2 Kɔrent 3:6 - mzwDBL

⁶ Korowii ɡelɔ ya won dɛɛ ɛ o fɔofale la toma. A ɡɛ fɔofale nɔ ta mmara baa chwera waa ɛɛ, Korowii Domadɛɛɡe waa. Mmara baa chwera la dɛ ba seo ne, kɛ Korowii Domadɛɛɡe la te dɛ ba mkpa ne.

2 Kɔrent 3:6 ပူးပေါင်းရင်းမြစ်များ

Jeremia 31:31

Korowii bolɔ ŋɔ, “Saŋ bɛl ɛɛ bao, ásɛ n ne Israel ne Juda tena bwa fɔwɛ fɔofale bɛl.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Matiu 26:28

Sen nɔɔ cheɡa tɛ n chal maa dɛ ba nɛra kɛrɛdɛ waa koeh dɛ́ fuɡe ta ásɛ Korowii che a ta dɛ́ kpɔ ba wechɔɡa kɛ ba. Á ɛ fɔo dɛ́ chɔ Korowii ne nɛwɛnyini baah ta.

Amanesoma Mak Aa Chwera Tɔn 14:24

Asɛ o ŋɔ ba be ŋɔ, “Sen nɔ cheɡɔ tɛ n chal maa dɛ ba nɛra kɛrɛdɛ waa koeh dɛ́ fuɡe ta. Á ɛ fɔo dɛ chɔ Korowii ne nɛwɛnyini baah ta.

Amanesoma Luk Aa Chwera Tɔn 22:20

Gɛ tentenee baa di kwaa la tonɛ la, o kpɔ numol ne sen la tɛɛ ba dɛ ŋɔ, “Sen nɔɔ cheɡa tɛ n chal maa dɛ ba he waa koeh dɛ fuɡe ta. Aa ɛ fɔofalee dɛ́ chɔ Korowii ne nɛwɛnyini baah ta.”

Amanesoma Jɔn Aa Chwera Tɔn 5:21

Gɛ Korowii aa dɛ chum nɛra baa serewa asɛ dɛ ɡel baa dɔ mkpa la, ɡɛ tentenee o Bie la ɡe ɛɛ ba wona chum bɛlbwa waa dɛ nyin dɛ́ tɛo mkpa.

Amanesoma Jɔn Aa Chwera Tɔn 6:63

Hé jemɛ kɛŋɔ Korowii Domadɛɛɡe ɡbosoroo dɛɛ tɛ mkpa. Nɛwɛnyini bokpeɡa te ɛ pɛɛpɛɛ. Waa maa dɛ bol he be nɔ dɛ ba Korowii Domadɛɛɡe la ne, asɛ dɛɛ tɛ heyaa mkpa.

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

Tɔn Pɔɔl Aa Chwerɛ Rom Tena 3:20

Maa dɛ ŋɔ nɔ, Mmara ta teŋa aa won ɡel nomɛlbwa we-ɛɛla su Korowii siwi bwa. Mmara la toma bwaa kɛŋɔ ó ɡel nɛwɛnyini jemɛ kɛŋɔ ya ɛ wechɔɡa.

Tɔn Pɔɔl Aa Chwerɛ Rom Tena 4:15

Mmara laanee dɛɛ ba Korowii bandia ne nɛra nɛ. On lole nɛra ɡee konu waa Korowii baah ɛɛ di nɛra nɛ. Dɛ Mmara fe toole naa, nɛra fe aa on koni.

Tɔn Pɔɔl Aa Chwerɛ Rom Tena 4:17

Anee Korowii waa baa chwera ŋɔ, “N ɡelɔ he ɛ nɛnfuuh bwa mɛɛ” la baɡle la. A ɡɛ waa nɔ ɛ kasinteŋ Korowii be. Onee Abraham faa yarada la. On won nɛra baa serewa kwaraa chuma, dɛ won dɛɛ bol waa aa wola chiɡe bwa kɛŋɔ aa chiɡa ka la.

Tɔn Pɔɔl Aa Chwerɛ Rom Tena 7:6

Taraken te ya fooro, Mmara la ta yaa dɔe kpa, dɛkalkɛŋɔ ya ne a ɡɛ Mmara nɔ o fa aa kpɔ yaa berɛ yoma la toole wobɛlbwa bini kpa. Ya ɛo kɛ yaa serewa. Yaa Mmara ŋwɛnɛ ta kpɔe dɛɛ tomɛ Korowii kpa. Korowii Domadɛɛɡe laanee dɛɛ baɡle yaa ŋwɛnɛfale yaa tomɛ Korowii taraken.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

1 Kɔrent 11:25

Baa dia tonɛ la, o laa numol ne sen ane kpɔ, dɛ ŋɔ, “Sen nɔɔ cheɡa dɛ tɛ n chal. Aa ɛ fɔofalee dɛ́ chɔ Korowii ne nɛwɛnyina baah ta. Hɛ́ɛ nyɔ dɛ́ kpɔ dɛɛ lii mɛ.”

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

1 Kɔrent 15:45

Ba chwerɔ do Korowii Tɔn bini ŋɔ, “Korowii ta nɛnloɡle, dɛ yerɔ Adam, asɛ o dɔ mkpa dɛ do le.” Kɛ muŋkaa Adam la te ɛ Korowii doa nɛn dɛɛ tɛ mkpa. Onee Yeesu Kristo.

1 Kɔrent 3:10

Korowiirii cha mɛ n won ɛ toma kɛŋɔ nɛn waa jemɛ dea mae kɛrɛdɛ la, dɛ pa dea la mun, asɛ nomɛl ɡe ba ma dɛɛ chɔŋɛ. Kɛ bɛlbwa nyiŋi kɛrɛdɛ ɡɛ waa maa dɛɛ chɔŋɛ.

1 Kɔrent 3:5

Bamewaa Apolos ne Pɔɔl hɛɛ maŋkura ba ɡɛ nɔɔ? Tom-ɛɛra ɡboo yaa. Korowiirii tomɛ yaa he be, ásɛ he no Yeesu waa dɛ́ yaradaa dɛ́ kpɔ he te tɛo. Toma Korowii aa kpɔa tɛ ya bini bɛlbwa laanee yaa ɛ.

2 Kɔrent 11:23

Yeesu Kristo bonɔɔnaa ban kɛɛ? N dɛ bol choɡla wobol te, kɛ dɛ ba ɛ Yeesu Kristo bonɔɔna aa, n ɛ o bonɔɔ ɡwaa ba! N ɛ toma ɡwaa ba. Ba do mɛ dea ɡwaa ba, dɛ cha mɛ chweremi ɡwaa ba. Waa maa naa a yon ka jɛɛ n sewɛ warɔ.

2 Kɔrent 3:14

Israel tena fa aa waa la mun no. Taraken ɡba, ɡɛɛ ba ta do. Baa dɛ kure fɔobene la waa la, a ta do kɛ baa kpɔ yachaahne tɔ ba sie. Ba ta Yeesu Kristo waa lɛɛ yaa, yachaahne la aa ba sie lee ba.

2 Kɔrent 3:3

He we-ɛɛla dɛ baɡle kɛŋɔ he ɛ Yeesu Kristo tɔn waa cheɡɛ ya nɛɛ dɛ chwerɛ. Iŋki ne laa o chwerɔ, Korowii waa lole saŋ bɛlbwa la Domadɛɛɡee o kpɔ chwerɛ. Bwe ta laa o chwerɔ, bambile taa o chwerɔ.

2 Kɔrent 3:7

Bwe taa Korowii faa chwerɛ Mosis Mmara la dawɛ. Bela Korowii aa kpɔ Mmara la tɛ Mosis la, Korowii jirima ba bela, bela bwa chaah, dɛ chaah Mosis nɛɛ o siebɔr ɛɛ nyɛɡle. Mosis aa la Israel tena be la, dɛ nyɛɡla o siebɔr aa dɛ nyɛɡle la nyoa sɔɔhnɔ tonɛ. Kɛ Israel tena aa nao la, ba ŋɔ o siebɔr dɛ nyɛɡle kohona to, ba ta wone nyiŋu. Mosis Mmara kwara waa dɛ la nɛn ne seo ta la wono ba jirima nɔ dɔŋ ne naa,

2 Kɔrent 3:9

Waa aa ɡela nɛra ɛɛ di bolchɔɡe Korowii sie la dɔ jirima ken aa, dɛ anɔ la aa ɡela nɛra ɛ nɛndɛɛɡa ba wa ɛɛ su o siwi la, ɛrɛɛ a jirima ɛɛ ba doe yɔ?

Galaasia 3:21

Amɔ dɛ Mosis Mmara nɔ ne nyoo Korowii aa baɡɛ yaa la aa jo kɛɛ? A dɛ jo. Dɛ nɛwɛnyini fe dɔ mmara bɛl waa dɛ ba wona toɡre nɛra ásɛ ba dɔ ba nyu aa, ate nomɛlbwa waa dɛ teŋɛ ɡɛ mmara la ta la, o waa fe ɛɛ su Korowii siwii kɛŋɔ o ɛ nɛndɛɛɡe.

Ɛfesos 2:1

He fa do kɛŋɔ he sewɔ Korowii be. He wechɔɡaa ɡela he beɡre ɡɛ.

Ɛfesos 2:5

o ir yaa seo la ya wechɔɡa nomanta yaa sewa la ta, dɛ berɛ koh pɛɛ ya ne Yeesu Kristo aa pɛa la waa dɛ tɛ yaa mkpafale. Korowii suna waa sune he nɛɛ la taa a che dɛ lɛ heya.

Ɛfesos 3:7

Amanesoma toma nɔɔ Korowii kpɔ tɛ mɛ. Sunaa o sune n nɛɛ kohona dɛ cha mɛ o kpeɡri ne, n won dɛɛ ɛ toma nɔ.

Mmarare 27:26

Ásɛ ba berɛ ŋɔ, ‘Nomɛlbwa waa wola Korowii Mmarare ne o webaɡla ta teŋɛ la, Kórowii taahno.’ Israel tena la bwa chaŋe ŋɔ, ‘Aamen!’ ”

1 Timoti 4:6

Dɛ he kpɔ ɡɛ waa nɔ baɡle he bala aa, anee dɛɛ ba chaɡla kɛŋɔ he ɛ Yeesu Kristo torome tenten haa teŋɛ Korowii waa haa yaradaa ne kasinteŋ la ta, dɛ́ kpɔ kpeɡ dɛ́ do kpeɡri.

2 Timoti 1:11

Amanesoma nɔ waa Korowii lee mɛ ŋɔ ń ba bol, dɛ́ ɡel n ɛ o torome ɡe dɛɛ baɡle nɛra o wa.

Hibru 12:24

Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Hibru 7:22

A ɡelɔ Yeesu ɛ ajinamuu te, ásɛ nɛwɛnyina nyiŋi dɛ́ na fɔofale Korowii aa fɔwa dɛ tɛ yaa la wera waa wera dɛ ɡwaa ombene la.

Hibru 8:13

Korowii aa dɛ bol fɔofale waa nɔ, onloɡle la berɛ ombene. Waa berɛ ombene nɔ, o kpeɡri tonɔ, wɛɛ ba nyoɡra.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

1 Jɔn 1:1

Waa yaa dɛ ba a waa he be bola nɔ ɛ nɛn waa ɛ Korowii Nyoa Wobol dɛ dɔ mkpa dɛ do le le mumpar la bwa wa. Ya no o waa dɛ nao. Ya nyiŋu dɛ kpɔ ya nɔɔra leɡo.