2 Jɔn 1:1 - mzwDBL

¹ Men Nomoa Jɔnee chwerɛ tɔn nɔ dɛɛ tɛ haah la Korowii aa leo cheɡ dɛ tɛ o te la, ne o bii maa koh beŋkpoŋ ya bwa aa ɛa Korowii kasinteŋ waa la ta dɛɛ nyin ba la. N ɡbo laa dɛɛ nyin ba ɡɛ. Nɛra baa jemɛ Korowii kasinteŋ waa la bwa ɡe jao,

2 Jɔn 1:1 ပူးပေါင်းရင်းမြစ်များ

Amanesoma Luk Aa Chwera Tɔn 1:3

Nomoa, n ɡbaɡba nyiŋi a ɡɛ waa nɔ bini kɛrɛdɛ dɛ le mumpar, anomanta, n liiro kɛ aa maɡroo kɛ n chwerɛ dɛ baɡle a bini ɡɛ aa teŋa beŋkpoŋa beŋkpoŋa dɛ tɛɛ,

Amanesoma Jɔn Aa Chwera Tɔn 8:32

dɛ won jemɛ kasinteŋ la, asɛ kasinteŋ la ɡel he dɔ he te.”

We-ɛɛla 11:30

Ba ta a ɡɛ suuɡa la, dɛ kpɔ tɛ Banabas ne Sɔɔl ba ka tɛ Juda harɛ asɔre tena la nomonome.

Tɔn Pɔɔl Aa Chwerɛ Rom Tena 16:13

N dɛ na Rufus o sɔn aa lea ya Dɔɔ Yeesu toma nɔ ta la, ne o nya waa nyiŋ mɛ kɛ n ɡbaɡba nya la.

Galaasia 2:14

Maa naa kɛŋɔ ba nyoɡre Yeesu Kristo Amanesoma la ŋwɛnɛ la, n di Pita kasinteŋ yabala la bwa siwi ta ŋɔ, “Ŋwɛnɛ besoo taa a che he ɛ Juu te haa wola Juu tena nawee waa la ta teŋɛ, dɛ ŋɔ he hamɛ nɛra baa wola Juu tena ɛɛ ŋɔ báa teŋɛ a ta nɔ?

Galaasia 2:5

Yaa wola nyin kɛ bá won berɛ Amanesoma la sie ásɛ kasinteŋ la do le tɛ heyaa la, ya ta ban sie tɛɛ kwaraa.

Galaasia 3:1

Ee, Galaasia tena, he ɡɛnoo! Ya ta heyaa baɡlɛ ɡɛ aa ɛa Yeesu Kristo sewɛ daɡaɡre ta bwa naa? Aah bɔkwaa bera neɡre heyaa jaɔ?

Galaasia 5:7

He fa dɛ teŋɛ ŋwɛnɛdɛɛɡe la ta kɛrɛdɛ. Bɔkwaa bala haa wola berɛ dɛɛ teŋɛ kasinteŋ ŋwɛnɛ la ta kpaɔ? Bɔkwaa tɔ heyaa ŋwɛnɛ ɔ?

Kolosi 1:5

Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

1 Timoti 2:4

O te dɛ nyin kɛŋɔ nomɛlbwa dɔ o nyu, ásɛ dɛ ba jemɛ kasinteŋ waa la.

Hibru 10:26

Korowii aa pili ya sie ya jemɛ o kasinteŋ nɔ, dɛ ya ta saahnɔ do wechɔɡa ta dɛɛ ɛ aa, saraha bɛlbwa toole bobɛlbwa dɛ fee ya wechɔɡa ya nɛɛ kpa.

1 Pita 1:2

Korowii waa ɛ ya Mɛɛ cheɡɛ jema waa jemɛ heyaa wubwa la ta, dɛ le heyaa kɛŋɔ o nɛra dɛ tɛ o te. O Domadɛɛɡe laanee ɡela he do ɡoroŋ, dɛ ɡel hɛɛ teŋɛ Yeesu Kristo waa ta, asɛ o chal yaɡle he doŋa he nɛ. Kórowii cha heyaa dɛ tɛ heyaa bosɔɔhna kohona.

1 Pita 5:1

N dɛ nyin n bol waane he asɔre nomonome baa dɛ tɔ he sie la be. Asɔre nomoa la bɛlee n ɡe. N ɡbaɡba kpɔ siwi na wahala la soo Yeesu Kristo aa naa. Awola waa dɛ ba ɡela nɛra na o jirima la, n ɡe ɛɛ dɔ o jirima la bɛlee. N dɛ soŋe heyaa kɛŋɔ

1 Pita 5:13

Asɔre tena baa lɔ Babelɔn, Korowii aa lee ba ɡɛ waa le heyaa la, ba dɛ na heya. N bie Mak ɡe dɛ na heya.

1 Jɔn 2:21

Kasinteŋ bɛ jema waa laa n chwerɛ tɔn nɔ baa tɛ heya. He jemɛ kasinteŋ la, dɛ jemɛ kɛŋɔ nyosone ne kasinteŋ aa valɛ bwa.

1 Jɔn 3:18

N bidɛɛɡa, he bɛ ɡel ya kpɔ wobol ne nyotor berɛ dɔŋa nyina. Kɛ hé ɡel ya we-ɛɛla baɡle kɛŋɔ ya nɛnnyin ɛ kasinteŋ nyina.

2 Jɔn 1:13

He nime la Korowii aa leo cheɡ tɛ o te la, o bii dɛ na heyaa kohona.

2 Jɔn 1:5

Kɛ n bidɛɛɡe, taraken n dɛ soŋe, dɛɛ teŋɛ waa Korowii aa bola bil la ta. Wefala laa. Dɛ hɛ́ɛ nyin dɔŋa.

3 Jɔn 1:1

Men Nomoa Jɔnee chwerɛ tɔn nɔ, dɛɛ tɛ n dandɛɛɡe Gayos maa koh beŋkpoŋ ya bwa aa ɛa Korowii kasinteŋ waa la ta la, dɛɛ nyin he waa la.