2 Kɔrent 12:6 - mzwDBL

⁶ Dɛ n ŋɔ ń kpɔ n ɡbaɡba we-ɛɛla maŋkura n te kwaraa naa, ɡɛnewaa laa te, dɛkalkɛŋɔ a ɛ kasinteŋ. Menee ɡɛ nɛn la, kɛ maa nyin n kpɔ ɡɛ waa la maŋkura n te. Dɛ n waa maa dɛ ɛ nɛra ɛɛ na, ne anɔ la baa dɛ no ta laa aa, maa nyin kɛ nɛra kpɛɛ mɛ wobɛlbwa ta.

2 Kɔrent 12:6 ပူးပေါင်းရင်းမြစ်များ

Job Tɔn 24:25

Dɛ ɡɛ laa aa, umee dɛ won ŋɔ n teŋe nyosone, dɛ́ baɡle kɛ ɡɛ laa waa la doɔ?”

Tɔn Pɔɔl Aa Chwerɛ Rom Tena 9:1

Kasinteŋii mɛɛ ba bola la. Maa ɛ Yeesu Kristo nɛn la nomanta, maa nyosone teŋe. Korowii Domadɛɛɡe la ɡelɔ n jemɛ n bambile bini kɛŋɔ maa nyosone teŋe.

1 Kɔrent 3:5

Bamewaa Apolos ne Pɔɔl hɛɛ maŋkura ba ɡɛ nɔɔ? Tom-ɛɛra ɡboo yaa. Korowiirii tomɛ yaa he be, ásɛ he no Yeesu waa dɛ́ yaradaa dɛ́ kpɔ he te tɛo. Toma Korowii aa kpɔa tɛ ya bini bɛlbwa laanee yaa ɛ.

2 Kɔrent 1:18

N nyoa maa baɡɛ heyaa la, aahna-aahna toole a ta. A ɛ kasinteŋ kɛŋɔ Korowii wa aa ɛ kasinteŋ nyosone aa wola toole a ta la.

2 Kɔrent 11:16

N dɛ ŋɔ he be ja. Nomɛlbwa bɛ lii kɛŋɔ ɡɛnee men. N ɡɛnɔ ɡba kwara naa, hɛ́ɛ no n be ásɛ n ɡe won maŋkura n te tama.

2 Kɔrent 11:31

Ya Dɔɔ Yeesu Mɛɛ Korowii jemɔ kɛ nyosone laa mɛɛ teŋe. O chɛ kpɛɛra saŋ bɛlbwa.

2 Kɔrent 12:11

N bol waa kɛ ɡɛne, kɛ heyaa ɡela n ɛ ɡɛ. Heyaa chɛ kɛ hé fe ɛɛ tɛ mɛ sɔn. A lole kɛ n waa aa bobɛlbwa tel te, kɛ nɛra baa dɛ maŋkura ba te ɡwaa Yeesu Kristo toroma la, ba bɛlbwa ta men ɡwaalɛ wobɛlbwa ta.

2 Kɔrent 12:7

Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.

2 Kɔrent 5:13

Dɛ ya nyu toole naa, Korowii waa a ba ɡɛ. Ya sie chɔ harɛ ɡe aa, he wesomee a ba ɡɛ.

2 Kɔrent 7:14

N fa bol he waa Taetos be, dɛ kpɛɛ heya. He ta ɡelɛ sihiih kpo mɛ. Waa yaa bol he be la bwa ɛ kasinteŋ. Gɛɛ waa yaa bol Taetos be dɛ kpɛɛ heyaa la bwa ɛ kasinteŋ.