2 Kɔrent 7:15 - mzwDBL

¹⁵ O lii ɡɛ he bwa fa aa dɛ no o waa ne ɡɛ he fa aa dɛ tɛo duure dɛɛ ɛ yalayala la aa, dɛ o nyina waa dɛ nyin heyaa la, dɛ jae a na dɛɛ ja.

2 Kɔrent 7:15 ပူးပေါင်းရင်းမြစ်များ

Mumpar 43:30

Nyina Josef aa dɛ nyin o nime la kohona nomanta, o haŋrɔ kahonɛ, dɛ le bela warane, dɛ ka jo o dea dɛ wi.

1 Koranar 3:26

Belaa haah la o bie aa ɛ onɔ la waa wola sewɛ la tea domɔ o ŋɔ, “Akai, N naa kooro, he bɛ on kpo, he kpɔɔ tɛ n dɔŋ la.” Nɛɛte la ŋɔ, “A wer ɡa, waa won ɛ he kon kɛɛ n kon, bɔne o bini tɛ yaa!”

Ɛsra 10:9

Tɔpera atoro la ne tela la, dɛ baala baa soɡe Juda harɛ ne Bɛnjamen dea harɛ bwa cheme Jerusalam. Asɛ korobie anuanaarɛ tɔpera fifraanɛ ta la, ba ka so Korowii Dea dembaah bela. Dɛ bwaala dɛ nɛ kohona, asɛ ba so o bini dɛɛ chel, dɛkalkɛŋɔ dɛ ba chema la waa hiaoh kohona.

Ɛsra 9:4

Nomɛlbwa waa no waa Korowii Israel tena aa dɛ tomɔ aa bola la baa bar mɛ cheme dɛɛ chel, dɛkalkɛ nɛra baa le bojaŋ harɛfale ta dɛ ba la waa ta kasinteŋ dɔe. Asɛ n so bela dɛɛ di suna ka tel kɛŋɔ jɔmɔr saraha ɛɛ aa tela.

Job Tɔn 21:6

N lii waa aa puu mɛ nɔ naa, dɛ ɔmee laɡ mɛ taeh, n bwara bwa ɛɛ sa.

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Yela 2:11

Hɛ́ɛ ɔmɛ Korowii dɛɛ tomɔ, hé charɛ he liire, dɛ́ ba he te ne harɛ.

Yelsom 5:4

N sɛno ha nɔn lawɛ ɡbera, asɛ n bambile ɛɛ lɔ o wa.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Hosia 13:1

Efrem dea tena fa bol wa aa, Israel deene aa kaa la dɛ ɔmɛ, banee Israel tena ɛɛ duu. Kɛ Efrem dea tena tomɛ voɡ Baal, anomanta, baa serewoo.

Amanesoma Jɔn Aa Chwera Tɔn 16:21

Dɛ lol tea lɔ haah naa, o tea bini dɛ chɔɡ, dɛkalkɛŋɔ o bonyɛɡa saŋ telo. O baa lolɛ tonaa, o dɛ soh o bonyɛɡa la, ásɛ o sie berɛ lɛ kɛŋɔ waa lolɛ bie ba harɛ nɔ ta.

We-ɛɛla 16:29

Belaa nomoa la ŋɔ bá tɛo kandea. Baa ba kandea ne la, o chwao jo Pɔɔl ne Silas be. Dɛ o dɛ ɔmɛ ɔma tenten, asɛ o bwara ɛɛ sa, asɛ o ba ɡuŋi ba sie.

1 Kɔrent 2:3

N fa aa lɔ he be la, n ta kpeɡri dii he nɛ. Ɔmee ne bochela nee n ɛ toma he bini.

2 Kɔrent 2:9

Maa dɛ nyin kɛŋɔ ń ɛ heyaa dɛ́ na kɛŋɔ hɛɛ no n waa ta wobɛlbwa taa kɛɛ haa no la, a waa n chwerɛ heyaa tɔn la.

2 Kɔrent 6:12

Ya laa wola heyaa nyin, heyaa wola yaa nyin. Ya waa toole he bambile ta.

Ɛfesos 6:5

He banɔ la baa do heyaa bonɔɔna kɛɛ toli la, hɛ́ɛ no he dɔɔranar baa lɔ harɛ nɔ ta wa, dɛ́ɛ duu ba, dɛ́ ta tea dɛ́ɛ tom ba kɛŋɔ Yeesu Kristoo hɛɛ tomɛ.

Felepae 1:8

Korowii jemɔ kɛŋɔ he pɛla laɡ mɛ taeh, nɛnnyin Yeesu Kristo aa kpɔa do n bambile ta la nomanta.

Felepae 2:12

Anomanta, n dandɛɛɡa, ɡɛ haa dɛ no n waa dɛɛ teŋɛ a ta ɡɛ saŋ n fa aa lɔ he be la, a hiaoh kohona kɛŋɔ maa wola toole he be nɔ, hé ta kpoŋe ɡɛ. Korowii aa lɛ heyaa nɔ, hé kpɔ duure ne ɔmee dɛ́ɛ teŋɛ toma haa dɛ tomɛ Korowii la ta,

Kolosi 3:12

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

2 Tesalonika 3:14

Dɛ nomɛlbwa ta sɛɛh kɛ wɛɛ teŋɛ ɡɛ yaa ŋɔa tɔn nɔ bini nɔ taa yaa, hé nyiŋu kɛrɛdɛ. He ne o bɛ pɛ dɛɛ ɛ wobɛlbwa, ásɛ sihiih kpoo.

1 Jɔn 3:17

Dɛ nomɛl dɔ harɛ nɔ ta kwaa bwa, dɛ na o dɔŋ waa nyaa, dɛ laa sie kpɔ o nɛ aa, amɔ dɛ o dɛ nyin Korowii aa?