2 Nɛra baa tɔ sie dɛ berɛ ba so ba ɡbaɡba deremi ta ne ba bwɛɛre ta laanee, Israel tena la bini bane ne sɔfore ne Lewi dea tena, dɛ bonɔɔna baa dɛ ɛ Korowii Dea toma.
Nɛra Babelɔn Koojen Nebukadnesa aa laɡ ba laa ta kaa bojaŋ harɛ Babelɔn, asɛ ba berɛ won ba Jerusalam ne Juda harɛ ta, dɛ ba so ba bwɛɛre ta laanee teŋa nɔ,
Sɔfore ne Lewi dea tena ne yelɡoola, ne nɛra baa dɛ daah Korowii Dea doonyoo, dɛ banɔ la baa dɛ ɛ toma Korowii Dea la soɡe ba bwɛɛre ta, ba ne nɛra la bane. Asɛ Israel tena baa kaa la ka so bwɛɛre ba naawa fa aa soɡe a ta la ta.
Ba berɔ ba bonɔɔna baa dɛɛ ɛ Korowii Dea bini toma nɛra lafraanɛ fifraanɛ ne, ba ɛ nɛra Kooro Devid aa le ba ne ba nomonome cheɡ ŋɔ baa cha Lewi dea tena la. Ba chwerɛ ba bwa sɔna teŋɛ dɔŋa nɛɛ do tɔn bini.
Ba bwa kpɔ ba te ja ba sitɔɔla nɛɛ dɛ ŋwɛɛ ntam kɛŋɔ, baa teŋɛ Korowii Mmara waa cheɡɛ o bonɔɔ Mosis nɛɛ dɛ kpɔ tɛ la taa, dɛ́ nyiŋi kɛrɛdɛ dɛɛ teŋɛ o waa waa do ba a ta ne o webaɡla bwa ta. Ba ŋɔ, dɛ ba ta a ta teŋaa, Kórowii taah ba.
Aa ba dɛ la sie tama la, harɛ la ta nomonome baa so Jerusalam, asɛ nɛra la kabora bil daa, dɛ le dembeŋkpoŋ nɛra le deremi fi bɛlbwa bini, ba ba so Jerusalam bwɛjen waa do ɡoroŋ la ta, asɛ banuanaarɛ kar la ɡe ka so ba bwɛɛre ta.
Sɔfore ne Lewi dea tena ne nɛra baa dɛ daah Korowii Dea doonyoo, ne yelɡoola ne bonɔɔna baa dɛ ɛ toma Korowii Dea, ne nɛra la bane, dɛ Israel tena baa kaa la bwa kaa so ba bwɛɛre ta.