2 Kɔrent 9:7 - mzwDBL

⁷ Anomanta, bɛ́lbwa tɛ ɡɛ aa maɡra o bambile ta. Bɛlbwa nao kɛŋɔ o tɛo aa we o nɛɛ yaa, ó ɡel tɛɛ. Bɛl dɛ lii kɛ doe ba doo ŋɔ o tɛ aa, ó ɡel, dɛkalkɛŋɔ nomɛlbwa waa dɛ tɛ kwaa bambile bwa ne la, Korowii sie dɛ lɛ o nɛ.

2 Kɔrent 9:7 ပူးပေါင်းရင်းမြစ်များ

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

1 Webena 29:9

Nɛra la bwa sie lɛ ɡɛ ba nomonome la aa le ba bambile ta dɛ tɛ kwaa la, Kooro Devid ɡe sie lɛo kɛrɛdɛ.

Kaala 25:2

“Ŋɔ Israel tena la be bɛ́lbwa ɛ saraha tɛ mɛ. Henee chɛ kɛ he lɛ saraha kwaa la ɡɛ bɛlbwa bambile aa lawa kɛ ó kpɔ tɛ mɛ.

Kaala 35:5

Komɛlbwa haa dɔa la, hé kpɔ a bini ane ba ɛ saraha tɛ Korowii. Gɛ aa le bɛlbwa bambile bini la ó kpɔ ba tɛ Korowii. Koŋkwaa kɛŋɔ suuɡaswɛm ne suuɡapoŋ dɛ ayaawa,

Sɛɡla 11:25

Dɛɛ pili nɔn ásɛ wobɛlbwa do wer tɛɛ, dɛɛ cha banfala ásɛ ba cha he ɡe.

Sɛɡla 22:9

Nɛn waa dɔ tesom dɛɛ tɛ nyaara kondikwa la, Korowii ɡelɔ wɛɛ na som.

Aesaya 32:5

Gɛ saŋ nɛn waa ɛ ɡɛne la baa on jirima tee yerɛ, a ba ɛ kɛŋɔ nɛn waa dɛ neɡre nɛra la, bá yerɔ kasinteŋ te.

Aesaya 32:8

Nɛn waa dɔ jirima te, o dɛ maɡle waa aa dɔ jirima dɛ́ ɛ, ásɛ a che a ta wɛɛ do kɛrɛdɛ.

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Tɔn Pɔɔl Aa Chwerɛ Rom Tena 12:8

Dɛ nɛra ɡbemba doe kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ dɔŋa kwaa kɛɛ kpeɡrii o tɛɛ naa, a chɛ kɛ hɛɛ ɛa bambile bwa ne. Dɛ waa sie tɔe kpeɡrii o tɛɛ naa, a chɛ kɛ hɛɛ ɛa tea bwa ne. Dɛ wedɛɛɡa ɛɛ kpeɡrii o tɛɛ naa, a chɛ kɛ hɛɛ ɛa tepoŋ ne.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

Mmarare 15:14

Tɛo he peera ne boohna ne mea dɛ sen haa dɔa la ane. Tɛo ɡɛ Korowii haa dɛ tomɔ nɔ aa ɡela he dɔ andɛɛɡa la.

Faelemɔn 1:14

Kɛ maa nyin n ɛ wobɛlbwa dɛ́ le he habɔɔ dɛ n ta he be ŋɔe, ásɛ a ba ɛ kɛŋɔ n dɛ di kpeɡri he nɛ. N dɛ nyin kɛŋɔ wedɛɛɡe haa ɛ la le he ɡbabir bambile bini.

Jems 5:9

Yabala, he bɛ dɔŋa waa dɛɛ naɡre ásɛ dɛ ba di bolchɔɡe Korowii sie. Ya bole pae dɛ tel.

1 Pita 4:9

He dɔŋ baa choɡe naa, lɛo, bɛ waa dɛɛ naɡre.