2 Kɔrent 3:7 - mzwDBL

⁷ Bwe taa Korowii faa chwerɛ Mosis Mmara la dawɛ. Bela Korowii aa kpɔ Mmara la tɛ Mosis la, Korowii jirima ba bela, bela bwa chaah, dɛ chaah Mosis nɛɛ o siebɔr ɛɛ nyɛɡle. Mosis aa la Israel tena be la, dɛ nyɛɡla o siebɔr aa dɛ nyɛɡle la nyoa sɔɔhnɔ tonɛ. Kɛ Israel tena aa nao la, ba ŋɔ o siebɔr dɛ nyɛɡle kohona to, ba ta wone nyiŋu. Mosis Mmara kwara waa dɛ la nɛn ne seo ta la wono ba jirima nɔ dɔŋ ne naa,

2 Kɔrent 3:7 ပူးပေါင်းရင်းမြစ်များ

Mumpar 3:21

Korowii kpɔ ola tɔne tɛɛ ba ba kpɔ tɔ ba bwara.

Nehemia 9:13

He le nyundua ba Sinai Bwejen ta, dɛ ba bol waa baɡle he nɛra, dɛ kpɔ waa aa wera ne webaɡla aa toɡra baɡ ba.

Yela 119:174

N Naa Korowii, n sie dawɛ he nɛɛ kɛ he lɛɛ mɛ, he Mmarare laanee dɛɛ tɛ mɛ silɛɛ.

Yela 119:97

N Naa Korowii, n dɛ nyin he Mmarare la kɛrɛdɛ, tɔpere bɛlbwaa mɛɛ lii a wa.

Kaala 24:12

Asɛ Korowii ŋɔ Mosis be ŋɔ, “Teeh ba bwe nɔ doa, dɛ́ ba soŋni n be bonɔ. Mɛɛ tɛɛ bwepɛle maa chwerɛ me Mmarare haa dɛɛ teŋɛ a ta, ásɛ nɛra la ka hweli dɛ́ jemɛ waa maa do ba a ta.”

Kaala 31:18

Korowii aa bol waa chaɡle Mosis Sinai Bwejen ta tonɛ la, o kpɔ bwepɛle anɛ o ɡbabir aa kpɔ o nɔn ɛ o Mmarare dawɛ a ta la tɛo.

Kaala 32:19

Belaa Mosis suuh tel bela baa soɡa la, asɛ dɛ na nabale la ne sae baa dɛ sa la, asɛ o baah di ba nɛɛ kohona. Anee o kpɔ bwepɛle anɛ la viɡri bwe la lɔɡa a bwa peɡri wɛjɛwɛjɛ ken.

Kaala 34:1

Korowii ŋɔ Mosis be ŋɔ, “Sɛh bwepɛle anɛ dɛ́ ɡel a do kɛŋɔ loɡla kwaa la, ásɛ n chwerɛ kwaa n fa aa chwera dawɛ anɔ la haa peɡra la dɔŋa dawɛ a ta.

We-ɛɛla 6:15

Nomonome la ne nɛra baa lɔ bela la bwa kpɔ sie pa Steeven nɛ. Dɛ o siebɔr dɛ nyɛɡle al-al kɛŋɔ nyundua torome siebɔr ken.

Tɔn Pɔɔl Aa Chwerɛ Rom Tena 10:4

Yeesu Kristo bala la teŋe Mosis Mmara ta teŋa ta kɛŋɔ a taa nɛn che Korowii lɛo kɛ nɛndɛɛɡe o waa su o siwi la. Taraken nomɛlbwa waa yarada Yeesu Kristo waa la, Korowii ɛɛ lɛo kɛ nɛndɛɛɡee ásɛ o waa su o siwi.

Tɔn Pɔɔl Aa Chwerɛ Rom Tena 4:15

Mmara laanee dɛɛ ba Korowii bandia ne nɛra nɛ. On lole nɛra ɡee konu waa Korowii baah ɛɛ di nɛra nɛ. Dɛ Mmara fe toole naa, nɛra fe aa on koni.

Tɔn Pɔɔl Aa Chwerɛ Rom Tena 5:20

Mmara balɔ dɛ ɡel wechɔɡa warɛ. Kɛ, wechɔɡa aa dɛ dawɛ la, a taa Korowii na nɛwɛnyina sum, dɛ cha yaa kohona.

Tɔn Pɔɔl Aa Chwerɛ Rom Tena 7:10

Mmara o fe aa chɛ kɛ ó ba mkpa ne la, seo nee o ba.

Tɔn Pɔɔl Aa Chwerɛ Rom Tena 7:22

N bambile fe lawɛ Korowii Mmara la ta teŋa,

Tɔn Pɔɔl Aa Chwerɛ Rom Tena 7:5

Saŋ la yaa lɔ wechɔɡa ya nɛwɛnyini mar nɔ wechɔɡa aa suu nɔ aa dɛ nyin la ta dɛɛ ɛ la, dɛ Mmara la dɛ ir ya bambile wechɔɡa ɛɛ ta, asɛ wobɛlbwa yaa dɛ ɛ la, aa kaa ya ne seo ta.

1 Kɔrent 13:10

Anɔ la aa wera ka tonɛ la saŋ telaa, tama yaa dɔa taraken nɔ bwa ɛɛ tonɔɔ.

2 Kɔrent 3:3

He we-ɛɛla dɛ baɡle kɛŋɔ he ɛ Yeesu Kristo tɔn waa cheɡɛ ya nɛɛ dɛ chwerɛ. Iŋki ne laa o chwerɔ, Korowii waa lole saŋ bɛlbwa la Domadɛɛɡee o kpɔ chwerɛ. Bwe ta laa o chwerɔ, bambile taa o chwerɔ.

2 Kɔrent 3:6

Korowii ɡelɔ ya won dɛɛ ɛ o fɔofale la toma. A ɡɛ fɔofale nɔ ta mmara baa chwera waa ɛɛ, Korowii Domadɛɛɡe waa. Mmara baa chwera la dɛ ba seo ne, kɛ Korowii Domadɛɛɡe la te dɛ ba mkpa ne.

2 Kɔrent 3:8

dɛ ɛrɛɛ Korowii Domadɛɛɡe la wa ɛɛ ba doe yɔ? Aa ɡɛɛ ɡwaa la aa?

Galaasia 3:10

Nɛra baa kpɔ sie dawɛ Mosis Mmara ɡbo ta kɛŋɔ a taa ba che Kórowii lɛɛ ba la, bá bwɛɛlɛ, dɛkalkɛŋɔ a lɔ Korowii Tɔn bini kɛŋɔ, “Nomɛlbwa waa koni Mosis Mmara la bɛlbwa saŋ bɛlbwa wee la, ó bwɛɛlɛ.”

Galaasia 3:21

Amɔ dɛ Mosis Mmara nɔ ne nyoo Korowii aa baɡɛ yaa la aa jo kɛɛ? A dɛ jo. Dɛ nɛwɛnyini fe dɔ mmara bɛl waa dɛ ba wona toɡre nɛra ásɛ ba dɔ ba nyu aa, ate nomɛlbwa waa dɛ teŋɛ ɡɛ mmara la ta la, o waa fe ɛɛ su Korowii siwii kɛŋɔ o ɛ nɛndɛɛɡe.

Mmarare 4:13

O bol he be he ne o fɔo la ta teŋa wa. Mmarare fi waa chwera dawɛ bwepɛle anɛ ta dɛ ŋɔ hɛ́ɛ teŋɛ a ta la.

Mmarare 4:8

Harɛ bɛlbwa ɡe toole, hale o ne o sɔn dɔe bwa, dɛ dɔ mmarare aa toɡra kɛŋɔ anɔ nɔ maa dɛ dalwe a ta nɔ bwa.

Mmarare 5:22

A ɡɛ waa nɔɔ Korowii che nii ta dɛ bol takpeɡ ne baama aa bira kpirkpir bini bwe la ta he bwa be la, o ta wobɛlbwa kpɔe ja a ta ɡɛ saŋ. Dɛ chwera bwepɛle anɛ ta dɛ kpɔ tɛ mɛ.

Mmarare 9:15

Anee men Mosis laa berɛ dɛ tu, dɛ kpoŋe bwepɛle anɛ la fɔo la aa lɔ a ta la, dɛ nii la ta dɛ lawɛ bwejen la ta.

Hibru 12:18

Haa ba Korowii be nɔ, kon haa leɡe be laa he ba, kɛŋɔ Israel tena fa aa ba Sinai Bwejen ta la. A ɡɛ bwejen nɔ fa dɛ lawɛ nii jiɡijiɡi ken. Ba fa aa ba o mun la, bɔr bwa biro kpirikpiri ken, asɛ peu ɛɛ ta vuɡuvuɡu ken.

Hibru 3:3

Nɛn do dem aa, nɛra dɛ kpɛɛro dɛ ɡwaa dem la. Gɛɛ Yeesu ɡe do. A chɛ kɛ ba kpɛɛro ɡwaa Mosis,

Hibru 9:4

Korowii Boɡoroŋ Tenten la bɔr bela la, dɛ suuɡaswɛm kon baa dɛ fuh daawiile a sɔɔh aa soma o bini la lɔ bela. Dɛ Korowii Ne Nɛwɛnyina Fɔo Daka baa kpɔ suuɡaswɛm ɛ o bwara bwa, asɛ o che tɛ ba ne Korowii fɔo la lɔ bela. Dɛ suuɡaswɛm vii la baa kpɔ kondikwaa aa le nyundua baa yera maana do o bini la, ne Arɔn daŋɡbala waa moɡɛ papooni la, ne bwepɛle anɛ la ba fa aa chwerɛ o ne ba fɔobene la mmara fi la do a ta la lɔ Daka la bini.