2 Kɔrent 5:11 - mzwDBL

¹¹ Yaa jemɛ ɡɛ Korowii aa do ɔma la waa ya bol waa dɛɛ baɡle nɛra ásɛ ba jemɛ kasinteŋ la. Korowii jemɛ ya bambile bini bwa. N dɛ lii kɛŋɔ he ɡe jemɛ ya nɛnsoore he bambile bini.

2 Kɔrent 5:11 ပူးပေါင်းရင်းမြစ်များ

Mumpar 35:5

Jekɔb ne o bii aa dɛ ba bela ira la, Korowii ɡelɔ ɔmee kohona chole nɛra baa lɔ bwɛɛre aa bɛne bela tena bwa nɛ ba ta wone ti ba dɛ ɛɛ ba wobɛlbwa.

Job Tɔn 18:11

Kwaa aa dɛ aah ba ɛɛ bar baa cheme, dɛ ti ba dɛɛ di ba nafeena.

Job Tɔn 31:23

N ɔmɛ waa Korowii aa ɡel a ba n nɛ, n ɔmɛ o kan waa doa, n ta wone ɛ ɡɛ waa la.

Job Tɔn 6:4

Korowii Waa Ɛ Kpeɡri Bwa Dɔɔ la ta mɛ hɛma, asɛ tɛɛɡa aa lɔ a ta la jooɡe n bini. Korowii kpɔ wenaale aa do ɔma teŋɛ dɔŋa nɛɛ ta n nɛ.

Yela 73:19

Ba chɔɡɔ buɡ la ta, dɛ sewɛ seo wɔb.

Yela 76:7

N Naa Korowii, he ɡbosoo nɛra bwa ɛɛ ɔmɛ, he baah diu waa, nomɛlbwa aa won che he sie.

Yela 90:11

Umee nyɔ he bandia danana nee kaɔ? Umee jemɛ ɔmee aa lɔ he bandia kohona ta nɔ?

Aesaya 19:16

Awola tɔpere, Ijipt tena ɛɛ ɛo kɛŋɔ haahna ken. Baa ɔmɔɔ ba bwara chel Koranar Bwa Kooro nɔn waa ɡɔɔra dɛ́ kpɔ tɛr ba deŋne la wa.

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Matiu 25:46

Banɔ te ɛɛ kaa weweele aa wola jaɡa dɔe bwa la taa, ásɛ wedɛɡ-ɛɛra la te dɔ Korowii mkpa aa wola jaɡa dɔe bwa la.”

Amanesoma Luk Aa Chwera Tɔn 12:5

Kɛ mɛɛ baɡle heyaa naate aa chɛ kɛŋɔ hɛ́ɛ ɔmɛɛ. Hɛ́ɛ ɔmɛ Korowii waa dɔ kpeɡri dɛ́ won kpo heya, dɛ́ berɛ won kpɔ heyaa kaa Bɔnsam nii ta la. Onee chɛ kɛŋɔ hé ɔmɛ.

Amanesoma Luk Aa Chwera Tɔn 16:31

Anee Abraham ŋɔ, ‘Dɛ baa tɔne Mosis ne Korowii keamere la aa chwera la waa no aa, nomɛl iro le seo ta dɛ la ba be kwara noo, baa no.’ ”

We-ɛɛla 13:43

Nɛra la aa le cheremibɔr bela la, Juu tena ne nɛra baa wola Juu tena ɛɛ dɛ baa ja Juu tena nɛɛ dɛɛ tomɛ Korowii ɡɛ Juu tena aa dɛ tomɔ la teŋɛ Pɔɔl ne Banabas nɛɛ pirim. Yeesu toroma la bol waa baɡ ba, dɛ ja ba ŋɔ báa teŋɛ Korowii ŋwɛnɛ ta ásɛ wɛɛ cha ba.

We-ɛɛla 18:13

Baa la o ne la, ba kaa ŋɔ, “Baa nɔ jo ya kii nɛ. O dɛ baɡle nɛra ŋɔ báa tomɛ Korowii ŋwɛnɛ bɛl ta aa wola were.”

We-ɛɛla 18:4

Dɛ o dɛ la ba cheremi dea Ona Tɔpere bɛlbwa dɛ kaa bol wa, asɛ o ne Grik tena ne Juu tena bwa yon dɛɛ nyiŋi Korowii waa bini. Dɛ o dɛ tɔŋ ba, ásɛ ba fe teŋɛ o kon ta.

We-ɛɛla 19:26

Kɛ taraken, he ɡbabir na waa Pɔɔl nɔ aa dɛ ɛ, dɛ no waa waa dɛ bol. Ɛfesos bonɔ ɡbo laa wɛɛ ɛ o waa nɔ. Eesia harɛ kɛrɛdɛ bwaa wɛɛ ɛa. O wono berɛ nɛndamanta bwa liire baa teŋɛ waa waa dɛ baɡle la ta. O waa waa dɛ bol laanee kɛ voɡa nɛwɛnyini ɡbaɡba aa kpɔ nɔn dɛɛ ɛa la ta kasinteŋ dɔe.

We-ɛɛla 26:26

N Naa kooro Aɡrepa te jemɛ waa maa dɛ bol nɔ bwa. A waa maa wola waa bola o sie ɔmɛ la. N jemɔ kɛŋɔ a bɛlbwa ta o habɔɔ leɛ, dɛkalkɛŋɔ a bɛlbwa ta waa baa sɔah ɛ ɛɛ.

We-ɛɛla 28:23

Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la.

2 Kɔrent 2:17

Nɛra kɛrɛdɛ kpɔ Korowii waa la berɛ bona dii dɛ yoɡ dɛɛ di. Ba laa yan. Korowiirii tɛ yaa waa nɔ ŋɔ yáa bola, ásɛ yaa bola o siwi ta bambile bwa ne, pɛɛ ya ne Yeesu Kristo aa pɛa la nomanta.

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Galaasia 1:10

Maa ŋɔ ken nɔ, dɛ nɛwɛnyini bee mɛɛ nyin sɔn kɛɛ Korowii be nɔ? Maa sɔn nyin nɛwɛnyini be, Korowii bee mɛɛ nyin sɔn. Dɛ nɛwɛnyini bee mɛɛ nyin sɔn te naa, n fe ta Yeesu Kristo bonɔɔ ɛɛ.

Ɛfesos 5:21

Hé bwa ɛɛ no dɔŋa be ɔma haa dɛ ɔmɛ Yeesu Kristo la nomanta.

Hibru 10:31

Wobɛlbwa toole dɛ do ɔma, kɛŋɔ haa ɛ wechɔɡ-ɛɛ dɛ jo Korowii waa lole saŋ bɛlbwa la nɔn ta.

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

Tɔn Jud Aa Chwera 1:23

Hɛ́ɛ lɛ nɛra baa dɛ ba wechɔɡa ta joe kɛŋɔ baa dɛ to kon dɛ́ le nii ta la. Hɛ́ɛ sune bane ɡe nɛɛ dɛ́ɛ cha ba, kɛ hɛ́ɛ nyiŋi kɛrɛdɛ ásɛ ba wechɔɡa bɛ heyaa ba bu.

Wepila 20:15

Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.