2 Kɔrent 9:13 - mzwDBL

¹³ He we-ɛɛla nɔ ɛɛ ɡeloo nɛra na he yarada haa dɔa, dɛ́ jam Korowii a wa. Baa jam Korowiirii kɛŋɔ haa dɛ teŋɛ Yeesu Kristo Amanesoma la haa ŋɔa he yaradaa la ta. Nɛra ɛɛ jam Korowiirii kɛŋɔ nomɛlbwa aa wola heyaa doe, asɛ he ɡbaɡba ta tea dɛ tɛ ba ne nomɛlbwa kwaa haa dɔa nɔ.

2 Kɔrent 9:13 ပူးပေါင်းရင်းမြစ်များ

Yela 50:23

Nomɛlbwa kpɔ jam tɛ mɛ naa, dɛ sarahaa o ɛ tɛ mɛ la, onee dɛɛ duu mɛ. O kpɔɔ kwaa ŋwɛnɛ dɛɛ cheɡ, dɛ́ na ɡɛ men Korowii aa won nɛra lɛɛ.

Matiu 5:16

Gɛɛ chɛ kɛŋɔ hé chaah tɛ nɛra, ásɛ ba na he wedɛɛɡa ɛɛ, dɛ́ duu he Mɛɛ waa lɔ nyundua la.”

Matiu 9:8

Nɛnlaa la aa na a ɡɛ waa nɔ la, ɔmee laɡ ba, ba kpɛɛ Korowii kɛŋɔ waa tɛ nɛwɛnyini ɡe kpeɡri ŋɔ ó ba won ɛ a ɡɛ waa nɔ la.

Amanesoma Luk Aa Chwera Tɔn 6:46

Ɛrɛ waa hɛɛ yer mɛ he dɔɔ, haa wola waa maa dɛ bol he be ɛ nɔɔ?

Amanesoma Jɔn Aa Chwera Tɔn 15:8

Dɛ he wono dɛɛ ɛ n Mɛɛ tetoowaa kɛŋɔ kpale waa dɛ nɔnɛ kɛrɛdɛ naa, wɛɛ dɔ jirimaa. Anee dɛ baɡle kɛ n habɔteŋraa heyaa kpela.

We-ɛɛla 11:18

Baa no ɡɛ la, ba nyoa sɔɔhnɔ, asɛ ba jam Korowii dɛ ŋɔ, “Amɔ te Korowiirii tɛ nɛra baa wola Juu tena ɛɛ la ɡe ŋwɛnɛ, ásɛ ba charɛ ba liire, dɛ́ le ba wechɔɡa ta, dɛ́ dɔ ba nyu!”

We-ɛɛla 4:21

Belaa nomonome la kwaa aah ba kohona ɡwaa loɡla la, dɛ ɡel ba. Ba nao kɛŋɔ ba ŋɔ bá ham ba ŋwɛnɛ bɛlbwa ta naa, nɛra la aa ban sɛh,

Tɔn Pɔɔl Aa Chwerɛ Rom Tena 10:16

Amanesoma la balɔ, kɛ Israel tena bwa laa sɛh a ta teŋa. Korowii keame Aesaya ɡbaɡba fa bolɔ ŋɔ, “N Naa Korowii, umee yarada waa yaa bol ba be laɔ?”

Tɔn Pɔɔl Aa Chwerɛ Rom Tena 12:8

Dɛ nɛra ɡbemba doe kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ dɔŋa kwaa kɛɛ kpeɡrii o tɛɛ naa, a chɛ kɛ hɛɛ ɛa bambile bwa ne. Dɛ waa sie tɔe kpeɡrii o tɛɛ naa, a chɛ kɛ hɛɛ ɛa tea bwa ne. Dɛ wedɛɛɡa ɛɛ kpeɡrii o tɛɛ naa, a chɛ kɛ hɛɛ ɛa tepoŋ ne.

Tɔn Pɔɔl Aa Chwerɛ Rom Tena 15:31

Hé soŋe Korowii tɛ mɛ ásɛ o kpɔ nɔn tɔ n nɛɛ Juda harɛ tena baa wola Yeesu yarada la bini, ásɛ waa maa dɛ la ka ɛ Jerusalam Korowii nɛra ba wa aa toɡra bini la, bá sie lɛ a ta,

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

2 Kɔrent 10:5

Nɛwɛnyina wejema baa dɛ maŋkuraa dɛɛ tɔŋle waa la, a ne webaɡla baa dɛ maŋkuraa kohona dɛɛ tɔŋle waa asɛ nɛra jemɛ Korowii kahonɛ la do kɛ dekpeɡa yaa dɛ ba wona paɡre la. Ya berɔ dɔ kpeɡri dɛ won berɛ nomɛlbwa liire, asɛ ba no Yeesu Kristo be.

2 Kɔrent 2:12

Maa baa tel Troas ŋɔ ń bol Yeesu Kristo Amanesoma la, n nao kɛŋɔ ya Dɔɔ pili ŋwɛnɛ tɛ mɛ kɛ ń ɛ toma bela.

2 Kɔrent 8:4

Ba ɡbaɡbaa soŋe yaa sibeɡra ne ŋɔ yá ɡel ba ja Korowii nɛra ba wa aa toɡra la nɛ.

2 Kɔrent 9:14

He waa ɛɛ dɛɛ ɛ a ɡɛ nɛra laanee, ásɛ ba dɛ soŋe Korowii aa, ba soŋe dɛɛ tɛ heya, he bonya Korowii aa ɡela he dɔ la nomanta.

Galaasia 1:24

Ba cheɡɛ a ta dɛ jam Korowii a wa.

1 Timoti 6:12

Yarada haa dɛ yarada Korowii nɔ, yodɛɛɡee hɛɛ yo ɡɛ la. Anomanta, yo kɛrɛdɛ dɛ́ dɔ mkpa aa wola jaɡa dɔe la. A ɡɛ mkpa nɔɔ Korowii lee ŋɔ he ba dɔ ɡɛ saŋ haa cheɡɛ kiŋkiŋ dɛ bol ɡɛ haa yarada Yeesu Kristo baɡle nɛnlaa la.

1 Timoti 6:13

Korowii waa tɛ komɛlbwa mkpa la, ne ya Dɔɔ Yeesu Kristo la waa wona dɛ che Pɔnteɔs Paelet sie dɛ bol kasinteŋ la sɔn taa n che dɛɛ jae

Hibru 10:23

dɛ́ lawɛ hwɛɡa yaa dɔa la bini kpoŋe kiŋkiŋ, dɛ́ bol baɡle nɛra yaa wola ɔmɛ tama bɛlbwa, dɛkalkɛŋɔ naate waa baɡɛ yaa nyoa la waa dɔ kasinteŋ.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

Hibru 4:14

Ya dɔ Sɔfonomonjen waa wona la Korowii sie tenten. Onee Korowii Bie Yeesu la. Anomanta, hé ɡel ya lawɛ o waa la yaa dɛ yarada la bini kpoŋe kiŋkiŋ.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.

Rut Tɔn 2:19

Asɛ Naomi bɔɔro ŋɔ, “Leperaa he ka ɡaaɡe fini nɔ? Ume koo taa he ka kuuh dɛ dɔ anɔ bwa ken? Korowiirii dɛ cha naate waa na he sum nɔ.” Anee Rut ŋɔ o be ŋɔ, “Boas koo taa n ka ɡaaɡe.”