2 Kɔrent 8:7 - mzwDBL

⁷ He dɛ ɛ waa Yeesu waa bwa ta, yarada ta, waa bola ta, wejema ta, ne nyina haa dɛ nyin nɛra chae ta, ne nyina haa dɛ nyin yaa la ta. Anomanta, ya dɛ nyin kɛ hɛɛ ɛ waa kwaa kɛɛ ɡe ta.

2 Kɔrent 8:7 ပူးပေါင်းရင်းမြစ်များ

Matiu 25:22

Bonɔɔ nɛɛte la ɡe ba dɛ ba ŋɔ, ‘N Dɔɔ, bɔre anɛɛ he tɛ mɛ, kɛ n ɡe berɔ dɔ a dɔŋa ja a ta. Anee la.’

Tɔn Pɔɔl Aa Chwerɛ Rom Tena 15:14

Yabala, n ɡbabir jemɔ kɛrɛdɛ kɛŋɔ he dɛ ɛ wedɛɛɡa taeh. He jemɛ waa kohona, dɛ won dɔŋa waa baɡla ɡe.

1 Kɔrent 1:5

He ne waa pɛa la nomanta, o ja heyaa kpeɡri ŋwɛnɛ bɛlbwa ta. O ɡelɔ he jemɛ wobol, dɛ tɛ heyaa wejema, asɛ a baɡle kɛŋɔ

1 Kɔrent 12:13

Juu tena o, Grik tena o, yoma o, nɛra baa dɔ ba te noo, Korowii kpɔ o Domadɛɛɡe la sɔ ya bwa ne, asɛ ya ɛ beŋkpoŋ. O tentenee o ɡel ya bwa dɔ dɛ nyɔ do ya bini.

1 Kɔrent 12:8

O tɛ nɛra bane wejema, dɛ tɛ bane ɡe sipila. O Doma beŋkpoŋ laanee tɛ ba bwa a ɡɛ kpeɡri la, bá won bol waa dɛɛ baɡle nɛra,

1 Kɔrent 13:2

Hale n wono che Korowii kpeɡri la ta, dɛɛ bol o waa aa dɛ ba bala kerekere la kɛrɛdɛ, dɛ jemɛ o wesɔɔhla bwa, dɛ dɔ sipila kɛrɛdɛ, dɛ che o kpeɡri la ta, dɛ dɔ yarada dɛ won ŋɔ bwejen be ó chuɡri le o buɡ ta, dɛ kaa bofale asɛ o chuɡri, dɛ maa nɛn nyin aa, dɛ n ta nɛn ɛɛ.

1 Kɔrent 13:8

Nɛnnyin ta jaɡa dɔe. Korowii waa baa cheɡɛ o kpeɡri ta dɛɛ bol bwa ɛɛ tonɔɔ tɔpebɛl wee. Wobofala baa cheɡɛ Korowii kpeɡri ta dɛɛ bol bwa ɛɛ teŋoo tɔpebɛl wee. Wejema ɡee ba tonɔɔ.

1 Kɔrent 14:12

He siwi aa beɡra hɛɛ nyin kpeɡri Korowii Domadɛɛɡe be ó cha heyaa Korowii toma ta nɔ, hɛ́ɛ nyin anɔ la aa won cha asɔre tena kohona.

1 Kɔrent 4:7

Umee ŋɔ he be ŋɔ he ɡwaa bane ɔ? Wobɛlbwa haa jema la, Korowiirii tɛɛ. Bɛ nyoa dɛɛ ta a do kɛŋɔ Korowii laa kpɔ waa haa jema la kɛɛ.

2 Kɔrent 7:7

O bala la ɡbo laa larawe ya bwara. O baa baɡle ɡɛ waa baa na heyaa o ɡbabir bambile sɔɔhno he wa. O bolɔ ŋɔ n waa dɛ ɛ heya, dɛ ŋɔ waa n fa aa bola la ɡelɔ he tea bini chɔɡ. O baɡle ɡɛ haa cheɡɛ n habɔɔ dɛ yo dɛɛ tɛ mɛ. Anomanta, name kwaraa n sie lɛ kohona.

2 Kɔrent 8:6

Anomanta, ya ŋɔ Taetos be ŋɔ tondɛɛɡa nɔ soo waa pa a mun la, ó den ba choŋi a ta, ásɛ dɛ cha heyaa he ɛ wedɛɛɡa haa dɛ ɛ kwaa kɛɛ bɔr la ka tonɛ.

2 Kɔrent 9:14

He waa ɛɛ dɛɛ ɛ a ɡɛ nɛra laanee, ásɛ ba dɛ soŋe Korowii aa, ba soŋe dɛɛ tɛ heya, he bonya Korowii aa ɡela he dɔ la nomanta.

2 Kɔrent 9:8

Korowiirii dɛ won tɛ heyaa kwaa a ɡwaa ɡɛ haa dɛ nyin, ásɛ he dɔ kohona saŋ bɛlbwa, dɛ́ won kpɔ dɛɛ ɛ wedɛɛɡa kohona.

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Felepae 1:9

N dɛ soŋe Korowii kɛŋɔ ó ɡel he dɔ nɛnnyin kɛrɛdɛ dɛ́ɛ ja, dɛ́ berɛ dɔ wejema ne nfɛrɛ dɛ́ ja a ta,

2 Tesalonika 1:3

Yabala, ya koh he waa dɛ yon dɛɛ jam Korowii. He chɛ ɡɛ, dɛkalkɛŋɔ he yarada haa dɛ yarada Korowii la dɛ kaa sie saŋ bɛlbwa. Nyina haa dɛ nyin dɔŋa la ɡe ɡba dɛ do kan ja.

2 Timoti 2:1

N bie Timoti, che kiŋkiŋ kpeɡri ya Dɔɔ Yeesu Kristo aa chae he dɔ le pɛɛ he ne waa pɛa la ta.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

Wepila 3:17

He ŋɔ he dɔ kwa, dɛ ɛ dɔɔhna, komɛlbwa ta heyaa nyae. Kɛ haa jemɛ kɛŋɔ he waa dɔ sinyana, dɛ do sum. He ɛ nyaara, dɛ nyoŋe, dɛ che mumɡbal.