2 Kɔrent 13:4 - mzwDBL

⁴ Ba fa aa kpaaro pɛl daɡaɡre ta o sewɛ la, a baɡlɔ kɛŋɔ o ɡwɛɡrɔ, kɛ Korowii kpeɡri nomanta, o iro. Ya ne o bwa fa pɛo ɡwɛɡre. Kɛ taraken, ya cheɡɛ Korowii kpeɡri ta dɛ dɔ mkpa, asɛ ya won do he be o kpeɡri la ta.

2 Kɔrent 13:4 ပူးပေါင်းရင်းမြစ်များ

Amanesoma Jɔn Aa Chwera Tɔn 10:18

Lao seo laa mɛɛ ba sewa nɔ. N tetoosewee mɛɛ ba sewa. N dɔ kpeɡri kɛ ń kpɔ n te tɛ dɛ́ sewɛ, dɛ́ berɛ dɔ kpeɡri kɛŋɔ ń ir seo ta. Gɛɛ n Mɛɛ ŋɔ ń ba ɛ.”

We-ɛɛla 2:36

Anomanta, a chɛ kɛŋɔ Israel tena bwa jemɛ kɛŋɔ Yeesu laanee Korowii ɛ nɛwɛnyini bwa dɔɔ la. Onee Kristo la. Kɛ o laa he kpaa pɛl daɡaɡre ta dɛ kpoo la aa?”

We-ɛɛla 3:16

O sɔnee ya yerɛ asɛ baa nɔ ɡbaŋre la. Yarada yaa dɛ yarada Yeesu la, a taa a che waa nɔ haa naa nɔ won ɛ la. O waa la yaa dɛ yarada la, a ɡbosoroo chah baa nɔ he bwa aa jemɔ nɔ la. He bwa ɡee naa kɛŋɔ o ɡbaŋrɔ.

Tɔn Pɔɔl Aa Chwerɛ Rom Tena 1:4

asɛ o Korowii ɛɛ ɡe be pera la, Korowii cheɡɛ o seo ta ira la ta, dɛ baɡle kpeɡri ne kɛŋɔ o Korowii Biee on.

Tɔn Pɔɔl Aa Chwerɛ Rom Tena 14:9

Yeesu Kristo seo waa sewa dɛ ir la, o ɛ ɡɛ dɛ ɛ weera ne lala bwa dɔɔ.

Tɔn Pɔɔl Aa Chwerɛ Rom Tena 6:4

Baa sɔ yaa Korowii nee la nomanta, a kaa ɛ kɛŋɔ ya ne Yeesu Kristoo ba pɛ huɡe. Ya ne waa pɛa sewɛ la nomanta, ɡɛ Korowii aa cheɡɛ o kpeɡri a dɔŋ aa wola toole la ta dɛ iru seo ta la, ɡɛɛ wɛɛ ba ya ɡe chae ya kwaa so sofale waa wera, dɛ́ charɛ dofale waa wera.

1 Kɔrent 1:25

Waa nɛra aa dɛ lii kɛ a ɛ Korowii wesale la, a ɡwaa nɛwɛnyini wejema, o ɡwɛɡra ɡe ɡwaa nɛwɛnyini kpeɡri.

1 Kɔrent 15:43

Bwadabii yaa dɔa mɔɔ dɛ serewe la ɛɛ chɔɡoo. O ɛ kompɛɛ baa huɡo, kɛ Korowii ɛɛ leo seo taa, ásɛ o ɛ kondɛɛɡe. Kon baa huɡo la aa kpeɡri bɛlbwa dɔ, kɛ Korowii ɛɛ iruu ásɛ o do kpeɡri.

1 Kɔrent 2:3

N fa aa lɔ he be la, n ta kpeɡri dii he nɛ. Ɔmee ne bochela nee n ɛ toma he bini.

1 Kɔrent 6:14

Gɛ Korowii aa kpɔ o kpeɡri ir ya Dɔɔ Yeesu Kristo seo ta la, ɡɛɛ wɛɛ ba o kpeɡri la kpɔe dɛ́ ir ya ɡe seo ta.

2 Kɔrent 10:10

Bane ɛɛ ŋɔɔ, “Pɔɔl tɔne nyoa kpeɡri to. Kɛ he na o ɡbaɡba aa, waa kpeɡe. O wobol ɡba ta wale dɔe.”

2 Kɔrent 12:10

N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.

2 Kɔrent 13:9

Ya ɡwɛɡrɔ hé do kpeɡri aa, dɛ ya sie lɛo. Ya dɛ soŋe Korowii kɛŋɔ he waa toɡre ka tonɛ.

Felepae 3:10

N waa bwaa kɛ ń won jemɛ Yeesu Kristo, dɛ́ won jemɛ kpeɡri la soo waa ira seo ta dɛ dɔ, dɛ́ na wahala waa naa la dɔŋa, dɛ́ kpɔ n te ɛ kɛ n sewɔ ɡɛ waa sewa la,

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.