2 Kɔrent 8:8 - mzwDBL

⁸ N ta bolɛ dɛɛ bil a ɛ lao kɛŋɔ hɛ́ɛ kɛ. N dɛ nyin n jemɛ kɛŋɔ he nɛnnyin la ɛ nɛnnyin kasinteŋ. A waa n baɡle ɡɛ bane siwi aa swɛɛ kwaa kɛɛ ta la.

2 Kɔrent 8:8 ပူးပေါင်းရင်းမြစ်များ

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Tɔn Pɔɔl Aa Chwerɛ Rom Tena 12:9

Hɛ́ɛ nyin dɔŋa bambile bwa ne. Hé hah wechɔɡa te bɛlbwa, dɛ́ lawɛ wedɛɛɡa te bɛlbwa bini kpoŋe kiŋkiŋ.

1 Kɔrent 7:12

N ɡbaɡbaa dɛɛ bol anɔ te dɛɛ tɛ he kar la. Ya Dɔɔ laa bola. Dɛ he ɛ asɔre te dɛ mo haah waa wola asɔre te ɛɛ, a too o tea o ŋɔ wɛɛ soo waa, bɛ on vɛh.

1 Kɔrent 7:25

Korowii ta men nɛra baa wola yalɛ la waa baɡlɛ, kɛ o dɛ cha mɛ asɛ mɛɛ ɛ o toma kɛrɛdɛ. Anomanta, mɛɛ baɡle ɡɛ maa jemaa.

1 Kɔrent 7:6

Waa nɔ maa baɡla nɔ ta denɛ dɛɛ do heyaa ŋɔ a chɛ kɛŋɔ hé mo haahna. Kɛ n dɛ baɡle kɛŋɔ, dɛ he mo haah naa, a ta wechɔɡa ɛɛ.

2 Kɔrent 6:6

Ya cheɡɛ ya ɡoroŋ yaa doa la ta, ne Yeesu Kristo ŋwɛnɛ la waa yaa jema, ne bambile yaa dɔa, ne ya tesom ta dɛ baɡle kɛ Korowii bonɔɔnaa yan. Ya cheɡɛ Korowii Domadɛɛɡe la yaa dɔa, ne ɡɛ yaa nyin nɛra tea bwa ne,

2 Kɔrent 8:10

Gɛ n te aa naa kɛŋɔ hé den tonɛ waa haa pa a mun bena ken la. Heyaa tɔ sie dɛ baɡle kɛŋɔ he dɛ nyin nɛra chae.

2 Kɔrent 8:24

Anomanta, hé ɡel ba na ɡɛ haa dɛ nyin nɛn, ásɛ asɔre tena bwa no, dɛ́ jemɛ kɛŋɔ yaa koh he waa dɛɛ maŋkura ya te la, pɛɛ laa.

2 Kɔrent 9:2

N jemɔ kɛŋɔ he te dɛ nyin ba chae. Anomanta, n kpɔ heyaa maŋkura n te Makidoonia tena be taeh. N ŋɔ ba be ŋɔ, “Bena ken bwaa yabala baa lɔ Akaya harɛ la swɛɛ siwi dɛɛ nyin nɛra chae.” He siwi aa swɛɛra hɛɛ nyin nɛra chae la, a ɡelɔ ba kɛrɛdɛ ɡee nyin nɛra chae.

2 Kɔrent 9:7

Anomanta, bɛ́lbwa tɛ ɡɛ aa maɡra o bambile ta. Bɛlbwa nao kɛŋɔ o tɛo aa we o nɛɛ yaa, ó ɡel tɛɛ. Bɛl dɛ lii kɛ doe ba doo ŋɔ o tɛ aa, ó ɡel, dɛkalkɛŋɔ nomɛlbwa waa dɛ tɛ kwaa bambile bwa ne la, Korowii sie dɛ lɛ o nɛ.

Ɛfesos 4:15

Korowii dɛ nyin kɛŋɔ ya lawɛ kasinteŋ la bini kɛrɛdɛ dɛɛ bola dɔŋa be nɛnnyin ne, ásɛ ya won kpeɡ kɛrɛdɛ dɛ́ do ɡɛ Yeesu Kristo aa doa. Onee ya nyu.

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

Hibru 10:24

Hé ɡel ya lii ɡɛ yaa ɛ, dɛ́ won dɛɛ do dɔŋa ɡbemba, ne dɔŋa nyina ne wedɛɛɡa ɛɛ ta,

Josua 24:14

Asɛ Josua berɛ ŋɔ Israel tena be ŋɔ, “Hɛ́ɛ ɔmɛ Korowii dɛɛ tomɔ kasinteŋ ne. Hé pa he naawa voɡa baa toma Yufretis Moo la baŋ le ne Ijipt harɛ ta la ta, ásɛ dɛ tomɛ Korowii ɡbo.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,