2 Kɔrent 6:8 - mzwDBL

⁸ Bane dɛ pena yaa, bane ɛɛ yoo yaa. Bane dɛ chɛɡre yaa, bane ɛɛ kpɛɛ yaa. Ba dɛ yerɛ yaa nyosonteŋna, kɛ kasinteŋ ɡee yaa bol.

2 Kɔrent 6:8 ပူးပေါင်းရင်းမြစ်များ

Matiu 10:25

Dɛ ba dɛ yerɛ dea nomoa Bɛlsebul waa ɛ sɔnchɔɡe aa, dea bii la te ta pɔeh yaa?

Matiu 22:16

Anomanta, ba tomɛ ba habɔteŋra bane ne Hɛrɔd nɛra bane, ba ba o be dɛ ba ŋɔ, “Nomoa, ya jemɔ kɛŋɔ kasinteŋ ɡboo hɛɛ bol, haa nyosone teŋe. Korowii ŋwɛnɛɛ hɛɛ chaɡle nɛra kasinteŋ ne. He ta bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol wa, kɛŋɔ bɛl ɛ kooro kɛɛ nomoa kɛɛ bechala nɔ.

Matiu 27:63

dɛ ŋɔ o be ŋɔ, “Nomoa, ɡɛ saŋ a ɡɛ nyosonteŋni nɔ aa wola sewɛ mɔɔ la, dɛ o dɛ bol ŋɔ dɛ o sewaa, tɔpera atoro wɛɛ iruu ja.

Amanesoma Mak Aa Chwera Tɔn 12:14

Asɛ ba ba ŋɔ o be ŋɔ, “Nomoa, ya jemɔ kɛŋɔ he dɛ bol kasinteŋ. He ta waa bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol waa kɛŋɔ bɛl ɛ kooro kɛɛ nomoa kɛɛ bechala nɔ. Korowii ŋwɛnɛɛ hɛɛ baɡle nɛra kasinteŋ ne. Webeŋkpoŋii yaa nyin ya jemɛ. Onee kɛŋɔ ya Mmara nɔ dɛ tɛ yaa ŋwɛnɛ kɛŋɔ yá bɔ toɔ dɛ́ɛ tɛ Rom Koojen Siisa la aa, kɛɛ waa yaa ŋwɛnɛ tɛ?”

Amanesoma Jɔn Aa Chwera Tɔn 7:12

Dɛ nɛnlaa la kɛrɛdɛ dɛ ŋwalɛ o wa. Bane ŋɔ, “O ɛ nɛndɛɛɡe.” Bane ɡe ŋɔ, “Akai, nɛra ɡboo wɛɛ neɡre.”

We-ɛɛla 10:22

Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.”

We-ɛɛla 16:39

Anomanta, ba baa do ba jaŋɡbare, dɛ laɡ ba le bela baa do ba dea la, dɛ soŋ ba ŋɔ bá le bwɛɛ la ta.

We-ɛɛla 22:12

Damaskɔs bela la, dɛ baa bɛl lole baa yerɔ Ananias. Dɛ o ɛ nɛn waa dɛ tomɛ Korowii kɛrɛdɛ dɛɛ teŋɛ Mosis Mmara la ɡe ta kɛrɛdɛ, asɛ Juu tena baa lɔ bela la bwa ɛɛ tɛo duure kohona.

We-ɛɛla 24:5

Nɛnchɔɡe bɛlbwa ta baa nɔ tele! O ne bɔpɛo aa somɛ! O toma bwaa kɛ ó valɛ bol waa dɛɛ ir Juu tena bwaawee, ásɛ baa lɛ ɡaeh harɛ bɛlbwa waa la o ta la ta. Nɛra bane baa dɛ teŋɛ Korowii toma ŋwɛnɛfale bɛl waa wola were la ta asɛ baa yer ba Nasarɛt tena la, ba nomoaa on.

We-ɛɛla 28:22

Yaa no he nyoa wobolee, dɛkalkɛŋɔ ya jemɔ kɛŋɔ he ŋwɛnɛfale nɔ haa kpɔ o ta dɛɛ tomɛ Korowii nɔ te, baa o waa nyin bobɛlbwa.”

We-ɛɛla 4:21

Belaa nomonome la kwaa aah ba kohona ɡwaa loɡla la, dɛ ɡel ba. Ba nao kɛŋɔ ba ŋɔ bá ham ba ŋwɛnɛ bɛlbwa ta naa, nɛra la aa ban sɛh,

We-ɛɛla 5:13

Dɛ nɛra baa wola Yeesu waa yarada la dɛ kpɛɛ ba kɛrɛdɛ. Kɛ dɛ ba dɛ ɔmɛ kɛŋɔ bá ba puu ba dɛɛ so Solomɔn Pato ta bela.

We-ɛɛla 6:3

Anomanta, yabala, hé nyiŋi dɛ le he bini nɛra banuanɛ nɛra bwa aa jema kɛŋɔ ba ɛ nɛndɛɛɡa, asɛ ba we-ɛɛla ɛɛ baɡle kɛŋɔ Korowii Domadɛɛɡe la soɡe ba nɛɛ kpeɡri nɛɛ dɛ ɡel ba ɛ wejerema la, ásɛ ya kpɔ suuɡa waa nɔ do ba nɔn ta,

Tɔn Pɔɔl Aa Chwerɛ Rom Tena 3:8

Amɔ yáa ɛ wechɔɡa ásɛ wedɛɛɡa le a ta kɛɛ? Nɛra bane chɔɡ n sɔn, ba haŋɛ n nyoa ŋɔ n dɛ ŋɔ a ɡɛ waa nɔ ɛɛ ta wechɔɡa ɛɛ. Korowii ɛɛ tɛr ba deŋnee, dɛ aŋwɛnɛ ta ɡee.

2 Kɔrent 1:18

N nyoa maa baɡɛ heyaa la, aahna-aahna toole a ta. A ɛ kasinteŋ kɛŋɔ Korowii wa aa ɛ kasinteŋ nyosone aa wola toole a ta la.

2 Kɔrent 11:21

A dɛ ɛɛ mɛ sihiih kɛ n bol waa nɔ. N ta jemɛ kɛ ya berɔ do pwɛre tɛ heyaa to. Ya ta an kɛrɛdɛ ɛɛ. Dɛ nomɛl dɔ wobɛl dɛ won koh a waa maŋkura o te naa, n ɡba ɛɛ wonoo maŋkura n te a ɡɛ waa la ta. Gɛnewaa mɛɛ bol nɔ te.

2 Kɔrent 12:16

He nao kɛŋɔ n ta n te kpɔe dawɛ he nɛɛ kenɛ? Kɛ nomɛl ɡee ŋɔɔ n sie pilo to mɛɛ neɡre heya.

2 Kɔrent 4:2

Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.

1 Tesalonika 2:3

Jae yaa dɛ ja nɛra la, kasinteŋ ŋwɛnɛ taa, neɡra laa yaa neɡre nɛra, wedoŋa ɡe laa ya lii.

1 Timoti 3:7

A chɛ kɛ ó ɛ nɛn nɛra baa wola asɔre tena ɛɛ kwara aa dɛ yerɛ o sɔndɛɛɡe, asɛ o bɛ sihiih waane ba ɛ dɛ́ le Bɔnsam bel ta.

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

Hibru 13:13

Anomanta, hé ɡel ya la o be dahara bela, dɛ́ ka puu di o sihiih waa dia la,

1 Pita 4:14

Dɛ ba koh he teŋa haa teŋɛ Yeesu Kristo nɛɛ la waa dɛɛ chɛɡre heya aa, he na som. A ba ɡɛ naa, a dɛ baɡle kɛŋɔ Korowii Domadɛɛɡe o wa aa dɔ jirima la soɡe he nɛ.

3 Jɔn 1:12

Gasi toole Demetreɔs ɡe nɛ. Nomɛlbwa dɛ bol o waa ɡa. Kasinteŋ la waa dɛ teŋɛ o ta la ɡe dɛ diu danseɛ. Ya ɡba dɛ diu danseɛ ɡɛ. He jemɔ kɛŋɔ yaa nyosone teŋe.

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.