2 Koranar 1:10 - mzwDBL

¹⁰ Anee Elaeja ŋɔ laa sitɔɔ la be ŋɔ, “Dɛ Korowii keamee men aa, ate nii le nyundua dɛ́ ba fuh he ne he laa tena fifraanue nɔ bwa.” Buɡ la ta, nii den le nyundua dɛ ba fuh laa sitɔɔ la ne o laa tena la bwa ba serewe.

2 Koranar 1:10 ပူးပေါင်းရင်းမြစ်များ

1 Koranar 22:28

Korowii keame Mikaya ŋɔ, “Dɛ he baa jo sɔnɔnɔɔ naa, amɔ dɛ Korowii laa cheɡɛ n nɛɛ dɛ bol wa.” Dɛ berɛ ŋɔ, “Nomɛlbwa kpɔ waa nɔ do o nyu bini.”

2 Koranar 1:11

Asɛ Kooro Ahasia berɛ tomɛ laa sitɔɔ bɛl ɡe ne o laa tena fifraanue Elaeja be ja, asɛ laa sitɔɔ la ka ŋɔ Elaeja be ŋɔ, “Korowii keame, kooro ŋɔ he tu ba o be he ne ó bol wa taraken.”

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

Job Tɔn 1:16

Torome la nyoa taa lɔ waa la ta wɛɛ bol la, dɛ torome la bɛl ɡe balɔ dɛ ba ŋɔ, “Bwaala kɔrɔ jo ya ne kondɛɛra la bini, dɛ fuh a ne n bala la bwa. N ɡboo le a nyoa, asɛ dɛ baa bol he be la.”

Yela 105:15

“Nomɛlbwa bɛ nɔn kpɔ leɡe n bonɔɔna maa lee ba cheɡ tɛ n te nɔ, he bɛ n keamere nɔ bini bɛlbwa ha.”

Yela 106:18

Korowii ɡelɔ nii le nyundua, dɛ ba le nɛra baa teŋɛ ba nɛɛ la nɛ, dɛ fuh nyubinikpeɡ tena baa lɔ ba bini.

Daneɛl 3:22

Gɛ kooro waa la aa hiah, ne ɡɛ nii laa dɛ hɔ a nyoa do kpeɡri kohona nomanta, nii la nyaa laa tena la baa kpɔ Sadrak ne Mesak dɛ Abɛdnɛɡo ka ta nii la ta la, ba serewe,

Daneɛl 3:25

Asɛ kooro ŋɔ o nomonome la be ŋɔ, “Hé nyiŋi na. N dɛ na nɛra banaarɛ baa valɛ nii la ta, ba ta ban vɔrɔwɛ, ba ta fueh ɡe. Onɔ la waa jaa naarɛ la dɛ le nyundua torome.”

Daneɛl 6:24

Ate, Kooro Dareɔs ɡel ba ka kpɔ nɛra baa haŋɛ Daneɛl nyoa la ba tɛo, asɛ o ɡel ba kpɔ ba ne ba haahna, ne bii bwa ka do nyujentena bɔɔ la bini. Baa wola bɔɔ la mun ta tele mɔɔ kwara la, dɛ nyujentena la toɡri ba bini, dɛ paɡre ba hoɡa bwa.

Lewi Dea Tena 10:2

Anomanta, Korowii ɡelɔ nii le buɡ la ta, o sie bela dɛ ba fuuh ba, ba bwa serewe.

Nɛra Kura 11:1

A kaa ba kɛŋɔ Israel tena la dɛ naɡre ba wenaale wa, asɛ a chole Korowii deŋne ta. Waa noa la, bwaawee lawɔ, o ɡel nii le bela baa soɡa la, dɛ chɔɡ o baŋ bɛl.

Nɛra Kura 16:35

Asɛ nii le Korowii be, dɛ ba fuh nɛra lafraanɛ fifraanue baa dɛ fuh daawiile la bwa.

Matiu 21:41

Anee ba chaŋo ŋɔ, “O balaa, wɛɛ ba kpoo nɛnchɔɡa la bwaa, dɛ́ kpɔ koo la tɛ nɛnfala, banɔ la dɛ ba komɛ daa nɔna la aa, baa dɛ ba on o dibɔr tɛɛ.”

Amanesoma Luk Aa Chwera Tɔn 9:54

Yeesu habɔteŋra Jems ne Jɔn aa na ɡɛ waa nɔ la, ba ŋɔ o be ŋɔ, “N Dɔɔ, he dɛ nyin kɛ ya ɡel nii le nyundua ba dɛ́ ba fuuh ba kɛɛ?”

We-ɛɛla 12:19

Kooro Hɛrɔd aa baa no kɛŋɔ Pita nyoɡrɔ la, o ɡelɔ ba nyin o bɔr, kɛ ba ta on nae. Anomanta, o ɡelɔ ba bɔɔ soojare la waa kɛrɛdɛ, dɛ ŋɔ bá kpoo ba. A habɔɔ la, Kooro Hɛrɔd le Juda harɛ dɛ ka so Sisaaria tama.

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

Wepila 11:5

Dɛ ba dɔm bɛlbwa ŋɔ o ɛɛ ba wechɔɡa aa, nii ɛɛ le Korowii danseɛ tena la nyooree, dɛ́ kpo naate. A ɡɛ seo nɔɔ nomɛlbwa waa ŋɔ ó ɛɛ ba wechɔɡa la ɛɛ ba sewa.