1 Webena 7:29 - mzwDBL

²⁹ Dɛ kpoŋe ka le Manasɛ dea jwɛh ta kaa Bɛt San ne Taanak ne Meɡido ne Dɔr, dɛ bwɛɛre aa bar bela bwa. Dɛ Jekɔb bibaa Josef naanaree sosoɡe a ɡɛ bwɛɛre nɔ ta.

1 Webena 7:29 ပူးပေါင်းရင်းမြစ်များ

1 Koranar 4:12

Ahilud bibaa Baana chɔ bwɛjena Taanak ne Meɡido nyoa, dɛ berɛ kpoŋe ka le Bɛt San harɛ waa bɛne Saretan Jesreel weekaŋle harɛbɔr, dɛ le Bɛt San dɛɛ kaa bwɛjen Ebel Mehola, dɛ ka le bwɛjen Jokmeam baŋ.

1 Koranar 9:15

Ŋwɛnɛ Kooro Solomɔn aa kpɔa ɛɡre nɛra ba ma Korowii Dea ne o ɡbaɡba koodem, ne bwea waa ɡela ba che su bwɛjen Jerusalam wee leebɔr pera waa ɛ bɔɔ la bini o su, ne danjwɛjen waa baro, ne bwɛjena Hasɔ ne Meɡido dɛ Gɛsa laanee la.

2 Koranar 23:29

Gɛ saŋ Kooro Josia aa di kora la, Ijipt harɛ ta Kooro Neko kpɔ o laa tena ba Yufretis Moo ta ba cha Asiiria koojen. Kooro Josia kpɔ o laa tena ka pu Kooro Neko yo, asɛ Kooro Neko kpoo bwɛjen Meɡido.

2 Koranar 9:27

Juda harɛ Kooro Ahasia aa na ɡɛ la, o chwao kpɔ o torɔɡo la, dɛ lawɛ ŋwɛnɛ bɛl waa kaa bwɛɛ bɛl baa dɛ yerɔ Bɛt Haɡan ta. Asɛ Kooro Jehu tiu dɛɛ dooɡe lɔŋɔre o laa tena la be ŋɔ, “Hé kpo o ɡe.” Ba do Kooro Ahasia bol ɡɛ saŋ waa cheɡɛ o torɔɡo la bini, asɛ jaɡre la tɛɡre torɔɡo la, dɛ chwa kpɔ ŋwɛnɛ waa kaa bwɛɛ baa dɛ yerɔ Gur, waa bɛne Ibleam. Kɛ o berɔ won teŋɛ chwa kaa bwɛjen Meɡido ta, dɛ ka sewɛ bela.

2 Webena 35:22

Ane a bwa, dɛ Kooro Josia ta dɛ nyin ó ka yo. O ta waa Korowii aa cheɡɛ Kooro Neko nɛɛ dɛ bol la ta teŋɛ, anomanta, o beɡre o te dɛ la ka yoo Meɡido harɛ waa chɔa kaa la ta.

Sekaria 12:11

Awola tɔpere la, wii waa do Jerusalam la ɛɛ do kanee, kɛŋɔ Hadad Remɔn tena wii baa wi Meɡido deŋɡare doa harɛ waa chɔa kaa ta la.

Wepila 16:16

Kwaa aa dɛ ir nɛra nɛɛ la lawɛ koranar bwa cheme bobɛl Hibru tena aa dɛ yerɛ bela Amaɡɛdɔn la.

Sitɔɔla 5:19

Koranar balɔ dɛ ba yo, Keenan harɛ ta koranar balɔ dɛ ba yo. Ba baa yo Taanak waa bɛne nenabɔɔ Meɡido, kɛ ba ta wone kpɔ suuɡapoŋa kɛɛ komɛlbwa laa la ta.

1 Samoɛl 31:10

Ba kpɔ Kooro Sɔɔl dɔmkwaa la ka bil ba voɡhaah Astɔrɛt dea, dɛ kpaa o lale pɛl Bwɛjen Bɛt San danjwɛɛ ta.