2 Kɔrent 8:10 - mzwDBL

¹⁰ Gɛ n te aa naa kɛŋɔ hé den tonɛ waa haa pa a mun bena ken la. Heyaa tɔ sie dɛ baɡle kɛŋɔ he dɛ nyin nɛra chae.

2 Kɔrent 8:10 ပူးပေါင်းရင်းမြစ်များ

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Matiu 10:42

Kasinteŋ, dɛ nomɛlbwa koh n wa, dɛ tɛ n habɔteŋra bechale nɔ bini bɛlbwa nesɔna o nyɔ aa, waa o kembɔr paŋa ba bwa.”

Amanesoma Jɔn Aa Chwera Tɔn 11:50

Nɛmbeŋkpoŋ lɛ nɛra bwa seo dɛ sewaa, a ta bɔ kɛ harɛbir bwa aa paɡra aa?”

Amanesoma Jɔn Aa Chwera Tɔn 16:7

Kasinteŋii mɛɛ bol he be la, a wer tɛ heyaa kɛ ń kaa. Dɛ n ta kaalaa, Habɔchekpaa la aa he bee ba. Kɛ dɛ n baa kaalaa, mɛɛ tomɔɔ ó ba he be.

Amanesoma Jɔn Aa Chwera Tɔn 18:14

A ɡɛ Kaefas nɔɔ fa ŋɔ Juu tena nomonome be ŋɔ nɛmbeŋkpoŋ lɛ nɛra bwa seo sewaa, a bɔ harɛbir bwa aa paɡra.

1 Kɔrent 10:23

Nomɛl te kompɛɛ, “N dɔ ŋwɛnɛ kɛ ń ɛ wobɛlbwa,” kɛ a bwa laa wera tɛ mɛ, a bwa ɡe laa dɛɛ cha mɛ.

1 Kɔrent 16:2

Kwasiara bɛlbwa, hé bini bɛlbwa ɛɛ kpɔ suuɡa, ɡɛ bɛlbwa waa wona dɛ le anɔ la Korowii aa chao o dɔ la ta, dɛ́ kpɔ cheɡ. Hɛ́ɛ ɛ ɡɛ, ásɛ n balaa, he bɛ suuɡa dɛɛ ta kpa.

1 Kɔrent 6:12

Nomɛl te kompɛɛ, “N dɔ ŋwɛnɛ kɛ n ɛ wobɛlbwa.” Kpelaa, kɛ a bwa laa wera tɛ yaa. N fe jemɔ kɛ maa komɛlbwa ki, kɛ maa ɡel komɛlbwa ɡwaa n nɛ.

1 Kɔrent 7:25

Korowii ta men nɛra baa wola yalɛ la waa baɡlɛ, kɛ o dɛ cha mɛ asɛ mɛɛ ɛ o toma kɛrɛdɛ. Anomanta, mɛɛ baɡle ɡɛ maa jemaa.

1 Kɔrent 7:40

A ka n waa aa, dɛ o fe ta yalɛ kpa kwaraa fe wer tɛo ɡwaa kɛŋɔ waa yala. N ɡbaɡba liire te, kɛ Korowii Domadɛɛɡe la soɡe n nɛ.

2 Kɔrent 12:1

A chɛ kɛ n maŋkura n te. N jemɔ kɛ aa wobɛlbwa kwaa te. Mɛɛ baɡle chaahna Korowii aa ɡela n na, ne waa waa pila baɡ mɛ.

2 Kɔrent 8:6

Anomanta, ya ŋɔ Taetos be ŋɔ tondɛɛɡa nɔ soo waa pa a mun la, ó den ba choŋi a ta, ásɛ dɛ cha heyaa he ɛ wedɛɛɡa haa dɛ ɛ kwaa kɛɛ bɔr la ka tonɛ.

2 Kɔrent 8:8

N ta bolɛ dɛɛ bil a ɛ lao kɛŋɔ hɛ́ɛ kɛ. N dɛ nyin n jemɛ kɛŋɔ he nɛnnyin la ɛ nɛnnyin kasinteŋ. A waa n baɡle ɡɛ bane siwi aa swɛɛ kwaa kɛɛ ta la.

2 Kɔrent 9:2

N jemɔ kɛŋɔ he te dɛ nyin ba chae. Anomanta, n kpɔ heyaa maŋkura n te Makidoonia tena be taeh. N ŋɔ ba be ŋɔ, “Bena ken bwaa yabala baa lɔ Akaya harɛ la swɛɛ siwi dɛɛ nyin nɛra chae.” He siwi aa swɛɛra hɛɛ nyin nɛra chae la, a ɡelɔ ba kɛrɛdɛ ɡee nyin nɛra chae.

Felepae 4:17

Kasinteŋ, a ta ɛɛ kɛŋɔ komɛlee mɛɛ nyin he be, kɛ he tɔnɔ haa dɔ dɛ́ le chae haa cha mɛ la binii mɛɛ nyiŋi.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.