2 Kɔrent 12:16 - mzwDBL

¹⁶ He nao kɛŋɔ n ta n te kpɔe dawɛ he nɛɛ kenɛ? Kɛ nomɛl ɡee ŋɔɔ n sie pilo to mɛɛ neɡre heya.

2 Kɔrent 12:16 ပူးပေါင်းရင်းမြစ်များ

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

2 Kɔrent 11:20

Nɛra kpɔ heyaa berɛ yoma, dɛ neɡre heyaa dɛɛ di, dɛɛ faah heya, dɛɛ nyiŋi he nyu baahna, dɛɛ kpaa he lwɛrɛme, kɛ he waane laa.

2 Kɔrent 12:13

Bɔkwaa n ɛ tɛ asɔre tena baa kaa la maa wola ɛɛ tɛ heya ɔ? Anɔ la maa wola heyaa ɛɛ laanee kɛŋɔ, n ta heyaa hae suuɡa waa ta. Hé kpɔ n wechɔɡa kɛ mɛ!

2 Kɔrent 4:2

Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.

2 Kɔrent 6:8

Bane dɛ pena yaa, bane ɛɛ yoo yaa. Bane dɛ chɛɡre yaa, bane ɛɛ kpɛɛ yaa. Ba dɛ yerɛ yaa nyosonteŋna, kɛ kasinteŋ ɡee yaa bol.

2 Kɔrent 7:2

Hé kpɔ he bambile tɛ yaa dɛɛ no ya wa. Ya ta he bɛlbwa wechɔɡa ɛɛ. Ya ta bɛlbwa chɔɡɛ, ya ta bɛlbwa neɡrɛ di ɡe bwa.

1 Tesalonika 2:3

Jae yaa dɛ ja nɛra la, kasinteŋ ŋwɛnɛ taa, neɡra laa yaa neɡre nɛra, wedoŋa ɡe laa ya lii.

1 Tesalonika 2:5

Gɛ haa jema la, he kpɛɛra waa laa ya koh ba he be. Ya ta balɛ dɛ ba bol waa dɛ neɡre heyaa dɛ lɛ kwaane ɡe. Korowii ɡboo jema.

1 Pita 2:3

He daɡɛ ya Dɔɔ la na taraken dɛ́ na kɛ o wer.