2 Kɔrent 9:8 - mzwDBL

⁸ Korowiirii dɛ won tɛ heyaa kwaa a ɡwaa ɡɛ haa dɛ nyin, ásɛ he dɔ kohona saŋ bɛlbwa, dɛ́ won kpɔ dɛɛ ɛ wedɛɛɡa kohona.

2 Kɔrent 9:8 ပူးပေါင်းရင်းမြစ်များ

2 Webena 25:9

Anee Kooro Amasea bɔɔ Korowii keame la ŋɔ, “Ɛrɛɛ suuɡapoŋa a tɔɡre aa ɛ kilore kaɡboŋa atoro lafraanaarɛ maa bɔa tɛ Israel laa tena la waɔ?” Anee o ŋɔ, “Korowii ɛɛ won berɛ tɛɛ ane a ɡwaa ɡɛ.”

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Sɛɡla 10:22

Korowii swee andɛɛɡa tɛɛ naa, a dɛ ba kondɔɔh ne, wenaale bɛlbwa aa a ta ja.

Sɛɡla 11:24

Nomɛl nɔn dɛ pili kɛ dɛ ta ɛɛ dɔ, asɛ bɛl ɡe nɔn aa pili kɛ dɛ ɡe nya.

Sɛɡla 28:27

Nɛn waa dɛ cha nyaara la, komɛlbwa aa on nya, kɛ nɛn waa laa sie dɛɛ kpɔ ba nɛɛ la, dɛ́ dɔ nyotaahna taeh!

Sɛɡla 3:9

Kpɔ he kondɔɔh, ne he koo kondikonloɡla tɛ Korowii, dɛ́ kpɔ duuru.

Haɡae 2:8

Harɛ nɔ suuɡapoŋa ne suuɡaswɛm bwa ɛ n kwa.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

We-ɛɛla 9:36

Dɛ haah bɛl lɔ Jopa dɛ ɛ asɔre te baa yerɔ Tabita. Grik tena ɡe dɛ yerɔ Dɔkas. Dɛ haah la dɛ ɛ wedɛɛɡa taeh dɛɛ cha nyaara.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

2 Kɔrent 13:3

He fa dɛ nyin he na waane dɛ jemɛ kɛŋɔ Yeesu Kristoo soɡe n nɛɛ dɛɛ bol waa la. Too, hɛɛ nao. Kpeɡri ta on nyae. Wɛɛ baɡle o kpeɡri he nɛɛ.

2 Kɔrent 8:19

A ɡbo laa, asɔre tena la bwaa leo ŋɔ ó ja ya nɛɛ ya kpɔ koŋkɛɛla nɔ kaa Jerusalam, ɡɛ aa ɛ ásɛ ya Dɔɔ Yeesu dɔ sɔn. Ya dɛ ɛ toma nɔ dɛ kpɔ dɛɛ baɡle kɛŋɔ ya dɛ nyin Korowii nɛra chae.

2 Kɔrent 8:2

Ba na wahala kɛrɛdɛ. A lole kɛ nyaaraa ban kohona, kɛ ba sie aa lɛ Yeesu lɛɛ waa lɛɛ ba la ta kohona nomanta, ba wono ta suuɡa kohona asɛ ba kpɔ cha nɛra.

2 Kɔrent 8:7

He dɛ ɛ waa Yeesu waa bwa ta, yarada ta, waa bola ta, wejema ta, ne nyina haa dɛ nyin nɛra chae ta, ne nyina haa dɛ nyin yaa la ta. Anomanta, ya dɛ nyin kɛ hɛɛ ɛ waa kwaa kɛɛ ɡe ta.

2 Kɔrent 9:11

Wɛɛ ɡeloo he dɔ saŋ bɛlbwa dɛ́ won ta tea dɛɛ tɛ Korowii nɛra saŋ bɛlbwa, ásɛ nɛra warɛ pirim dɛ́ jam Korowii he koŋkɛɛla la yaa kpɔa tɛɛ ba la wa.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Ɛfesos 3:20

Hɛ́ɛ tɛ Korowii sɔn! Onee cheɡɛ o kpeɡri waa kpɔa dɛɛ ɛ toma ya bini la ta dɛ won ɛ waa aa ɡwaa ɡɛ ya fe aa liira dɛɛ soŋo la.

Felepae 4:11

N ta ŋɔe ŋɔ n nyao. Akai. N wono hweli wobɛlbwa maa lɔ a ta n soɡa bini a man mɛ, n sie lɛ a ta.

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

2 Tesalonika 2:17

bá tɛ heyaa ɡbemba dɛ ɡel he che kiŋkiŋ, ásɛ dɛ won ɛ wedɛɛɡa te bɛlbwa, dɛ́ won dɛɛ bola ɡe.

2 Timoti 2:21

Anomanta, dɛ nomɛlbwa laa o te kpɔ wedoŋa ne wechɔɡa bwa ta naa, naate la do kɛŋɔ kwaa baa dɛ le a ne wejena ɡbo ta la. O do kaih dɛ do le tɛ o Dɔɔ, dɛ dɔ tɔnɔ tɛo, dɛ che le kɛ ó kpɔɔ ɛ tondɛɛɡa te bwa.

2 Timoti 3:17

Anee dɛ won cha Korowii nɛn ó won ɛ wedɛɛɡa bwa ka tonɛ.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Taetos 3:14

Gel yabala bwa hweli wedɛɛɡa ɛɛ, dɛɛ cha nɛra aa hiah ba, dɛ bɛ nɛra baa wola tɔnɔ dɔe ɛ.

Taetos 3:8

Waa nɔ bwa ɛ kpela. Anomanta, dɛɛ berɛ a baɡla ɔma, ásɛ nɛra baa no Korowii waa dɛ yarada la swɛɛ siwi dɛɛ ɛ wedɛɛɡa. Gɛɛ wera dɛ dɔ tɔnɔ tɛ nomɛlbwa.

1 Pita 4:10

Kpeɡri bɛlbwa nomɛlbwa aa dɔa la, Korowiirii kpɔa chao ŋɔ ó kpɔ dɛɛ ɛ o Korowii toma. Anomanta, bɛ́lbwa nyiŋi o toma ta kɛrɛdɛ, dɛ́ kpɔ dɛɛ cha o bala.