2 Koranar 1:3 - mzwDBL

³ Kɛ Korowii nyundua torome bɛl ŋɔ Korowii keame Elaeja waa le Tisbe be ŋɔ, ó ka cheme Samaria kooro toroma la dɛ́ bɔɔ ŋɔ, “Korowii Israel tena aa dɛ tomɔ toole kpa, asɛ he berɛ dɛɛ la Ekron voɡ Baal Sibub ta ka bɔɔ le o be nɔ naa?

2 Koranar 1:3 ပူးပေါင်းရင်းမြစ်များ

1 Koranar 11:33

Gɛɛ mɛɛ ba ɛɛ, dɛkalkɛ ba vɛɛh mɛ dɛ kaa tomɛ Sidon tena voɡhaah Astɔrɛt, ne Moab tena voɡ Kemɔs, dɛ Amɔn tena voɡ Molɛk. Ba ta n ŋwɛnɛre ta kpɔe, ba ta waa aa wera n be ɛɛ, kɛɛ dɛ teŋɛ me Mmarare ta kɛŋɔ Kooro Solomɔn mɛɛ Devid aa ɛa la.

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

1 Koranar 18:1

Hwel la aa cheɡa bene atoro la, Korowii bol Elaeja be ŋɔ, “Kpɔ he te ka baɡle Kooro Ahab, ásɛ n ɡel bwaala nɛ harɛ la ta.”

1 Koranar 18:36

Saŋ aa tela Elaeja ɛ saraha la, o kaa che saraha kon la jwɛh dɛ soŋe Korowii ŋɔ, “N Naa Korowii Abraham ne Aesek ne Jekɔb baa ɛ ya naawa aa tomɛ, fini ɡel ba jemɛ kɛŋɔ henee Korowii Israel tena aa dɛ tomɛ la. Dɛ́ berɛ ɡel ba jemɛ kɛŋɔ he bonɔɔnee men, hen do mɛ ŋɔ ń ɛ waa nɔ bwa.

1 Koranar 19:5

O chɔ daa la mun chɔ dom. Buɡ la ta, nyundua torome den ba leɡo dɛ ŋɔ o be ŋɔ, “Ir dɛ di kwa.”

1 Koranar 19:7

Korowii nyundua torome la berɔ ba chumu nɛɛtena dɛ ŋɔ, “Ir dɛ di kwa, ŋwɛnɛ haa valɛ la jaŋne taeh.”

1 Koranar 21:17

Belaa Korowii ŋɔ o keame Elaeja waa le Tisbe be ŋɔ,

2 Koranar 1:2

Awola bɛl, Kooro Ahasia le o abrɔsane waa lɔ Samaria saldoa bobɛl waa kpɔ daa sam o koodem bela, dɛ le ba le harɛ dɛɛ we weela. Asɛ o tomɛ toroma Filisti tena bwɛjen bɛl baa dɛ yerɔ Ekron voɡ Baal Sibab ta ŋɔ bá ka voɡɛ kɛ wɛɛ dɔ o nyuu yaa.

2 Koranar 1:6

Ba ŋɔ, “Baa bɛl cheme yaa ŋwɛnɛ ta, dɛ ŋɔ yá berɛ ka ŋɔ kooro waa tomɛ yaa be ŋɔ, waa Korowii aa dɛ bol laanee nɔ, ‘Korowiirii wola toole Israel harɛ ta waa he tomɛ baala ŋɔ, bá la ka bɔɔ le Ekron tena voɡ Baal Sibub ta he weela waa nɔ naa? Anomanta, hɛɛ ka kalaŋ taa, sewaa chɛ kɛŋɔ he sewɛ.’ ”

2 Koranar 1:8

Ba chaŋe ŋɔ, “Batakaare waa doa la ɛ oltɔn, dɛ berɛ kpɔ oltɔn ɡe vɔwɛ kiriso.” Kooro la ŋɔ, “Tisbe te Elaeja laanee.”

2 Koranar 5:15

Naaman ne o bonɔɔna la bwa berɔ ba Korowii keame Elaesa be, asɛ Naaman ka che o sie dɛ ŋɔ, “N nao kɛŋɔ Korowii bɛlbwa toole harɛ nɔ ta bobɛlbwa ka ja Israel harɛ ta. N dɔɔ, n poori lɛ koŋkɛɛla he bonɔɔ aa ba a ne ba tɛɛ nɔ.”

2 Koranar 5:8

Korowii keame Elaesa aa noa kɛŋɔ Israel kooro laa o batakaare kɛɛ la, o tomɔ ba ka pɛɛro ŋɔ, “Bɔkwa waa bala he laa he batakaare kɛɛ? Tomɛ Naaman ó ba n be, ásɛ n baɡlo kɛŋɔ Korowii keame bɛl lɔ Israel harɛ ta.”

Yela 76:1

Nɛra baa lɔ Juda harɛ ta jemɛ Korowii, hale Israel harɛ ta tena dɛ́ bol ŋɔ Korowii sɔn kan.

Aesaya 8:19

Nɛra ŋɔ he be ŋɔ hé la voɡra baa dɛ bol waa woroworo ne ajɔsaara be dɛ́ ka jemɛ waane bini naa, dɛ a dɔ mun aa? Bɔkwa waa chɛ kɛŋɔ yá ka bɔɔ lala dɛ́ jemɛ weera waa bini nɔ? Korowii yaa dɛ tomɔ laa chɛ kɛŋɔ yá kpɔ ya waa dɛɛ bil o sie naa?

Jona 2:8

Nɛra baa daŋre voɡsale toma ne, ba siwi ɛɛ sua la, ba paŋɛ chae he fe aa cha ba la.

Amanesoma Mak Aa Chwera Tɔn 3:22

Asɛ Tɔnjerema bane le Jerusalam ba dɛ ba ŋɔ, “Bɛlsebul waa ɛ kwaa aa dɛ ir nɛra nɛɛ bwa kooro laanee tɛo kpeɡri o kpɔ dɛɛ doŋi kwaa la.”

We-ɛɛla 8:26

Belaa Korowii nyundua torome bɛl ŋɔ Felep be ŋɔ, “Ir kaa weekaŋle harɛbɔr le, bela ŋwɛnɛ bɛl aa le Jerusalam kaa Gasa la.” Pua hɛŋle ɡbo harɛɛ a ɡɛ bɔr nɔ.

1 Samoɛl 17:46

Fini tɔpere nɔ, Korowii ɛɛ kpɔe do n nɔn taa, ásɛ n kpoe dɛ́ teŋe he nyu. Ásɛ jumbii ne kpɔɡ bini ola ba di he ne Filisti laa tena bwa ola, ásɛ harɛre nɛra bwa jemɛ kɛŋɔ Korowii Israel tena aa dɛ tomɔ la lole.