2 Kɔrent 12:21 - mzwDBL

²¹ Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.

2 Kɔrent 12:21 ပူးပေါင်းရင်းမြစ်များ

Ɛsra 10:1

Sɔfo Ɛsra taa ɡuŋa dɛɛ soŋe Korowii o Dea la sie, dɛ wi dɛɛ soŋe Israel tena wechɔɡa la, Israel tena baa wara, baala ne haahna, dɛ bechale baa baro cheme la ɡe wio kɛrɛdɛ.

Ɛsra 9:3

Maa no ɡɛ waa nɔ la, n kɛɛ n batakaare, dɛ tɛr n nyumpona ne n tampona, asɛ dɛ so harɛ n bwara yɔr, n tea bini aa chɔɡa wa.

Yela 119:136

N sinii dɛ yɔɔ mɛ kɛŋɔ nenapale ken, dɛkalkɛ nɛra aa he Mmarare ta teŋɛ.

Kaala 32:31

Anomanta, o la Korowii be dɛ ka soŋo ŋɔ, “N Naa Korowii, nɛra nɔ wechɔɡa baa ɛa kan kohona to. Ba kpɔ suuɡaswɛm kwaa voɡa dɛɛ toma.

Jeremia 13:17

Kɛ dɛ he vɛh o waa la noe yaa, sɔeh mɛɛ ba sɔeh dɛ́ wi, he mbarafo wa. Mɛɛ wiu kohona siniire yɔɔ mɛ, lawa baa lawɛ Korowii nɛra laa ta kaa bojaŋ harɛ ta la wa.

Jeremia 9:1

Jeremia berɔ ŋɔ, “N nyu bini fe do kɛŋɔ bule bini ne, asɛ n siniire do kɛŋɔ nenapale aa, n fe ɛɛ wiu chɔɔ ne jwaana, kpoora baa kpoo n nɛra la wa.

Tɔn Pɔɔl Aa Chwerɛ Rom Tena 13:13

Hé ɡel ya lawɛ ya te kɛrɛdɛ, dɛ́ do kɛ nɛra bɔr aa chaah ba nɛ. Dɛ warɛ dɛ valɛ dɛɛ do ɡbɔɡa ne sennyɔdɛɛ waa toole kpa, hanyin ne banyin ne wedoŋa toole kpa, naɡrenyin ne bɔweela toole kpa.

Tɔn Pɔɔl Aa Chwerɛ Rom Tena 9:2

N tea bini chɔɡɔ, n bambile ɡe aa n wee ɡel bwa.

1 Kɔrent 5:1

N dɛ no kɛ he bini bane dɛ bɔ jwamane aa wola were, hale nɛra baa wola Korowii tomɛ kwara aa wola ɡɛɛ ɛ. Ba ŋɔ he bini bɛl lawɛ o mɛɛ haah kwaraa dɛɛ chɔ.

2 Kɔrent 10:6

N kpɔ n te dɛ so dɛɛ kpa, ásɛ he te dɔɔ ba no n be ka tonaa, n tɛr nɛra baa vɛah la deŋne.

2 Kɔrent 12:7

Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.

2 Kɔrent 13:2

N dɛ nyin n ŋɔ he banɔ la he fa aa ɛ wechɔɡa la, ne banɔ la baa kaa la be ŋɔ, n balɔ dɛ he ta ɡelaa, maa he ɡela ba, mɛɛ tɛr he deŋnee. N fa aa ba he be nɛɛtena la, n bolɔ, n kwaarɔ dɛɛ bol.

2 Kɔrent 8:24

Anomanta, hé ɡel ba na ɡɛ haa dɛ nyin nɛn, ásɛ asɔre tena bwa no, dɛ́ jemɛ kɛŋɔ yaa koh he waa dɛɛ maŋkura ya te la, pɛɛ laa.

Galaasia 5:19

Nomɛlbwa jemɛ nɛwɛnyini mar wechɔɡa aa suu nɔ tetoowa. Anee kɛŋɔ jwamane, ne wedoŋa, ne pɛlchɔɡa we-ɛɛla te bwa soo siwi,

Mmarare 9:15

Anee men Mosis laa berɛ dɛ tu, dɛ kpoŋe bwepɛle anɛ la fɔo la aa lɔ a ta la, dɛ nii la ta dɛ lawɛ bwejen la ta.

Mmarare 9:25

Anomanta, n kpɔ n sie pi harɛ Korowii sie ɡɛ tɔpera fifraanaarɛ la ta webaŋa ne jwaana bwa, dɛkalkɛŋɔ n nao kɛŋɔ o dɛ nyin o chɔɡ heya.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

Tɔn Jud Aa Chwera 1:23

Hɛ́ɛ lɛ nɛra baa dɛ ba wechɔɡa ta joe kɛŋɔ baa dɛ to kon dɛ́ le nii ta la. Hɛ́ɛ sune bane ɡe nɛɛ dɛ́ɛ cha ba, kɛ hɛ́ɛ nyiŋi kɛrɛdɛ ásɛ ba wechɔɡa bɛ heyaa ba bu.

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

Wepila 22:20

Naate waa ɛ waa nɔ bwa danseɛ la ŋɔ, “Kpelaa, n dɛ ba taraken!” Aamen. N Dɔɔ Yeesu, ba warane!

1 Samoɛl 15:35

Samoɛl ta Kooro Sɔɔl nae kpa, dɛ ka tel o serewe wee. Dɛ o wio dɛɛ tɛo te. A we Korowii nɛɛ kɛ waa cheɡo kora Israel.