2 Kɔrent 10:8 - mzwDBL

⁸ Dɛ n dɛ maŋkura kpeɡri ya Dɔɔ aa tɛ yaa ŋɔ yá kpɔ dɛɛ cha heyaa la aa, sihiih aa men kpo. O tɛ mɛ kpeɡri ń won cha heya. O ta men kpeɡri tɛɛ ń kpɔ chɔɡ heya.

2 Kɔrent 10:8 ပူးပေါင်းရင်းမြစ်များ

2 Kɔrent 1:24

Kpeɡri laa yaa baɡle heyaa he Korowii yaradae ta. Yaa ɡɛ lii kwaraa. Ya jemɔ kɛ he cheɡɔ kiŋkiŋ he yarada ta. Ya dɛ nyin kɛ ya cha heyaa ásɛ he sie lɛ.

2 Kɔrent 10:4

Dɔmkwaa yaa dɛ yo a ne la, nɛwɛnyina kwaa laa. A ɛ Korowii dɔmkwaa o kpeɡri aa lɔ a ta, asɛ ya kpɔ dɛɛ paɡre dekpeɡa.

2 Kɔrent 10:9

Maa nyin kɛ a ɛ kɛŋɔ aahraa n kpɔ tɔne dɛɛ aah heya.

2 Kɔrent 12:19

Yaa dɛ ŋɔ ken nɔ, he dɛ lii kɛŋɔ ya sɔnee yaa kwaa he be kɛɛ? Akai! Korowii siee yaa bola, pɛɛ ya ne Yeesu Kristo aa pɛa la nomanta. Yabala, wobɛlbwa yaa bol la, he wer waa yaa bola, ásɛ he won che kiŋkiŋ.

2 Kɔrent 12:6

Dɛ n ŋɔ ń kpɔ n ɡbaɡba we-ɛɛla maŋkura n te kwaraa naa, ɡɛnewaa laa te, dɛkalkɛŋɔ a ɛ kasinteŋ. Menee ɡɛ nɛn la, kɛ maa nyin n kpɔ ɡɛ waa la maŋkura n te. Dɛ n waa maa dɛ ɛ nɛra ɛɛ na, ne anɔ la baa dɛ no ta laa aa, maa nyin kɛ nɛra kpɛɛ mɛ wobɛlbwa ta.

2 Kɔrent 13:10

A waa n chwerɛ heyaa tɔn nɔ dɛ n ta he be balɛ mɔɔ la. N dɛ ɛ ɡɛ ásɛ dɛ bɛ sinyɛɡa ba kpɔ dɛɛ bol waa he be kpeɡri ya Dɔɔ la aa tɛ mɛ la ne. Korowii ŋɔ ń kpɔ a ɡɛ kpeɡri nɔ cha heya, o ta ŋɔe ŋɔ ń kpɔ chɔɡ heya.

2 Kɔrent 13:8

Yaa won ɛ wobɛlbwa dɛ́ jo kasinteŋ la nɛ, chae a chɛ kɛ yaa chao.

2 Kɔrent 7:14

N fa bol he waa Taetos be, dɛ kpɛɛ heya. He ta ɡelɛ sihiih kpo mɛ. Waa yaa bol he be la bwa ɛ kasinteŋ. Gɛɛ waa yaa bol Taetos be dɛ kpɛɛ heyaa la bwa ɛ kasinteŋ.

2 Kɔrent 7:4

He waa dɔ kasinteŋ n be. He ɡelɔ n baŋa ɛɛ pa taeh. Ya wenaale yaa dɛ na bwa habɔɔ la, n bwara ta hwaeh. N sie ta dɛ lɛ taeh.

Galaasia 1:1

Men Pɔɔl maa ɛ Yeesu torome la, men chwerɛ tɔn nɔ. Nɛwɛnyini laa lee mɛ dɛ tɛ mɛ toma nɔ. Yeesu Kristo ne o Mɛɛ Korowii waa iru seo ta laanee lee mɛ.

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.