2 Kɔrent 11:25 - mzwDBL

²⁵ Kera atoroo Rom tena lɔɔ mɛ chweremi ne, dɛ foɡ mɛ bwea kera beŋkpoŋ. Kera atoroo stiimae morɛ n ne. N lɔ nee siebɔr bir dɛ chaah, dɛ kwaa bir a ɡɛ stiimae mora nɔ bɛl ta.

2 Kɔrent 11:25 ပူးပေါင်းရင်းမြစ်များ

Matiu 20:19

Baa kpɔ mɛɛ do nɛra baa wola Juu tena ɛɛ la nɔn ta, bá di n loro, dɛ́ cha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ, ásɛ tɔpetooro wee la ń ir seo ta.”

Matiu 21:35

Anee nɛra la lawɛ bonɔɔna la, dɛ lɔɔ bɛl, dɛ kpo bɛl, asɛ dɛ foɡre bɛl ɡe bwea.

We-ɛɛla 14:19

A habɔɔ la, Juu tena bane baa le Ikooniam ne Anteɔk waa lɔ Pisidia harɛ ta la ba bela, dɛ ba bol waa dɛ berɛ Lestra tena la liire, asɛ ba baah di Pɔɔl nɛ. Ba foɡro bwea dɛ tuuɡu le bwɛjen la ta. Dɛ ba dɛ lii kɛ o sewɔ.

We-ɛɛla 14:5

Juu tena la bane ne nɛra baa wola Juu tena ɛɛ la ne ba bela nomonome fe vɔrɔwɔ ŋɔ bá ɛ Yeesu toroma la hɔhɔrɔwa dɛ foɡ ba bwea ɡe.

We-ɛɛla 16:33

Awola harambaŋa la ne la, nomoa la yaɡle chal la aa ɛ Pɔɔlwa bwara la. Dɛ lɔɔraa Rom nomonome baa dɛ bol nɛra waa dɛ́ pa bole la ɡel ba lɔɔ ba, asɛ chal ɛ ba bwara. O ne o dem tena bwaa ba sɔ Korowii nee awola,

We-ɛɛla 16:37

Anee Pɔɔl ŋɔ toroma la be ŋɔ, “Rom tenaa ya bwa, kɛ ba lɔɔ yaa pɛɛpɛɛ bombaah ta dɛ tɔ yaa dea, dɛ ba ta ya waa bolɛ dɛ na wechɔɡa bɛlbwa ya nɛ. Aah taraken nɔ sɔeh ba berɛ dɛɛ nyin dɛ sɔh ta yaa nɔ naa? Aa maɡre! Hé ɡel Rom nomonome la ɡbaɡba ba lawɛ yaa le!”

We-ɛɛla 22:24

Anomanta, soojanomonjen la ɡelɔ ba kpɔ Pɔɔl jo dea. Dɛ o ta wone jemɛ waa aa bala nɛra la ɛɛ nyɛɡ ɡɛ la. Anomanta, o ŋɔ bá lɔɔ Pɔɔl bampɔrɔ ŋwɛɛra ne, dɛ́ ɛo hɔhɔrɔwa ásɛ o fe sɛh chɔɡre dɛ bol kasinteŋ.

1 Timoti 1:19

ásɛ dɛ kpoŋe Korowii yarada bini kiŋkiŋ, dɛɛ ɛ waa haa jema kɛ a toɡrɔ. Gɛɛ bane aa wola ɛɛ, asɛ ba ta wone yarada Korowii ka tonɛ dɛ horɛ la.

Hibru 11:37

Ba foɡre bane bwea dɛ kpoo ba, dɛ kpɔ seradaa teŋni bane bini anɛnɛ, dɛ kpoo bane ɡe tokobie ne. Dɛ booh tɔne ne pee tɔnee bane kpɔ berɛ laala dɛɛ do. Dɛ ba nyao kɛrɛdɛ, asɛ nɛra che ba nɛ, asɛ bane ɡe ɛɛ ba hɔhɔrɔwa aa wola were.