2 Kɔrent 4:7 - mzwDBL

⁷ Waa nɔ bwa yaa jema nɔ do kɛŋɔ baa kpɔ kondɛɛɡa do viine bini la. Yanee viine la. Yaa kpeɡe, kɛ Korowii kpɔ o toma tɛ yaa asɛ yaa ɛ. O ɛ ɡɛ dɛ́ won baɡle kɛŋɔ kpeɡri aa ɡwaa kpeɡri bwa la le o be. Ya be laa a le.

2 Kɔrent 4:7 ပူးပေါင်းရင်းမြစ်များ

Job Tɔn 10:9

Lii kɛŋɔ choh nee he ma mɛ, hɛɛ berɔ chɔɡ mɛ ń berɛ teera aa?

Job Tɔn 33:6

N deno do kɛ hen Korowii sie, teeraa ba kpɔ ma n ɡe.

Job Tɔn 4:19

he dɛ lii kɛŋɔ wɛɛ dɔ hwɛɡa nɛn waa kpɔ teera mao nɛɛ ya? Wɛɛ won sewɛ warane kɛŋɔ baa dɛ kpo konɡaahle la!

Wiile 4:2

Na ɡɛ bwɛjen Saayɔn bonɔɔna ba fa aa do kɛŋɔ suuɡaswɛm a yoɡ aa kpeɡa aa doa, kɛ taraken, ba berɔ do kɛŋɔ vii baa kpɔ choh mao ken.

Matiu 13:44

Yeesu berɔ ŋɔ, “Korowii Kora la waa ane ɡee la ja. A do kɛŋɔ baa bɛl aa kaa kpaah kondɔɔh kwaane baa kpɔa sɔh harɛ bɛl ta. Asɛ o ɡe berɛ kwaa sɔh dɛ kpɔ kwaa la silɛɛ, dɛ ka yoɡ komɛlbwa waa dɔa, dɛ kpɔ suuɡa la ka yawɛ a ɡɛ harɛ la.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

1 Kɔrent 1:28

dɛ kpɔ waa nɛra aa haah, ne anɔ la baa dɛ liira wepuu, ne anɔ la baa wola a waa jemɛ ŋɔ á ba chɔɡ anɔ la nɛra aa dɛ maŋkuraa la,

2 Kɔrent 10:10

Bane ɛɛ ŋɔɔ, “Pɔɔl tɔne nyoa kpeɡri to. Kɛ he na o ɡbaɡba aa, waa kpeɡe. O wobol ɡba ta wale dɔe.”

2 Kɔrent 13:4

Ba fa aa kpaaro pɛl daɡaɡre ta o sewɛ la, a baɡlɔ kɛŋɔ o ɡwɛɡrɔ, kɛ Korowii kpeɡri nomanta, o iro. Ya ne o bwa fa pɛo ɡwɛɡre. Kɛ taraken, ya cheɡɛ Korowii kpeɡri ta dɛ dɔ mkpa, asɛ ya won do he be o kpeɡri la ta.

2 Kɔrent 4:1

Korowiirii sune ya nɛɛ dɛ tɛ yaa toma nɔ, anomanta, ya bwara aa yaa hwah.

2 Kɔrent 5:1

Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.

Ɛfesos 2:5

o ir yaa seo la ya wechɔɡa nomanta yaa sewa la ta, dɛ berɛ koh pɛɛ ya ne Yeesu Kristo aa pɛa la waa dɛ tɛ yaa mkpafale. Korowii suna waa sune he nɛɛ la taa a che dɛ lɛ heya.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.

Kolosi 2:12

Korowii nee ba fa aa sɔ heyaa la, anee baɡla kɛ he ne Yeesu Kristo bwaa ba pɛ huɡe. Asɛ a berɛ che yarada haa dɛ yarada Korowii ne kpeɡri waa kpɔa ir Yeesu seo ta la ta, he ne o bwa pɛ ir dɛ dɔ mkpa.

Kolosi 2:3

Korowii wejema aa wola jaɡa dɔe la bwa lɔ Yeesu Kristo be. O nɛɛ ya che dɛ dɔ ɡɛ wejema nɔ.

1 Tesalonika 1:5

dɛkalkɛŋɔ Amanesoma la yaa baɡle heyaa la, wobol ɡbo ta laa a che dɛ ba he be. Awola haa no waa la, Korowii kpeɡri la ne o Domadɛɛɡe la ɡelɔ he jemɛ kɛŋɔ a ɛ kpela. He jemɛ ɡɛ yaa koh he waa dɛ kpoŋe ya te ɡɛ saŋ ya ne haa soɡa la.

1 Tesalonika 4:4

Báa bɛlbwa nyiŋi kɛrɛdɛ kɛ wɛɛ mo haahnee ŋwɛnɛdɛɛɡe ta.

2 Timoti 2:20

Dem waa kana la, konsiwi beŋkpoŋ ɡbo laa lɔ o ta. Suuɡaswɛm ne suuɡapoŋa kwaa lɔ o ta. Ane lole, daa nee ba sɛah, dɛ kpɔ choh ma ane ɡe. Ane lole, wejena ta ɡboo baa le a ne, asɛ ane ɡe ba kpɔa dɛɛ ɛ wesale bɛlbwa.

Sitɔɔla 7:2

Korowii ŋɔ Gedeɔn be ŋɔ, “He laa tena la warɔ ɡwaa ɡɛ maa dɛ nyin kɛ ń kpɔ Midian tena do ba nɔn ta bá pɔ ba nɛɛ la. Gɛ aa ɛ Israel tena bɛ ba lii kɛŋɔ ba ɡbaɡba kpeɡrii lɛɛ ba kɛ n ta wobɛlbwa ɛɛ la,