2 Kɔrent 5:17 - mzwDBL

¹⁷ Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

2 Kɔrent 5:17 ပူးပေါင်းရင်းမြစ်များ

Yela 51:10

N Naa Korowii, ɡel n bambile bini to, dɛ́ tɛ mɛ dadɛɛɡe.

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Ɛsekeɛl 11:19

Mɛɛ ɡeloo ba bambile che bobeŋkpoŋ, dɛ́ tɛɛ ba liifala. Mɛɛ laa ba bambikpeɡ waa do kɛŋɔ bwe laanee kpɔ, dɛ́ tɛɛ ba bambile waa pwɛra.

Ɛsekeɛl 18:31

Hé laa he te kpɔ wechɔɡa bɛlbwa ta, dɛ́ dɔ bambidɛɛɡe ne liifala dɛɛ teŋɛ n waa ta. Israel tena, ɛrɛɛ hɛɛ nyin kɛ he serewe nɔɔ?

Ɛsekeɛl 36:26

Mɛɛ tɛ heyaa bambifale ne liifalaa, ásɛ he won dɛɛ teŋɛ n waa ta. Mɛɛ laa he bambile waa do kɛ bwe laanee kpɔ, dɛ́ tɛ heyaa bambile waa pwɛra.

Matiu 12:33

Yeesu berɔ ŋɔ, “Dɛ daa nɔn wer aa, dɛ daa la ɡbabirii wera. Kɛ dɛ he ŋɔ daa nɔn aa weraa, dɛ daa la ɡbabir ɡee wola were. Daa nɔn taa ba che dɛɛ jemɛ o dasoo.

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Amanesoma Luk Aa Chwera Tɔn 5:38

Senfala chɛ loŋfala.

Amanesoma Jɔn Aa Chwera Tɔn 14:20

Tɔpere la telaa, hɛɛ jemɔɔ kɛŋɔ n ne n Mɛɛ ɛ beŋkpoŋ, bɛl aa wola won daɡre o te o dɔŋ nɛ, ásɛ n ne he ɡe ɛ beŋkpoŋ ɡɛ tenten.

Amanesoma Jɔn Aa Chwera Tɔn 15:2

N kpale bɛlbwa waa wola nɔnɛ la, o teŋo dɛɛ ta, kɛ n kpale waa won nɔna la te, o dɛ kuu o nyoo ó won nɔnɛ kɛrɛdɛ.

Amanesoma Jɔn Aa Chwera Tɔn 15:5

Menee ɡrepo daa la, asɛ he ɡee o kpala. Dɛ he bɛlbwa choŋi n nɛɛ kɛrɛdɛ asɛ n ɡe lawɔ pɛl n te naa, anee ó won nɔnɛ kɛrɛdɛ. Dɛ he ta n nɛɛ cheɡɛ te naa, haa won ɛ wobɛlbwa.

Amanesoma Jɔn Aa Chwera Tɔn 17:23

N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.

Amanesoma Jɔn Aa Chwera Tɔn 3:3

Belaa Yeesu chaŋo ŋɔ, “Kasinteŋ, n dɛ ŋɔ he be, nomɛlbwa waa dɛ nyin Korowii Kora la ta dɛ́ ja la, nemenɛ bá berɛ lolɔ ja.”

Amanesoma Jɔn Aa Chwera Tɔn 3:5

Asɛ Yeesu ŋɔ, “Kasinteŋ, n dɛ ŋɔ he be, dɛ ba ta nomɛlbwa lolɛ nee ne Korowii Domadɛɛɡe ne naa, waa Korowii Kora ta jae ba.

Tɔn Pɔɔl Aa Chwerɛ Rom Tena 16:10

N dɛ na Apeles wekpeɡa aa puu o ta che kiŋkiŋ Yeesu Kristo waa nɔ ta la. N dɛ na Aristobulus dem tena bwa.

Tɔn Pɔɔl Aa Chwerɛ Rom Tena 16:11

N dɛ na n bwɛɛ te Herodion. N dɛ na Nasesos dem tena la baa ɛ asɔre tena la bwa.

Tɔn Pɔɔl Aa Chwerɛ Rom Tena 16:3

N dɛ na Presela ne Akwela n ne ba bwa aa dɛ ɛ Yeesu Kristo toma nɔ la.

Tɔn Pɔɔl Aa Chwerɛ Rom Tena 16:7

Hé ŋɔ n bwɛɛ tena Andronikus ne Junias ba fa aa do n ne ba dea ka la be ŋɔ n dɛ na ba. Ba ɛ nɛra bane ba sɔn aa lea Yeesu toroma bini. Ba tɔ sie ɛ asɔre tena n nɛ.

Tɔn Pɔɔl Aa Chwerɛ Rom Tena 16:9

N dɛ na Ɔrbanus ya ne o bwa aa dɛ ɛ Yeesu Kristo toma nɔ la, ne n chamenate Stakes.

Tɔn Pɔɔl Aa Chwerɛ Rom Tena 7:6

Taraken te ya fooro, Mmara la ta yaa dɔe kpa, dɛkalkɛŋɔ ya ne a ɡɛ Mmara nɔ o fa aa kpɔ yaa berɛ yoma la toole wobɛlbwa bini kpa. Ya ɛo kɛ yaa serewa. Yaa Mmara ŋwɛnɛ ta kpɔe dɛɛ tomɛ Korowii kpa. Korowii Domadɛɛɡe laanee dɛɛ baɡle yaa ŋwɛnɛfale yaa tomɛ Korowii taraken.

Tɔn Pɔɔl Aa Chwerɛ Rom Tena 8:1

Taraken nɔ nɛra ba ne Yeesu Kristo aa pɛa la te aa bolchɔɡe dii ba ba tɛr ba deŋne.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

1 Kɔrent 13:11

Gɛ saŋ n fa aa ɛ bechala la, dɛ n dɛ bol bechawobol, dɛɛ ɛ bechawa, dɛɛ lii bechaliire. Kɛ maa baa kpeɡ dɛ ɛ nomoa la, n ɡel n bechawaa la bwa.

2 Kɔrent 12:2

N jemɛ asɔre te baa bɛl. Dɛ ɛ bene fi dɛ anaarɛɛ nɔ Korowii aa keeru kaa o be nyundujaɡla. Dɛ o nɛndaa ɡbabirii kaa nyundua oo, dɛ o lileo ɡboo kaa bela oo, maa jemɛ. Korowii ɡboo jema.

2 Kɔrent 5:16

Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.

2 Kɔrent 5:19

Korowii cheɡɛ Yeesu Kristo nɛɛ dɛ kwaa o ne nɛwɛnyina baah, dɛ laɡ ba dɛɛ pɛl o te, waa wola ba wechɔɡa nyiŋi. Yanee o kpɔ o waa tɛ ŋɔ yá baɡle ɡɛ waa kwaa o ne ba baah, dɛ́ laɡ ba ásɛ o ne ba pɛ.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Galaasia 3:28

Anomanta, peɡra bɛlbwa toole he baah kpa. Juu tena oo, nɛra baa wola Juu tena ɛɛ yoo, yoma oo, deheɛre oo, haahna oo, baala oo, he bwa ɛ beŋkpoŋ Yeesu Kristo be pera.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Galaasia 6:15

Penteŋa ne o bɛ teŋa te ta hiaih kwaraa. Waa aa hiah laanee kɛ Korowii aa charɛ ya liire ya ɛ nɛnfala.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Ɛfesos 2:15

O ɡbaɡba bwadabii o kpɔ ɛ ɡɛ dɛ sewɛ dɛ laa Mosis Mmara la laa kpɔ ya nɛ, ásɛ banɔ la baa dɛ teŋɛ a ta la bɛ ba te pere le banɔ la baa wola a ta teŋɛ la nɛ. Onee wona kpɔ ya bwa pɛ, dɛ beɡre yaa ya ɛ nɛmbeŋkpoŋ, dɛkalkɛŋɔ ya bwa ne onee pɛa. Gɛɛ o ɛ dɛ ɡel ya dɔ nyopɛo.

Felepae 4:21

Too, he banɔ la bwa he ne Yeesu Kristo aa pɛa he ɛ Korowii nɛra he waa toɡre la, n dɛ na heya. He bala baa lɔ n be bonɔ la dɛ na heya.