2 Koranar 1:8 - mzwDBL

⁸ Ba chaŋe ŋɔ, “Batakaare waa doa la ɛ oltɔn, dɛ berɛ kpɔ oltɔn ɡe vɔwɛ kiriso.” Kooro la ŋɔ, “Tisbe te Elaeja laanee.”

2 Koranar 1:8 ပူးပေါင်းရင်းမြစ်များ

1 Koranar 18:46

Korowii tɛ Elaeja kpeɡri bɛl o kwaa o yal vɔwɛ chara kɛrɛdɛ, dɛ won takapɔ chwa tɔ Kooro Ahab jaaɡɔ la sie dɛ kaa Jesreel.

2 Koranar 1:7

Kooro la berɛ bɔɔ ba ŋɔ, “Ɛrɛɛ baa waa cheme heyaa dɛ bol ɡɛ waa nɔ la doɔ?”

Aesaya 20:2

a ɡɛ saŋee Korowii che Emɔɔs bie Aesaya nɛɛ dɛ bol ŋɔ, “Ka laa lweyal wur bil, dɛ́ laa naŋɡawa parame he nakpale.” Asɛ Aesaya ka ɛ ɡɛ, dɛ valɛ dakpaŋ ne o nakpapɛɛ ne.

Sekaria 13:4

Awola tɔpere la, sihiih ɛɛ kpo keame bɛlbwa waa ŋɔa o dɛ na chaahnaa. Waa keamere batakaaree do dɛ́ neɡre nɛra kpa.

Matiu 11:8

Dɛ ɡɛ laa ɡe aa, dɛ bɔkwa tenee he ka nyiŋi ɔ? Nɛn waa do laaladɛɛɡaa he ka nyiŋi kɛɛ? Nɛra baa dɛ do laaladɛɛɡa la, kooderemii ba do.

Matiu 3:4

Gɛ Jɔn nɔ, nyoɡma pona nee ba sɔh o yal, asɛ o kpɔ ol tɔn ɛ kiriso dɛɛ vɔwɛ o chara. O kondikwaa ɡee tontombɛ ne tooh.

Amanesoma Mak Aa Chwera Tɔn 1:6

Jɔn nɔ yal waa tɔɔ la, nyoɡma pona nee ba sɔɔh, ol tɔn ɡee ɛ o kiriso. Dɛ tontombɛ ne toohnee ɛ o kondikwa.

Amanesoma Luk Aa Chwera Tɔn 1:17

Wɛɛ dɔ Korowii Domadɛɛɡe ne kpeɡrii kɛŋɔ Korowii keame Elaeja ken, dɛ́ tɔ ya Dɔɔ sie, dɛ́ ɡel eehnanar ne ba bii nyoa pɛ, dɛ́ berɛ deŋnekpeɡ tena liire ba nɛra ba wa aa dɛ su Korowii siwi ŋwɛnɛ ta. Gɛɛ wɛɛ ba ɛɛ dɛ́ nyin nɛra cheɡ ya Dɔɔ, ásɛ o balaa, ba won lɛo dɛ́ tomɔ.”

Wepila 11:3

O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”