2 Kɔrent 7:7 - mzwDBL

⁷ O bala la ɡbo laa larawe ya bwara. O baa baɡle ɡɛ waa baa na heyaa o ɡbabir bambile sɔɔhno he wa. O bolɔ ŋɔ n waa dɛ ɛ heya, dɛ ŋɔ waa n fa aa bola la ɡelɔ he tea bini chɔɡ. O baɡle ɡɛ haa cheɡɛ n habɔɔ dɛ yo dɛɛ tɛ mɛ. Anomanta, name kwaraa n sie lɛ kohona.

2 Kɔrent 7:7 ပူးပေါင်းရင်းမြစ်များ

Yela 141:5

Gel nɛn o wa aa toɡra kah mɛ dɛ́ toɡ mɛ, nyina waa dɛ nyin mɛ wa. Maa duure bɛlbwa nyin wechɔɡ-ɛɛra be, dɛkalkɛ saŋ bɛlbwaa mɛɛ soŋe Korowii ŋɔ ó chɔɡ ba wobɛlbwa.

Yela 30:5

O baah diu waa, aa biɡri dɛ o sɔɔhnɔ, kɛ o nyina waa dɛ nyin nɛn lole saŋ bɛlbwa. Yaa won dɛɛ wi jwaana, kɛ tɔɔ ne pera dɛ silɛɛ ɡboo.

Yela 38:18

N dɛ bol n wechɔɡa, a ɡelɔ mɛɛ ɔmɛ kwara.

Yela 51:1

N Naa Korowii, koh he nyina aa wola jaɡa dɔe la wa, dɛ́ na n sum. Koh he tedoma kohona la wa, dɛ́ fee n wechɔɡa.

Matiu 26:75

asɛ Pita lii ɡɛ Yeesu fa aa ŋɔ o be ŋɔ, “Jabal ne sii dɛ he tɔɔh ŋɔ haa men jemɛ kera atoro bwa” la. Waa lii a ɡɛ waa nɔ la, o le dahara dɛ ka wi lokua ne.

Matiu 5:4

Nɛra baa dɛ wi taraken la, ba na som, dɛkalkɛ Korowii ɛɛ larawe ba bwaraa.

Amanesoma Luk Aa Chwera Tɔn 22:44

O tea bini aa chɔɡa kohona la, o soŋe Korowii siswɛm ne, asɛ bɔwɔb le o nɛɛ dɛ kor dɛɛ lee kɛŋɔ chal ken.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

Tɔn Pɔɔl Aa Chwerɛ Rom Tena 1:12

Ya bwaa dɛɛ ba dɔŋa chae. Gɛ maa yarada Yeesu Kristo la, aa do heyaa ɡbembaa, ásɛ ɡɛ he ɡe aa yaradao la do n ɡe ɡbemba.

1 Kɔrent 5:2

A fe chɛ kɛŋɔ he ɡel he tea bini chɔɡ waa nɔ wa, asɛ hɛɛ maŋkura he te la. Aa were kɛŋɔ ɡɛ nɛn la ta ja he bini kpa!

2 Kɔrent 1:14

Taraken haa jemɛ ya waa tama nɔ, n dɛ lii kɛŋɔ hɛɛ jemɛ ya waa bwaa, ásɛ awola tɔpere ya Dɔɔ Yeesu Kristo aa ba la, he baŋa pa ya waa kɛŋɔ ya baŋa aa pa he waa la.

2 Kɔrent 1:4

On dɛɛ larawe ya bwara ya wenaale bwa ta, ásɛ ya ɡe won che bambisɔɔhna waa tɛ yaa la ta dɛɛ larawe yabala baa lɔ wenaale bɛlbwa soo siwi ta la bwara.

2 Kɔrent 2:9

Maa dɛ nyin kɛŋɔ ń ɛ heyaa dɛ́ na kɛŋɔ hɛɛ no n waa ta wobɛlbwa taa kɛɛ haa no la, a waa n chwerɛ heyaa tɔn la.

2 Kɔrent 5:2

Ya bwadabii nɔ te pe yaa. Ya sie cheɡɛ chiŋ yaa hime, dɛɛ nyin kɛŋɔ Korowii kpɔ ya Korowii doa bwadabii la do yaa,

2 Kɔrent 7:6

Kɛ Korowii aa dɛ larawe tebinichɔɡ te bwara la nomanta, Taetos bala la ɡelɔ ya dɔ bɔlarawa.

2 Kɔrent 7:8

N fa aa chwerɛ heyaa tɔn he tea bini chɔɡ la, a we n nɛ. Kɛ aa berɛ dɛɛ we n nɛ, dɛkalkɛŋɔ he tea bini ta chɔɡɛ la sie.

2 Kɔrent 8:16

Ya dɛ jam Korowii kohona kɛŋɔ waa ɡela Taetos siwi swɛɛ wɛɛ cha heyaa kɛŋɔ ya siwi aa swɛɛ he nɛɛ la.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

Kolosi 2:5

N toole he be, kɛ n liire te lɔ he be. Anomanta, a do n som kɛ he bwa aa pɛa, asɛ dɛ lawɛ yaradae haa dɛ yarada Yeesu Kristo la bini kpoŋe kiŋkiŋ la.

1 Tesalonika 3:6

Kɛ taraken Timoti aa le he be ba la, o ba amanesoma ne kɛŋɔ he dɛ yarada Korowii dɛɛ nyin nɛra ɡe. O ŋɔ ya be ŋɔ he dɛ lii ya waa kɛrɛdɛ tɔpere bɛlbwa, dɛɛ nyin kɛ he na yaa ɡɛ yaa dɛ nyin heyaa dɛ na la.

1 Tesalonika 3:8

Dɛ he lawɛ Korowii waa la kpoŋe kiŋkiŋ naa, dɛ ya dɔ bokpeɡa.

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

Jems 5:17

Korowii keame Elaeja fa ɛ nɛn kɛŋɔ yan. O soŋe Korowii taeh dɛ ŋɔ ó ɡel bwaala nɛɛ, asɛ bwaala ta nɛɛ, hwel che bene atoro korobie anumɛl.

2 Jɔn 1:4

N sie lɛo kohona kɛ maa na he bii la bane kɛ ba teŋɛ kasinteŋ waa la ta ɡɛ ya Mɛɛ waa lɔ nyundua la aa ŋɔa yáa ɛ la.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.