1 Webena 9:1 - mzwDBL

¹ Ba chwerɛ Israel tena bwa sɔna denaa ta do Israel Koranar Waa Tɔne bini. Juda tena wechɔɡa nomanta, ba laɡ ba laa ta kaa Babelɔn harɛ ta, dɛ́ kpɔ tɛr ba deŋne.

1 Webena 9:1 ပူးပေါင်းရင်းမြစ်များ

1 Koranar 14:19

Ba chwerɛ Kooro Jɛroboam bwara waa bwa, ne ɡɛ waa yoa, ne o kora dii waa bwa do Israel Koranar Waa Tɔne bini.

2 Koranar 24:14

Kooro Nebukadnesa larawe Jerusalam nomonome ne laa tena bwa, ne nɛra baa jemɛ kwaa sɛɛh ne loɡra bwa kaa. Dɛ ba lɔ nɛra kaɡboŋa fi, ba ta nomɛlbwa ɡelɛ, nemenɛ nɛra baa nyaa kohona, dɛ do bela ɡbosoo.

2 Koranar 24:15

O kpɔ Kooro Jehoiachin ne o nya ne o haahna, ne nɛra baa lɔ koodem dɛ harɛ la ta nomonome, dɛ kpɔ ba kaa bojaŋ Babelɔn harɛ ta.

2 Koranar 24:16

Babelɔn kooro ɡelɔ ba kpɔ laa tena kaɡboŋa banuanɛ ba bwa aa kpeɡa dɛ́ won yo laa, ne nɛra kaɡboŋ baa jemɛ kwaa sɛɛh ne kwaa loɡa, dɛ kpɔ ba kaa bojaŋ Babelɔn harɛ ta.

1 Webena 8:40

Ulam bibaala waa lol ba ɛ banyoola dɛ jemɛ to ne yoi kɛrɛdɛ. Ba dɔ bibaala ne naanar taeh, ba lɔ nɛra lafa fifraanue. Bɛnjamen naanaree ba nɔ bwa.

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

Ɛsra 2:1

Nɛra Babelɔn Koojen Nebukadnesa aa laɡ ba laa ta kaa bojaŋ harɛ Babelɔn, asɛ ba berɛ won ba Jerusalam ne Juda harɛ ta, dɛ ba so ba bwɛɛre ta laanee teŋa nɔ,

Ɛsra 2:59

Nɛra baa teŋa nɔ le bwɛɛre ane kɛŋɔ Tɛl Mɛla ne Tɛl Hasa, ne Kɛrɔb ne Adon dɛ Ima. Kɛ ba ta wone chaɡle kɛŋɔ ba lolanar mun le Israel harɛ ta. Banee nɔ,

Nehemia 11:1

Aa ba dɛ la sie tama la, harɛ la ta nomonome baa so Jerusalam, asɛ nɛra la kabora bil daa, dɛ le dembeŋkpoŋ nɛra le deremi fi bɛlbwa bini, ba ba so Jerusalam bwɛjen waa do ɡoroŋ la ta, asɛ banuanaarɛ kar la ɡe ka so ba bwɛɛre ta.

Nehemia 7:5

Korowii tɛ mɛ liire kɛŋɔ ń yerɛ bwɛɛ la sitɔɔla ne nomonome, dɛ nɛra baa lɔ bela la cheme, dɛ́ chwerɛ ba sɔna ɡɛ baa teŋɛ dɔŋa nɛɛ lola ta. N na banɔ la ba naawa aa tɔ sie le bojaŋ harɛfale ta dɛ ba la. Kenii ba chwerɛ ba sɔna ɡɛ baa teŋɛ dɔŋa nɛ.

Nehemia 7:64

A ɡɛ nɛra nɔ ɡaaɡe ba naawa luɡe tɔne bini kahonɛ, anomanta, ba kpɔ ba kɛŋɔ nɛra doŋa aa lɔ ba nɛɛ baa wola won ɛ sɔfore.

Aesaya 3:2

dɛ́ chɔɡ ba banyoola ne laa tena, ne nɛra baa bol ba waa dɛɛ pa bole ne ba keamere ne ba voɡra, dɛ nomonome,

Jeremia 13:19

Baa tɔɔɡe Juda weekaŋle harɛbɔr bwɛjena ɡbenii baa wola won yaa, dɛkalkɛ ba dɔma baa chɔ bar bwɛɛ la. Baa lawɛ Juda tena bwaa kaa bojaŋ harɛfala ta.

Jeremia 39:9

Nebusaradan waa chɔ kooro laa tena baa dɛ daahno nyoa, lawɛ nɛra baa kaa dɛ do Jerusalam, dɛ banɔ la baa baa ja o nɛɛ la bwa kaa Babelɔn harɛ ta.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.