2 Kɔrent 2:14 - mzwDBL

¹⁴ Korowii jam kɛ waa cheɡɛ ya Dɔɔ Yeesu Kristo nɛɛ dɛ ɡel ya yo dɛɛ le nɔ. Korowii cheɡɛ ya nɛɛ dɛ ɡel nɛra ɛɛ no Yeesu Kristo waa la bobɛlbwa kɛŋɔ, konsɔɔhsoma sɔɔh aa dɛ le nomɛlbwa ɛɛ no la.

2 Kɔrent 2:14 ပူးပေါင်းရင်းမြစ်များ

Yela 106:47

N Naa Korowii yaa dɛ tomɛ, lɛ yaa dɛ́ berɛ lawɛ yaa le harɛre ta ba, ásɛ ya kpɔ jam tɛɛ dɛ́ kpɛɛ he sɔn waa do ɡoroŋ la.

Yela 148:14

O ɡelɔ o nɛra Israel tena ba waa aa toɡra, waa do o bambile ta kohona, ásɛ ba bwa kpɛɛro. Hé kpɛɛ Korowii!

Yelsom 1:3

He nosɔɔhsoma sɔɔh som, he sɔn do kɛŋɔ baa fuɡe nosɔɔhsoma ta. A waa ɡela bitoli bwa ɛɛ nyin he wa.

Ɛsekeɛl 20:41

Mɛɛ lɛ heyaa kɛŋɔ daawiile a sɔɔh aa soma he yon kpɔ ɛ saraha dɛɛ tɛ mɛ la, mɛɛ boa he nyoa le harɛre haa peɡra kaa a ta la, ásɛ harɛre nɛra na kɛŋɔ n do ɡoroŋ.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Tɔn Pɔɔl Aa Chwerɛ Rom Tena 1:8

Mɛɛ tɔ sie che Yeesu Kristo nɛɛ dɛ́ jam N Naa Korowii he waa kɛŋɔ haa yarada Yeesu Kristo waa nɔ kohona, asɛ nɛra bwa ɛɛ bol he waa nɔ.

Tɔn Pɔɔl Aa Chwerɛ Rom Tena 15:19

ne wekpeɡa ne nyokpowaa Korowii Domadɛɛɡe la kpeɡri aa ɡela mɛɛ ɛ la bwa ɡelɔ he yarada Korowii waa nɔ. Taraken nɔ, le Jerusalam ka le Ilirikum le bwa, n bol Yeesu Kristo Amanesoma nɔ bela.

Tɔn Pɔɔl Aa Chwerɛ Rom Tena 6:17

Korowii jam! Wechɔɡa fa aa yawɛ heyaa yom, asɛ taraken nɔ he no o waa baa chaɡle heyaa dɛ kpɔ he te tɛo he bambile bwa ne nɔ,

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

1 Kɔrent 12:8

O tɛ nɛra bane wejema, dɛ tɛ bane ɡe sipila. O Doma beŋkpoŋ laanee tɛ ba bwa a ɡɛ kpeɡri la, bá won bol waa dɛɛ baɡle nɛra,

1 Kɔrent 15:37

Komɛlbwa haa du la, dɛ mea yoo, kon waa dɔ bii yoo, o papooni laa hɛɛ du. O bii hɛɛ du, ásɛ o yon ɛ papooni dɛ́ le baŋ.

1 Kɔrent 15:57

Korowii chɛ jam kohona. O tɛ yaa kpeɡri dɛ le ya Dɔɔ Yeesu Kristo be ásɛ ya pɔ seo nɛ.

2 Kɔrent 1:11

Hé cha yaa dɛɛ soŋe Korowii, ásɛ dɛ o baa no he wesoŋa dɛ cha yaa aa, nɛra won kpɔ jam tɛo pirim dɛ́ tɛ yaa kɛŋɔ waa no nɛndamanta wesoŋa baa soŋa tɛ yaa la.

2 Kɔrent 8:16

Ya dɛ jam Korowii kohona kɛŋɔ waa ɡela Taetos siwi swɛɛ wɛɛ cha heyaa kɛŋɔ ya siwi aa swɛɛ he nɛɛ la.

2 Kɔrent 9:15

Ya dɛ jam Korowii kohona. Yaa won jemɛ baɡle o koŋkɛɛle damanta waa kɛ yaa la wa.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Ɛfesos 5:20

dɛ́ɛ yerɛ ya Dɔɔ Yeesu Kristo sɔn, dɛ́ɛ jam N Naa Korowii waa bwa ta.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

Kolosi 1:23

Dɛ he ta kpoŋe waa haa dɛ yaradaa la bini, he ta habɔɔ leɛ, dɛ dɔ hwɛɡa le Amanesoma la baa bola baɡle heyaa he no la ta kɛŋɔ nomɛlbwa aa won chɔɡ he liire he bɛ dɛɛ hwɛɡɛ kpa aa, amɔ hɛɛ wonoo che o sie. Ba dɛ bol Amanesoma nɔ bobɛlbwa. N ɡbabir dɛ bola, dɛkalkɛŋɔ Korowiirii lee mɛ.

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.

Kolosi 2:15

Yeesu seo waa sewa la, o chɔɡ kwaa aa dɔ kpeɡri bwa kpeɡri, dɛ lɛ a kpeɡri dɔɔh. O ɛ ɡɛ dɛ ɡel sihiih kpoa nɛra bwa siwi ta, bá jemɛ kɛŋɔ o ɡelɔ koŋkpeɡa la bwa kpeɡri ɛ pɛɛpɛɛ.

1 Tesalonika 1:8

He bee ya Dɔɔ la waa che dɛ perɛ baah bela bwa. Bela tena ɡbo laa noa, kɛ yarada haa dɛ yarada Korowii la tel bobɛlbwa. Anomanta, a ta chɛ kɛŋɔ yá bol he waa nɛra be kpa.

1 Tesalonika 3:9

Bɔkwa jaamee yaa ba wona kpɔ tɛ Korowii he waɔ? Silɛɛ yaa dɔa le Korowii be nɔ kan. He waa ɡela ya sie lɛ la.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

Wepila 7:12

dɛɛ ŋɔ, “Aamen! Korowii chɛ kpɛɛra ne jirima ne jam ne duure. Onee dɔ wejema ne kpeɡri, ne bokpeɡa saŋ bɛlbwa. Aamen!”