitɔɔ, dɛ laa tena fifraanue ŋɔ bá ka kpɔ Elaeja ba. Dɛ Elaeja soɡe deŋɡare bɛl doa, asɛ laa sitɔɔ la la o be dɛ ka ŋɔ, “Korowii keame, kooro ŋɔ he tu ba o be he ne ó bol wa.”

2 Koranar 1:9 ပူးပေါင်းရင်းမြစ်များ

Hibru 11:36

Ba ɛ bane ɡe bahmuɡliwaa dɛ lɔɔ ba chweremi ne, dɛ do kpɛɛ bane ɡe nɔɔra, dɛ do ba dea.

Amanesoma Mak Aa Chwera Tɔn 15:32

He nɛn haa ŋɔa henee Israel tena kooro Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la, le daɡaɡre la doa tu harɛ yá na dɛ́ won yaradae.” Asɛ ŋwɛɛra baa kpaa ba pɛl daɡaɡra ta ja o nɛɛ la ɡee chɛɡro.

Amanesoma Mak Aa Chwera Tɔn 15:29

Nɛra baa kpɔ bela bɔr baa kaa la chɛɡre Yeesu dɛɛ muɡli o baah ŋɔ, “Chwa! Nɛn haa dɛ ba Korowii Dea paɡra dɛ́ won kpɔ tɔpera atoro mao la laa nɔ ɡbao?

Matiu 27:29

dɛ kpɔ sɔɔhne sɔh kooɡbɛrɛ piu, dɛ kpɔ daa bɛl do o nɔndiɡ ta, dɛɛ ɡuŋu harɛ kɛŋɔ baa dɛ ɛ kooro la dɛɛ taramo dɛɛ si, “Woowo, Juu tena kooro!”

Matiu 26:68

“Dɛ henee Kristo la aa, na chaahna dɛ́ won jemɛ naate waa lɔe nɔ!”

Matiu 14:3

Kooro Hɛrɔd nɔ fa ɡelɔ ba lawɛ Jɔn, dɛ doo kpɛɛ dɛ kpɔɔ ka do dea. Kooro nɔ nime Felep haah Hɛrɔdeas waa o koh ɛ Jɔn ɡɛ la,

Emɔs 7:12

Belaa Amasea ŋɔ Emɔs be ŋɔ, “Korowii keame, ir kaa Juda harɛ ta kaa bol Korowii waa la, dɛ́ so bela baa bɔe a kem.

1 Koranar 22:8

Anee Kooro Ahab chaŋe ŋɔ, “Korowii keame beŋkpoŋ bɛl lole. Onee Imla bibaa Mikaya. Kɛ n ne waa somɛ, dɛkalkɛ o ta wobɛlbwa nae le Korowii be dɛ tɛ mɛ a ɛ wedɛɛɡa tɛ mɛ bwa, atane wechɔɡa ɡbo.” Kooro Jehosafat ŋɔ, “N naa kooro, bɛ ɡɛ ŋɔ.”

1 Koranar 19:2

Anee o haah la tomɛ torome Elaeja be ŋɔ, “N ŋwɛɛrɔ kɛŋɔ kere saŋ nɔ dɛ n ta hen kpoe kɛŋɔ haa kpoo voɡ tena la aa, voɡare la kpo mɛ.”

1 Koranar 18:42

Kooro Ahab aa kaa kwaa dii la, Elaeja berɔ teeh kaa Kaamɛl Bwejen doa dɛ ka boŋɛ dɛ kpɔ o nyu do o naa baah.

1 Koranar 18:10

N ŋwɛɛ Korowii haa dɛ tomɔ o do le nɔ kɛŋɔ, kooro ɡelɔ ba ka ɡaaɡe he bɔr harɛre bwa ta. Bobɛlbwa toole baa wola he bɔr ɡaaɡɛ. Bobɛlbwa nomoa ŋɔ o ta hen nae o harɛ ta naa, Kooro Ahab yon ɡel o ŋwɛɛ ntam kɛŋɔ o ta hen nae.

1 Koranar 18:4

Dɛ Kooro Ahab haah Jɛsɛbɛl ɡelɔ ba kpoo Korowii keamere. Asɛ Obadia kpɔ Korowii keamere lafa ka sɔh bwebɔɔne anɛ bini, dɛɛ tɛɛ ba nee ne kondikwa. O bɔne ba bini, fifraanunue ba do bɔɔ beŋkpoŋ bɛlbwa bini.

Amanesoma Luk Aa Chwera Tɔn 9:54

Yeesu habɔteŋra Jems ne Jɔn aa na ɡɛ waa nɔ la, ba ŋɔ o be ŋɔ, “N Dɔɔ, he dɛ nyin kɛ ya ɡel nii le nyundua ba dɛ́ ba fuuh ba kɛɛ?”

Jeremia 35:4

dɛ ba ba ne Korowii Dea bela. N laɡ ba jo Iɡdalia bibaa Hanan waa ɛ Korowii keame, ne o habɔteŋra dea. Gɛ dea nɔ lɔ Salum bibaa Maaseya dea nyunduabɔr, dɛ Salum dɛ daah Korowii Dea doonyoa, asɛ nomonome la bini bane ɡe baa jaa kwaa teŋɛ.

1 Samoɛl 19:21

Ba kaa bol Kooro Sɔɔl be a wa, asɛ o berɛ tomɛ bonɔɔna la bane ja, ba ɡe ba bol Korowii waa la ane dɛɛ sa. Kooro Sɔɔl tomɛ bonɔɔna toorotena, ba ɡe ka bol Korowii waa dɛɛ sa.

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

2 Koranar 2:25

Elaesa le bela dɛ teeh kaa Kaamɛl Bwejen doa, dɛ le bela kaa bwɛjen Samaria ta.

2 Koranar 4:25

Anomanta, ba leɔ dɛɛ kaa Korowii keame Elaesa be Kaamɛl Bwejen ta. Korowii keame la aa nao bojaŋ la, o ŋɔ o bonɔɔ Gehasi be ŋɔ, “Nyiŋi na, haah la waa le Sunem laanee dɛɛ ba la.