2 Koranar 1:2 - mzwDBL

² Awola bɛl, Kooro Ahasia le o abrɔsane waa lɔ Samaria saldoa bobɛl waa kpɔ daa sam o koodem bela, dɛ le ba le harɛ dɛɛ we weela. Asɛ o tomɛ toroma Filisti tena bwɛjen bɛl baa dɛ yerɔ Ekron voɡ Baal Sibab ta ŋɔ bá ka voɡɛ kɛ wɛɛ dɔ o nyuu yaa.

2 Koranar 1:2 ပူးပေါင်းရင်းမြစ်များ

1 Koranar 11:33

Gɛɛ mɛɛ ba ɛɛ, dɛkalkɛ ba vɛɛh mɛ dɛ kaa tomɛ Sidon tena voɡhaah Astɔrɛt, ne Moab tena voɡ Kemɔs, dɛ Amɔn tena voɡ Molɛk. Ba ta n ŋwɛnɛre ta kpɔe, ba ta waa aa wera n be ɛɛ, kɛɛ dɛ teŋɛ me Mmarare ta kɛŋɔ Kooro Solomɔn mɛɛ Devid aa ɛa la.

1 Koranar 14:3

Kpɔ paanoo fi, ne kwaa baa kpɔ noo koo a ta dɛ wɔɔra la ane, ne tooh loŋ del la o be, ɡɛ bwa aa dɛ ba bie la chiɡa la, wɛɛ baɡlee.”

1 Koranar 22:34

Siiria laa tena la bɛl ta hɛm o ka yaɡɛ Israel Kooro Ahab kon waa kpɔa tɔ ɡbemɡbe la keŋkeŋ, asɛ dɛ yaɡɛ o bambinyoa dɛ o laa saahna. Asɛ kooro la ŋɔ nɛn waa soɡe o torɔɡo baa vɔwa pɛl jaaɡɔ la be ŋɔ, “Ba do mɛ bol, le n ne laa nɔ ta.”

1 Koranar 22:40

Kooro Ahab sewɔ ka chɔ o naawa hoɡa ta, asɛ o bibaa Ahasia ba chiɡ o naa ta di kora.

2 Koranar 1:16

Elaeja aa tel bela la, o ŋɔ Kooro Ahasia be ŋɔ, “N naa kooro, waa Korowii aa dɛ bol he be laanee kɛŋɔ, Korowiirii wola toole Israel harɛ ta waa he tomɛ toroma ŋɔ bá la ka bɔɔ le Ekron voɡ Baal Sibub ta he weela nɔ waa naa? A ɡɛ nomanta, haa kalaŋ ta ira ba, sewaa chɛ kɛ he sewɛ.”

2 Koranar 1:3

Kɛ Korowii nyundua torome bɛl ŋɔ Korowii keame Elaeja waa le Tisbe be ŋɔ, ó ka cheme Samaria kooro toroma la dɛ́ bɔɔ ŋɔ, “Korowii Israel tena aa dɛ tomɔ toole kpa, asɛ he berɛ dɛɛ la Ekron voɡ Baal Sibub ta ka bɔɔ le o be nɔ naa?

2 Koranar 1:6

Ba ŋɔ, “Baa bɛl cheme yaa ŋwɛnɛ ta, dɛ ŋɔ yá berɛ ka ŋɔ kooro waa tomɛ yaa be ŋɔ, waa Korowii aa dɛ bol laanee nɔ, ‘Korowiirii wola toole Israel harɛ ta waa he tomɛ baala ŋɔ, bá la ka bɔɔ le Ekron tena voɡ Baal Sibub ta he weela waa nɔ naa? Anomanta, hɛɛ ka kalaŋ taa, sewaa chɛ kɛŋɔ he sewɛ.’ ”

2 Koranar 17:16

Ba ɡel Korowii baa dɛ tomɔ la mmarare bwa ta teŋa, dɛ loɡɛ nabali anɛ, dɛ ɛa voɡa dɛɛ toma. Dɛ paaɡe ba voɡ Asera dajaŋa dɛɛ tomɛ weweela ne voɡ Baal.

Job Tɔn 31:3

O ta kon waa chɔɡ nyubinikpeɡ tena ɛɛ yaa? O ta wenaale ɛɛ tɛ nɛra baa dɛ ɛ wechɔɡa aa?

Yelsom 2:9

N sɛnodɛɛɡe ɡbaŋre kɛŋɔ chwae kɛɛ kweɡlibale, onee ka cheɡa pɛl danjwɛɛ dɛɛ nyiŋi tokorore ta la.

Aesaya 19:3

Ijipt tena hwɛɡa bwa ɛɛ tonɔɔ, ásɛ ba maɡla baa maɡla bil bwa ɛ pɛɛpɛɛ, bá kaa bɔɔ voɡa ne lala ne ba voɡra ne ba bebeela.

Aesaya 2:6

N Naa Korowii, he vɛh he nɛra Jekɔb naanar. Ba lɔ wee leebɔr tena wepuu ta, dɛ berɛ voɡra kɛŋɔ Filisti tena, dɛ jo nɛra baa wola hen tomɛ we-ɛɛla ta.

Aesaya 37:12

N naawa yo harɛre nɛra bane baa le Gosan ne Haran ne Rɛsɛf, dɛ chɔɡ ba harɛre, dɛ kpoo Bɛt Eden tena baa soɡe Tɛl Asa, ba voɡare wono lɛɛ ba aa?

Aesaya 37:19

Ba pa ba voɡare do nii ta a fuh, dɛkalkɛ a ɛ daa ne bwea nɛn aa sɛah.

Matiu 10:25

Dɛ ba dɛ yerɛ dea nomoa Bɛlsebul waa ɛ sɔnchɔɡe aa, dea bii la te ta pɔeh yaa?

Amanesoma Mak Aa Chwera Tɔn 3:22

Asɛ Tɔnjerema bane le Jerusalam ba dɛ ba ŋɔ, “Bɛlsebul waa ɛ kwaa aa dɛ ir nɛra nɛɛ bwa kooro laanee tɛo kpeɡri o kpɔ dɛɛ doŋi kwaa la.”

Amanesoma Luk Aa Chwera Tɔn 11:15

Bane te ŋɔ, “Kwaa aa dɛ ir nɛra nɛɛ bwa kooro baa dɛ yerɔ Bɛlsebul la, onee tɛo kpeɡri wɛɛ doŋi kwaa la.”

We-ɛɛla 20:9

Dɛ bonɔɔ bɛl soɡe tokoro ta baa yerɔ Yutikus. Pɔɔl aa bol waa biɡri la, dom lawɛ Yutikus kɛrɛdɛ. Waa dɛ chɔ la, o le tokoro la ta abrɔsane la doa le harɛ. Dɛ ɡɛ dea laanee chɔŋa tooro abrɔsane la deene aa chɔŋra la ta. Baa ɡɔɔro, dɛ o sewɔ.

Josua 15:11

Jwɛh la nyoa berɔ ka fɛrɛ Ekron deŋɡare weekaŋle nyunduabɔr, dɛ berɛ chaɡɛ kaa Sekerɔn Bwejen dɛ ka ɡarɛ Baala Bwejen, dɛ kpoŋe kaa bwɛjen Jabneel. O nyoa kaa jaɡɛ Mɛdetereenea Mpo la nyoa.

Sitɔɔla 11:24

Kon he voɡ Kemɔs aa tɛɛ la, he dɛ lɛ. Gɛɛ a do, kon Korowii yaa dɛ tomɔ la aa tɛ yaa la, ya ɡe won lɛ.

Sitɔɔla 5:28

Sisera nya cheɡɛ tokoro ta dɛ nyiŋi bojaŋ dɛ ŋɔ, ‘Ɛrɛɛ Sisera biɡri o ta balɛ mɔɔ nɔɔ? Ɛrɛɛ yaa wola torɔɡore baa vɔwa pɛl jaɡre la ɡbɔɡa noɛ mɔɔ nɔɔ?’

1 Samoɛl 5:10

Ate, ba berɛ kpɔ Korowii Ne Nɛwɛnyina Fɔo Daka la kaa Ekron, dɛ o ɡe ɛ Filisti tena bwɛjena la bini bɛl. Bwɛjen la bini nɛra aa naa la, ba wio ŋɔ, “Ba kpɔ Israel tena Korowii baa dɛ tomɔ Ne Nɛwɛnyina Fɔo Daka la ba jo ya baah, dɛ́ ba kpoo yaa.”