2 Kɔrent 8:19 - mzwDBL

¹⁹ A ɡbo laa, asɔre tena la bwaa leo ŋɔ ó ja ya nɛɛ ya kpɔ koŋkɛɛla nɔ kaa Jerusalam, ɡɛ aa ɛ ásɛ ya Dɔɔ Yeesu dɔ sɔn. Ya dɛ ɛ toma nɔ dɛ kpɔ dɛɛ baɡle kɛŋɔ ya dɛ nyin Korowii nɛra chae.

2 Kɔrent 8:19 ပူးပေါင်းရင်းမြစ်များ

We-ɛɛla 14:23

Bwɛɛre nɔ bɛlbwa ta asɔre tena aa lole la, Pɔɔl ne Banabas le ba bini bane ba ɛ ba nomonome. Nyoa vɔwa ne Korowii soŋa nee ba yon kpɔ nomoa la do Korowii baa kpɔ ba yarada bwa do o nɛɛ la nɔn ta.

We-ɛɛla 15:22

Belaa Yeesu toroma la ne asɔre tena la ne ba nomonome bwa ɛ ba liire kɛŋɔ, baa le ba bini banee, ásɛ dɛ tomɛ ba ne Pɔɔl ne Banabas Anteɔk. Judas baa bera dɛɛ yerɔ Basabas la ne Silasee ba le. Dɛ a ɡɛ nɛra nɔ ɛ asɔre tena la nomonome baa dɛ tɔ ba sie la bane.

We-ɛɛla 15:25

Anomanta, ya chemo ya nyoa pɛ, asɛ ya ŋɔ yaa le nɛraa ásɛ ba ne Banabas ne Pɔɔl ba wa aa too ya tea kohona la ba he be.

We-ɛɛla 19:22

O tomɛ o bonɔɔna banɛ baa dɛ yer ba Timoti ne Erastos la, asɛ ba tɔ o sie kaa Makidoonia harɛ. Kɛ o te soɡe Eesia harɛ ta tama.

We-ɛɛla 19:29

Ate, dɛ ɡbɔɡa tɔ bwɛjen la bwa, asɛ nɛnlaa la aa dɛ do ɡbɔɡa la lawɛ nɛra bane baa dɛ yer ba Gayos ne Aristakus la. Makidoonia harɛ tenaa ban, asɛ ba ne Pɔɔl ɛɛ valɛ. Nɛra la tɛɡ ba la bela ba bwɛɛ tena aa chema dɛɛ bol waa dɛɛ pa bole la.

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

Tɔn Pɔɔl Aa Chwerɛ Rom Tena 5:3

A ɡbo ta laa ya dɔ silɛɛ. Ya sie dɛ lɛ ya wahala yaa dɛ na nɔ ta, dɛkalkɛŋɔ ya jemɔ kɛŋɔ anee dɛɛ ba ɡela ya dɔ bambile.

2 Kɔrent 4:15

He waa Korowii ɛ anɔ bwa. Waraa nɛra Korowii aa na ba sum den na dɛɛ warɛ. Baa kpɔ jam kohonaa tɛ Korowii ásɛ o dɔ jirima.

2 Kɔrent 8:11

Hé swɛɛ siwi dɛ tonɛ warane. Hé swɛɛ siwi dɛ tonɛ ɡɛ haa vɔrɔwa la. Hé tɛ anɔ la haa dɔa.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

2 Kɔrent 8:20

Ya dɛ nyiŋi kɛrɛdɛ ásɛ nomɛlbwa bɛ waane ba dɔ bol dɛ́ le ɡɛ yaa dɛ nyiŋi koŋkɛɛla damanta nɔ ta.

2 Kɔrent 9:2

N jemɔ kɛŋɔ he te dɛ nyin ba chae. Anomanta, n kpɔ heyaa maŋkura n te Makidoonia tena be taeh. N ŋɔ ba be ŋɔ, “Bena ken bwaa yabala baa lɔ Akaya harɛ la swɛɛ siwi dɛɛ nyin nɛra chae.” He siwi aa swɛɛra hɛɛ nyin nɛra chae la, a ɡelɔ ba kɛrɛdɛ ɡee nyin nɛra chae.

2 Kɔrent 9:8

Korowiirii dɛ won tɛ heyaa kwaa a ɡwaa ɡɛ haa dɛ nyin, ásɛ he dɔ kohona saŋ bɛlbwa, dɛ́ won kpɔ dɛɛ ɛ wedɛɛɡa kohona.