2 Kɔrent 5:13 - mzwDBL

¹³ Dɛ ya nyu toole naa, Korowii waa a ba ɡɛ. Ya sie chɔ harɛ ɡe aa, he wesomee a ba ɡɛ.

2 Kɔrent 5:13 ပူးပေါင်းရင်းမြစ်များ

Jeremia 29:26

“Korowii lee sɔfo he ba chiɡ Jehoiada naa ta, dɛɛ nyiŋi o Dea la ta. Henee chɛ kɛ he nyiŋi dɛ́ lawɛ nomɛlbwa waa dɛ we choɡla, dɛɛ ɛ o te kɛ Korowii keamee on la, dɛ́ doo bune jɔɡrɔre ne bune kwaa o baŋa ta.

Amanesoma Mak Aa Chwera Tɔn 3:21

Belaa Yeesu nɛra aa noa la, ba ba kpɔɔ le ba baah, dɛkalkɛ nɛra dɛ bol ŋɔ o dɛ we choɡla.

Tɔn Pɔɔl Aa Chwerɛ Rom Tena 12:3

N cheɡɛ suna Korowii aa sune n nɛɛ dɛ kpɔ o toma do n nɔn ta nɔ ta, dɛɛ ja heyaa kɛ ɡɛ bɛlbwa haa doa la, ɡel ba nae ɡɛ. Bɛ́lbwa pwɛr o te, dɛ́ won jemɛ waa Korowii aa tɛo yarada ŋɔ ó kpɔ ɛ.

2 Kɔrent 11:1

N dɛ nyin he lawɛ bambile dɛ́ no n ɡɛnewaa nɔ tama. Soŋaa mɛɛ soŋe heya.

2 Kɔrent 12:11

N bol waa kɛ ɡɛne, kɛ heyaa ɡela n ɛ ɡɛ. Heyaa chɛ kɛ hé fe ɛɛ tɛ mɛ sɔn. A lole kɛ n waa aa bobɛlbwa tel te, kɛ nɛra baa dɛ maŋkura ba te ɡwaa Yeesu Kristo toroma la, ba bɛlbwa ta men ɡwaalɛ wobɛlbwa ta.

2 Kɔrent 12:6

Dɛ n ŋɔ ń kpɔ n ɡbaɡba we-ɛɛla maŋkura n te kwaraa naa, ɡɛnewaa laa te, dɛkalkɛŋɔ a ɛ kasinteŋ. Menee ɡɛ nɛn la, kɛ maa nyin n kpɔ ɡɛ waa la maŋkura n te. Dɛ n waa maa dɛ ɛ nɛra ɛɛ na, ne anɔ la baa dɛ no ta laa aa, maa nyin kɛ nɛra kpɛɛ mɛ wobɛlbwa ta.

2 Kɔrent 7:12

Maa chwerɛ heyaa tɔn la la, a ta ɛɛ kɛ naate waa ɛ o dɔŋ wechɔɡa, kɛɛ naate o dɔŋ aa ɛo wechɔɡa waa n chwerɔ. Korowii ɡba nao kɛ n chwerɔ ásɛ he won jemɛ ɡɛ haa dɛ nyin yaa.

Kolosi 1:24

Taraken a do n som kɛ maa lɛ he wahala dɛɛ na. Wahala lole ń che Yeesu Kristo naa ta dɛ́ na tɛ asɔre tena baa ɛ o bwadabii la. Anomanta, a do n som kɛ maa dɛ ba wona na wahala aa kaa la ane, ásɛ a won tonɛ.

1 Tesalonika 1:5

dɛkalkɛŋɔ Amanesoma la yaa baɡle heyaa la, wobol ɡbo ta laa a che dɛ ba he be. Awola haa no waa la, Korowii kpeɡri la ne o Domadɛɛɡe la ɡelɔ he jemɛ kɛŋɔ a ɛ kpela. He jemɛ ɡɛ yaa koh he waa dɛ kpoŋe ya te ɡɛ saŋ ya ne haa soɡa la.

2 Timoti 2:10

Anomanta, n koh nɛra Korowii aa lee ba la waa dɛ lawɛ bambile wobɛlbwa ta, ásɛ Yeesu Kristo lɛ ba ɡe, dɛ berɛ tɛɛ ba jirima aa wola jaɡa dɔe bwa.