2 Kɔrent 5:15 - mzwDBL

¹⁵ O sewɔ tɛ nɛra bwa. Anomanta, nɛra baa soɡe le la ta chɛ kɛ ba so ba ɡbaɡba soɡa kpa. Bá so tɛ naate waa sewa tɛɛ ba asɛ Korowii iru seo ta la.

2 Kɔrent 5:15 ပူးပေါင်းရင်းမြစ်များ

2 Koranar 5:17

Ate, Naaman ŋɔ, “Dɛ haa komɛlbwaa lɛ tenaa, amɔ tɛ men he bonɔɔ ŋwɛnɛ n ɛ bonɔ teera keeɡore anɛ aa dɛ ba wona che kaa dem. Maa kwaa kpoo fuh ɛ saraha tɛ voɡ bɛlbwa kpa atane Korowii ɡbo.

Ɛsekeɛl 16:6

Belaa n teŋe baa kaa dɛ nae kɛ haa chɔ chal ta dɛɛ ta nakpale. He taa chɔ chal ta bela la, n ŋɔ he be ŋɔ, dɔ́ he nyu dɛ́ so.

Ɛsekeɛl 37:14

Mɛɛ kpɔ n Domaa ba so he nɛɛ hé dɔ mkpa, ásɛ n kpɔ heyaa kaa he ɡbaɡba harɛ ta ka so. Ásɛ he jemɛ kɛŋɔ men Korowii, waa maa bola la, n ɛa. Men Korowiirii bola.’ ”

Ɛsekeɛl 37:9

Belaa Korowii ŋɔ n be ŋɔ, “Nɛwɛnyini bie, yerɛ peu dɛ́ bol waa aa dɛ ba bala, dɛ́ ŋɔ men Nemenɛ Korowii ŋɔ, ‘Peu, le bobɛlbwa dɛ́ ba jo nɛra baa kpoo ba bil nɔ bini, ásɛ ba dɔ hweera dɛ́ dɔ mkpa.’ ”

Habakuk 2:4

Wepila laanee nɔ, Babelɔn tena baa ɛ nyubinikpeɡ tena aa ba nyuu dɔ, kɛ naate o waa aa toɡra dɛɛ su Korowii siwi la, wɛɛ yaradao dɛ́ dɔ o nyu.

Sekaria 10:9

A lole kɛ n lɔ ba peɡre harɛre nɛra bini, kɛ báa ba lii n waa bojaŋ harɛre taa. Ba ne ba bii ɛɛ dɔ ba nyuu, ásɛ dɛ bwa berɛ ba dem.

Amanesoma Luk Aa Chwera Tɔn 1:74

kɛŋɔ wɛɛ lɛ yaa le ya dɔma nɔn taa ásɛ ya tomɔ yaa wola ɔmɛ,

Amanesoma Jɔn Aa Chwera Tɔn 5:24

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.

Amanesoma Jɔn Aa Chwera Tɔn 6:57

N Mɛɛ waa tom mɛ laanee mkpa dɔɔ la, anomanta, o ɡelɔ n ɡe dɔ mkpa. Gɛɛ nomɛlbwa waa di n bo-ol la, mɛɛ ba ɡela o dɔ mkpa.

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Tɔn Pɔɔl Aa Chwerɛ Rom Tena 4:25

Ya wechɔɡa waa Korowii leo ŋɔ ó ba sewɛ, asɛ Korowii berɛ iru seo ta, ásɛ a che o nɛɛ Korowii lɛ yaa kɛ nɛndɛɛɡa ya waa su o siwi.

Tɔn Pɔɔl Aa Chwerɛ Rom Tena 6:2

Akai! Gɛ nɛn sewaa, waa wola toole wobɛlbwa bini kpa la, ɡɛɛ ya ne wechɔɡa baah do. Aah dɛ ya ne wechɔɡa aa wola toole wobɛlbwa bini nɔ, ŋwɛnɛ besoo taa yaa ba wona dɛɛ ɛ wechɔɡa jaɔ?

Tɔn Pɔɔl Aa Chwerɛ Rom Tena 6:6

Ya jemɔ kɛŋɔ ya dobene la ne Yeesuu ba pɛ saɡɛ o daɡaɡre ta. Ya dobene la ne o wechɔɡa bwaa ba kpo, ásɛ o bɛ won di kpeɡri ya nɛɛ kpa, ásɛ wechɔɡa bɛ won yawɛ yaa yoma kpa.

Tɔn Pɔɔl Aa Chwerɛ Rom Tena 8:10

Dɛ Yeesu Kristo Domadɛɛɡe la lɔ he nɛ aa, wechɔɡa nomanta, he bwadabii ɛɛ sewɔɔ te. Kɛ Korowii aa lɛ heyaa kɛ nɛndɛɛɡa he waa su o siwi nomanta, he lileore ɛɛ dɔ mkpaa.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

Tɔn Pɔɔl Aa Chwerɛ Rom Tena 8:6

He kpɔ liire do nɛwɛnyini mar nɔ liichɔɡa waa ta naa, he ne sewee. Kɛ he kpɔ liire do Korowii Domadɛɛɡe tetoowaa ta naa, he dɔ mkpa dɛ dɔ deŋnesɔɔhna.

1 Kɔrent 10:33

Gɛɛ mɛɛ ɛ, ásɛ n waa lɛ nomɛlbwa sie. N ɡbo waa laa hiah mɛ. Nomɛlbwa ɡe waa hiah mɛ, ɡɛ maa ɛ dɛ́ won dɔɔ ba tɛ Korowii ó lɛɛ ba.

2 Kɔrent 12:10

N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.

2 Kɔrent 3:6

Korowii ɡelɔ ya won dɛɛ ɛ o fɔofale la toma. A ɡɛ fɔofale nɔ ta mmara baa chwera waa ɛɛ, Korowii Domadɛɛɡe waa. Mmara baa chwera la dɛ ba seo ne, kɛ Korowii Domadɛɛɡe la te dɛ ba mkpa ne.

2 Kɔrent 5:16

Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.

Galaasia 5:25

Taraken nɔ, ya jemɔ kɛŋɔ Korowii Domadɛɛɡe laanee tɛ yaa mkpa, anomanta, a chɛ kɛ ya kpɔ ya te tɛo, dɛ́ ɡel wɛɛ baɡle yaa ŋwɛnɛ ya soɡa bini.

Ɛfesos 4:17

N siswɛm waa n che n Dɔɔ Yeesu sɔn ta dɛɛ bol he be la. He bɛ banɔ la baa wola Korowii tomɛ la nɛɛ teŋɛ kpa. Wepuu baa lii dɛɛ teŋɛ a ta la.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Kolosi 2:12

Korowii nee ba fa aa sɔ heyaa la, anee baɡla kɛ he ne Yeesu Kristo bwaa ba pɛ huɡe. Asɛ a berɛ che yarada haa dɛ yarada Korowii ne kpeɡri waa kpɔa ir Yeesu seo ta la ta, he ne o bwa pɛ ir dɛ dɔ mkpa.

Kolosi 3:1

Dɛ he ne Yeesu Kristo bwaa pɛa ir seo ta te naa, amɔ te hé swɛɛ siwi dɛ́ ɡel he bambile che kwaa aa lɔ nyundua la ta. Belaa Yeesu do dɛ so nomombɔr Korowii diɡ ta.

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

Kolosi 3:23

Wobɛlbwa haa dɛɛ ɛ la, hɛ́ɛ ɛa bambile bwa ne kɛŋɔ he Dɔɔ Yeesu Kristoo he ɛ dɛɛ tɛ. Nɛn laa he ɛ dɛɛ tɛ.

1 Tesalonika 5:10

Onee sewa tɛ yaa, ásɛ awola o balaa, dɛ ya soɡe mkpa ta noo, sewaa ya sewɛ oo, yá ne Korowii won pɛ.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

1 Pita 4:6

Nɛra baa serewa la, ba bol Amanesoma nɔ baɡle ba ɡe, dɛkalkɛŋɔ Korowii ɛɛ bol ba ɡe waa dɛ́ pa bole ɡɛ waa dɛ ba weera ɛɛ la. Waa ba fa aa dɛ ɛ ɡɛ saŋ baa wola sewɛ mɔɔ la, anee wɛɛ ba nyiŋa dɛ́ pa ba bole. Korowii dɛ nyin kɛ ba dɔ mkpa ɡɛ waa dɔ mkpa la, a waa o ɡel Yeesu bol Amanesoma la chaɡ ba la.

1 Jɔn 4:9

Kenii o baɡle o nyina waa dɛ nyin yaa. O ɡelɔ o bibeŋkpoŋ la ba harɛ nɔ ta, ásɛ ya che o nɛɛ dɛ́ dɔ mkpa.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.