2 Kɔrent 10:10 - mzwDBL

¹⁰ Bane ɛɛ ŋɔɔ, “Pɔɔl tɔne nyoa kpeɡri to. Kɛ he na o ɡbaɡba aa, waa kpeɡe. O wobol ɡba ta wale dɔe.”

2 Kɔrent 10:10 ပူးပေါင်းရင်းမြစ်များ

Kaala 4:10

Asɛ Mosis ŋɔ Korowii be ŋɔ, “N Naa Korowii, n nyoa aa kpɛlɛ ń won bol waa a do som. Dɛ le n bechale saŋ ne ɡɛ saŋ haa kpɔ he te baɡ mɛ bwaa n nyoa aa wola kpɛlɛ ne wobol.”

Jeremia 1:6

Anee n chaŋe ŋɔ, “Nemenɛ Korowii, n ta ɛ bechala, maa wobol jemɛ.”

1 Kɔrent 1:17

Yeesu Kristo fe ta men tomɛ ŋɔ ń baa sɔ nɛra Korowii ne. O ŋɔ ń ba bol Amanesoma la nɛra be, kɛ n bɛ n ɡbaɡba wejema ne nyotor kpɔ dɛɛ bol waa la, ásɛ Yeesu sewa waa sewɛ daɡaɡre ta la bɛ pɛɛpɛɛ ɛ.

1 Kɔrent 1:21

Ba ɡbaɡba wejema ɡelɔ baa Korowii jemɛ. Korowii kpɔ o wejema ɛa ɡɛ, dɛ ŋɔ a ɛo silɛɛ kɛ wɛɛ lɛ nɛra baa yarada Amanesoma yaa bola dɛɛ baɡle nɛra asɛ baa liira wesale la.

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

2 Kɔrent 10:11

A ɡɛ tena nɔ, a chɛ kɛ ba jemɛ kɛŋɔ ya toole he be naa, waa yaa chwera dɛɛ ha heyaa ta korɛ, asɛ waa yaa lɔ he be dɛɛ ɛ ɡe korɛ.

2 Kɔrent 10:9

Maa nyin kɛ a ɛ kɛŋɔ aahraa n kpɔ tɔne dɛɛ aah heya.

2 Kɔrent 11:21

A dɛ ɛɛ mɛ sihiih kɛ n bol waa nɔ. N ta jemɛ kɛ ya berɔ do pwɛre tɛ heyaa to. Ya ta an kɛrɛdɛ ɛɛ. Dɛ nomɛl dɔ wobɛl dɛ won koh a waa maŋkura o te naa, n ɡba ɛɛ wonoo maŋkura n te a ɡɛ waa la ta. Gɛnewaa mɛɛ bol nɔ te.

2 Kɔrent 11:6

Bɛl lole n nyoa ken ta chaahnɛ wobol ta, kɛ wejema te, n dɔɔ. Wobɛlbwa yaa jema ɡe la, ya ɡelɔ a bini chaah he jemɛ a bwa ŋwɛnɛ bɛlbwa ta.

2 Kɔrent 13:3

He fa dɛ nyin he na waane dɛ jemɛ kɛŋɔ Yeesu Kristoo soɡe n nɛɛ dɛɛ bol waa la. Too, hɛɛ nao. Kpeɡri ta on nyae. Wɛɛ baɡle o kpeɡri he nɛɛ.