2 Koranar 1:4 - mzwDBL

⁴ Anomanta, ŋɔ kooro be ŋɔ waa Korowii aa dɛ bol laanee kɛŋɔ, ‘Haa ɡbaŋre dɛ́ ir le bela haa chɔa la, hɛɛ sewɔɔ.’ ” Asɛ Elaeja ɛ ɡɛ Korowii aa doo la.

2 Koranar 1:4 ပူးပေါင်းရင်းမြစ်များ

Mumpar 2:17

Kɛ bɛ onɔ la waa dɛ tɛ liire dɛ́ ɡel nɛn jemɛ wedɛɛɡa ne anchɔɡa la te nɔn di. Awola haa di a ɡɛ daa la nɔn la bɛl la, sewaa hɛɛ ba sewa.”

Mumpar 3:4

Belaa harɛkon la ŋɔ haah la be ŋɔ, “Nyosonee. Háa sewa ba.

1 Koranar 14:12

Korowii keame Ahija berɔ ŋɔ Kooro Jɛroboam haah la be ŋɔ, “Ir kaa, he nakpala aa dɛɛ tire he bwɛɛ la ta la, dɛ bie la dɛ sewɛ.

1 Koranar 18:2

Anomanta, Elaeja kpɔ o te ka baɡle Kooro Ahab. Dɛ lɔr waa chole bwɛjen Samaria kan taeh.

2 Koranar 1:16

Elaeja aa tel bela la, o ŋɔ Kooro Ahasia be ŋɔ, “N naa kooro, waa Korowii aa dɛ bol he be laanee kɛŋɔ, Korowiirii wola toole Israel harɛ ta waa he tomɛ toroma ŋɔ bá la ka bɔɔ le Ekron voɡ Baal Sibub ta he weela nɔ waa naa? A ɡɛ nomanta, haa kalaŋ ta ira ba, sewaa chɛ kɛ he sewɛ.”

2 Koranar 1:5

Asɛ toroma la berɛ laa berɛ ba Kooro Ahasia be, asɛ o bɔɔ ba ŋɔ, “Ɛrɛɛ he den ba warane ken?”

2 Koranar 1:6

Ba ŋɔ, “Baa bɛl cheme yaa ŋwɛnɛ ta, dɛ ŋɔ yá berɛ ka ŋɔ kooro waa tomɛ yaa be ŋɔ, waa Korowii aa dɛ bol laanee nɔ, ‘Korowiirii wola toole Israel harɛ ta waa he tomɛ baala ŋɔ, bá la ka bɔɔ le Ekron tena voɡ Baal Sibub ta he weela waa nɔ naa? Anomanta, hɛɛ ka kalaŋ taa, sewaa chɛ kɛŋɔ he sewɛ.’ ”

2 Koranar 20:1

Aa ba dɛ la sie la, weela lɔ Kooro Hɛsɛkea wɛɛ ba sewa. Asɛ Emɔɔs bibaa Korowii keame Aesaya la o be dɛ ka ŋɔ, “Waa Korowii aa dɛ bol laanee kɛŋɔ, ɛ he dem ne he wobɛlbwa kɛrɛdɛ, dɛkalkɛŋɔ haa he weela nɔ taa ir, hɛɛ chɔ he banɔn taa!”

2 Koranar 8:10

Elaesa ŋɔ o be ŋɔ, “Ka ŋɔ o be ŋɔ wɛɛ ɡbaŋroo te, kɛ kasinteŋ, Korowii pili a bini baɡ mɛ kɛŋɔ wɛɛ sewɔɔ.”

Sɛɡla 11:19

Nɛn o siwi aa swɛɛra kɛŋɔ o waa toɡre kɛrɛdɛ la, dɛ́ dɔ o nyu, kɛ nɛn waa teŋa dɛɛ ɛ wechɔɡa la te dɛ́ sewɛ.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Ɛsekeɛl 18:4

Nɛwɛnyina bwa nyu lɔ n nɔn ta, mɛɛ kɛɛ bie bwa nyu lɔ n nɔn ta. Naate waa ɛ wechɔɡa la, naatee dɛ́ sewɛ.

Nɛra Kura 26:65

Dɛ Korowii ŋɔ ɡɛ Israel tena la be ŋɔ pua hɛŋle ɡbo harɛ la taa baa ba serewa. Beŋkpoŋ bɛlbwa ta kae, nemenɛ Jefune bibaa Kaleb ne Nun bibaa Josua.

1 Samoɛl 28:19

Korowii ɛɛ kpɔ he ne Israel tena bwaa do Filisti tena nɔn ta, ásɛ kere he ne he bibaala bwa sewɛ ba n be. Korowii ɛɛ berɔɔ kpɔ Israel laa tena bwa ɡe do Filisti tena nɔn ta.”