2 Koranar 1:14 - mzwDBL

¹⁴ Nyiŋi na, ɡɛ nii aa le nyundua dɛ ba fuh laa sitɔɔla banɛ la ne ba laa tena bwa ɡɛ! N poori, na n sum dɛ bɛ ɡel a ba n nɛ.”

2 Koranar 1:14 ပူးပေါင်းရင်းမြစ်များ

2 Koranar 1:13

Kooro Ahasia berɔ tomɛ laa sitɔɔ bɛl ɡe ne o laa tena fifraanue ɡe toorotena. Nomontooro te la teehnɔ la Elaeja be, dɛ ka ɡuŋi harɛ o sie dɛ soŋo ŋɔ, “Korowii keame, na n ne n laa tena fifraanue nɔ sum, dɛ́ ɡel ya dɔ ya nyuune.

2 Koranar 1:15

Belaa Korowii nyundua torome bɛl ŋɔ Elaeja be ŋɔ, “Tu he ne o kaa, dɛɛ berɛ ɔma.” Asɛ Elaeja tu ba o ne nomoa la la kooro la be.

Yela 116:15

Korowii nɛra ba wa aa toɡra o be la waa hiaoh, ba seo ɡelɔ o loo ɛɛ ku.

Yela 49:8

Nɛwɛnyini mkpa yoɡ kpeɡri, komɛlbwa toole bá won kpɔ yawɔ,

Yela 72:14

Wɛɛ lɛɛ ba le fiiɡa ne nɛnchɔɡa nɔn taa, dɛkalkɛŋɔ ba mkpa dɔe waa hiaoh.

Sɛɡla 6:26

Hɛɛ won kpɔ kondikwaa tamaa ken dɔ hanjwamane. Kɛ dɛ he dɛ nyin nomɛl haah tenaa, komɛlbwa dɛ le he nɔn ta.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

1 Samoɛl 26:21

Anee Kooro Sɔɔl ŋɔ, “N bie Devid, n ɛ wechɔɡa, berɛ ba n be. Maa hen kpo kpa, dɛkalkɛ he dɔɔ mɛ he ta men kpoe jwaana nɔ ne. N ɛ ɡɛnewaa kohona ne waa aa wola were.”

1 Samoɛl 26:24

Gɛ maa sune he nɛɛ n ta hen kpoe fini nɔ, Korowii cha mɛ ɡɛ tenten, dɛ́ lɛɛ mɛ le n wenaale bwa ta.”