2 Koranar 1:12 - mzwDBL

¹² Elaeja ŋɔ, “Dɛ Korowii keamee men aa, ate nii le nyundua dɛ́ ba fuh he ne he laa tena fifraanue nɔ bwa.” Ate, Korowii den ɡel nii le nyundua, dɛ ba fuh laa sitɔɔ la ne o laa tena la bwa ba serewe.

2 Koranar 1:12 ပူးပေါင်းရင်းမြစ်များ

1 Koranar 18:38

Ate, Korowii ɡel nii ba le saraha kwaa la ta, dɛ fuh a ne daa la ne bwea dɛ harɛ la bwa, nee aa lɔ bɔɔ la bini ɡe hweeh.

2 Koranar 1:11

Asɛ Kooro Ahasia berɛ tomɛ laa sitɔɔ bɛl ɡe ne o laa tena fifraanue Elaeja be ja, asɛ laa sitɔɔ la ka ŋɔ Elaeja be ŋɔ, “Korowii keame, kooro ŋɔ he tu ba o be he ne ó bol wa taraken.”

2 Koranar 1:13

Kooro Ahasia berɔ tomɛ laa sitɔɔ bɛl ɡe ne o laa tena fifraanue ɡe toorotena. Nomontooro te la teehnɔ la Elaeja be, dɛ ka ɡuŋi harɛ o sie dɛ soŋo ŋɔ, “Korowii keame, na n ne n laa tena fifraanue nɔ sum, dɛ́ ɡel ya dɔ ya nyuune.

Job Tɔn 1:16

Torome la nyoa taa lɔ waa la ta wɛɛ bol la, dɛ torome la bɛl ɡe balɔ dɛ ba ŋɔ, “Bwaala kɔrɔ jo ya ne kondɛɛra la bini, dɛ fuh a ne n bala la bwa. N ɡboo le a nyoa, asɛ dɛ baa bol he be la.”

Lewi Dea Tena 10:2

Anomanta, Korowii ɡelɔ nii le buɡ la ta, o sie bela dɛ ba fuuh ba, ba bwa serewe.